Aadya Kalika Ashtottara Sata Namavali

Adya kAlikA aShTottara