Aadya Kalika Ashtottara Sata Namavali

ආද්ය කාලිකා අෂ්ටෝත්තර ශත නාමාවලිඃ

ශ්රීසදාශිව උවාච

ශෘණු දේවි ජගද්වන්ද්යේ ස්තෝත්රමේතදනුත්තමම් .

පඨනාච්ඡ්රවණාද්යස්ය සර්වසිද්ධීශ්වරෝ භවේත් .. 1 ..

අසෞභාග්යප්රශමනං සුඛසම්පද්විවර්ධනම් .

අකාලමෘත්යුහරණං සර්වාපද්විනිවාරණම් .. 2 ..

ශ්රීමදාද්යාකාලිකායාඃ සුඛසාන්නිධ්යකාරණම් .

ස්තවස්යාස්ය ප්රසීදේන ත්රිපුරාරිරහං ප්රියේ .. 3 ..

ස්තෝත්රස්යාස්ය ඍෂිර්දේවි සදාශිව උදාහෘතඃ .

ඡන්දෝ(අ)නුෂ්ටුබ්දේවතාද්යා කාලිකා පරිකීර්තිතා .

ධර්මකාමාර්ථමෝක්ෂේෂු විනියෝගඃ ප්රකීර්තිතඃ .. 4 ..

අථ ස්තෝත්රම්

හ්රීං කාලී ශ්රීං කරාලී ච ක්රීං කල්යාණී කලාවතී .

කමලා කලිදර්පඝ්නී කපර්දීශකෘපාන්විතා .. 5 ..

කාලිකා කාලමාතා ච කාලානලසමද්යුතිඃ .

කපර්දිනී කරාලාස්යා කරුණාමෘතසාගරා .. 6 ..

කෘපාමයී කෘපාධාරා කෘපාපාරා කෘපාගමා .

කෘශානුඃ කපිලා කෘෂ්ණා කෘෂ්ණානන්දවිවර්ධිනී .. 7 ..

කාලරාත්රිඃ කාමරූපා කාමපාශවිමෝචිනී .

කාදම්බිනී කලාධාරා කලිකල්මෂනාශිනී .. 8 ..

කුමාරීපූජනප්රීතා කුමාරීපූජකාලයා .

කුමාරීභෝජනානන්දා කුමාරීරූපධාරිණී .. 9 ..

කදම්බවනසඤ්චාරා කදම්බවනවාසිනී .

කදම්බපුෂ්පසන්තෝෂා කදම්බපුෂ්පමාලිනී .. 10 ..

කිශෝරී කලකණ්ඨා ච කලනාදනිනාදිනී .

කාදම්බරීපානරතා තථා කාදම්බරීප්රියා .. 11 ..

කපාලපාත්රනිරතා කඞ්කාලමාල්යධාරිණී .

කමලාසනසන්තුෂ්ටා කමලාසනවාසිනී .. 12 ..

කමලාලයමධ්යස්ථා කමලාමෝදමෝදිනී .

කලහංසගතිඃ ක්ලෛබ්යනාශිනී කාමරූපිණී .. 13 ..

කාමරූපකෘතාවාසා කාමපීඨවිලාසිනී .

කමනීයා කල්පලතා කමනීයවිභූෂණා .. 14 ..

කමනීයගුණාරාධ්යා කෝමලාඞ්ගී කෘශෝදරී .

කාරණාමෘතසන්තෝෂා කාරණානන්දසිද්ධිදා .. 15 ..

කාරණානන්දජාපේෂ්ටා කාරණාර්චනහර්ෂිතා .

කාරණාර්ණවසම්මග්නා කාරණව්රතපාලිනී .. 16 ..

කස්තූරීසෞරභාමෝදා කස්තූරීතිලකෝජ්ජ්වලා .

කස්තූරීපූජනරතා කස්තූරීපූජකප්රියා .. 17 ..

කස්තූරීදාහජනනී කස්තූරීමෘගතෝෂිණී .

කස්තූරීභෝජනප්රීතා කර්පූරාමෝදමෝදිතා .. 18 ..

කර්පූරමාලාභරණා කර්පූරචන්දනෝක්ෂිතා .

කර්පූරකාරණාහ්ලාදා කර්පූරාමෘතපායිනී .. 19 ..

කර්පූරසාගරස්නාතා කර්පූරසාගරාලයා .

කූර්චබීජජපප්රීතා කූර්චජාපපරායණා .. 20 ..

කුලීනා කෞලිකාරාධ්යා කෞලිකප්රියකාරිණී .

කුලාචාරා කෞතුකිනී කුලමාර්ගප්රදර්ශිනී .. 21 ..

කාශීශ්වරී කෂ්ටහර්ත්රී කාශීශවරදායිනී .

කාශීශ්වරකෘතාමෝදා කාශීශ්වරමනෝරමා .. 22 ..

කලමඤ්ජීරචරණා ක්වණත්කාඤ්චීවිභූෂණා .

කාඤ්චනාද්රිකෘතාගාරා කාඤ්චනාචලකෞමුදී .. 23 ..

කාමබීජජපානන්දා කාමබීජස්වරූපිණී .

කුමතිඝ්නී කුලීනාර්තිනාශිනී කුලකාමිනී .. 24 ..

ක්රීං හ්රීං ශ්රීං මන්ත්රවර්ණේන කාලකණ්ටකඝාතිනී .

ඉත්යාද්යාකාලිකාදේව්යාඃ ශතනාම ප්රකීර්තිතම් .. 25 ..

කකාරකූටඝටිතං කාලීරූපස්වරූපකම් .

පූජාකාලේ පඨේද්යස්තු කාලිකාකෘතමානසඃ .. 26 ..

මන්ත්රසිද්ධිර්භවේදාශු තස්ය කාලී ප්රසීදති .

බුද්ධිං විද්යාං ච ලභතේ ගුරෝරාදේශමාත්රතඃ .. 27 ..

ධනවාන් කීර්තිමාන් භූයාද්දානශීලෝ දයාන්විතඃ .

පුත්රපෞත්රසුඛෛශ්වර්යෛර්මෝදතේ සාධකෝ භුවි .. 28 ..

භෞමාවාස්යානිශාභාගේ මපඤ්චකසමන්විතඃ .

පූජයිත්වා මහාකාලීමාද්යාං ත්රිභුවනේශ්වරීම් .. 29 ..

පඨිත්වා ශතනාමානි සාක්ෂාත්කාලීමයෝ භවේත් .

නාසාධ්යං විද්යතේ තස්ය ත්රිෂු ලෝකේෂු කිඤ්චන .. 30 ..

විද්යායාං වාක්පතිඃ සාක්ෂාත් ධනේ ධනපතිර්භවේත් .

සමුද්ර ඉව ගාම්භීර්යේ බලේ ච පවනෝපමඃ .. 31 ..

තිග්මාංශුරිව දුෂ්ප්රේක්ෂ්යඃ ශශිවච්ඡුභදර්ශනඃ .

රූපේ මූර්තිධරඃ කාමෝ යෝෂිතාං හෘදයඞ්ගමඃ .. 32 ..

සර්වත්ර ජයමාප්නෝති ස්තවස්යාස්ය ප්රසාදතඃ .

යං යං කාමං පුරස්කෘත්ය ස්තෝත්රමේතදුදීරයේත් .. 33 ..

තං තං කාමමවාප්නෝති ශ්රීමදාද්යාප්රසාදතඃ .

රණේ රාජකුලේ ද්යූතේ විවාදේ ප්රාණසඞ්කටේ .. 34 ..

දස්යුග්රස්තේ ග්රාමදාහේ සිංහව්යාඝ්රාවෘතේ තථා .

අරණ්යේ ප්රාන්තරේ දුර්ගේ ග්රහරාජභයේ(අ)පි වා .. 35 ..

ජ්වරදාහේ චිරව්යාධෞ මහාරෝගාදිසඞ්කුලේ .

බාලග්රහාදි රෝගේ ච තථා දුඃස්වප්නදර්ශනේ .. 36 ..

දුස්තරේ සලිලේ වාපි පෝතේ වාතවිපද්ගතේ .

විචින්ත්ය පරමාං මායාමාද්යාං කාලීං පරාත්පරාම් .. 37 ..

යඃ පඨේච්ඡතනාමානි දෘඪභක්තිසමන්විතඃ .

සර්වාපද්භ්යෝ විමුච්යේත දේවි සත්යං න සංශයඃ .. 38 ..

න පාපේභ්යෝ භයං තස්ය න රෝගෝභ්යෝ භයං ක්වචිත් .

සර්වත්ර විජයස්තස්ය න කුත්රාපි පරාභවඃ .. 39 ..

තස්ය දර්ශනමාත්රේණ පලායන්තේ විපද්ගණාඃ .

ස වක්තා සර්වශාස්ත්රාණාං ස භෝක්තා සර්වසම්පදාම් .. 40 ..

ස කර්තා ජාතිධර්මාණාං ජ්ඤාතීනාං ප්රභුරේව සඃ .

වාණී තස්ය වසේද්වක්ත්රේ කමලා නිශ්චලා ගෘහේ .. 41 ..

තන්නාම්නා මානවාඃ සර්වේ ප්රණමන්ති සසම්භ්රමාඃ .

දෘෂ්ට්යා තස්ය තෘණායන්තේ හ්යණිමාද්යෂ්ටසිද්ධයඃ .. 42 ..

ආද්යාකාලීස්වරූපාඛ්යං ශතනාම ප්රකීර්තිතම් .

අෂ්ටෝත්තරශතාවෘත්යා පුරශ්චර්යා(අ)ස්ය ගීයතේ .. 43 ..

පුරස්ක්රියාන්විතං ස්තෝත්රං සර්වාභීෂ්ටඵලප්රදම් .

ශතනාමස්තුතිමිමාමාද්යාකාලීස්වරූපිණීම් .. 44 ..

පඨේද්වා පාඨයේද්වාපි ශෘණුයාච්ඡ්රාවයේදපි .

සර්වපාපවිනිර්මුක්තෝ බ්රහ්මසායුජ්යමාප්නුයාත් .. 45 ..

ඉති මහානිර්වාණතන්ත්රේ සප්තමෝල්ලාසාන්තර්ගතං ශ්රී ආද්යා කාලිකා ශතනාම ස්තෝත්රම් ..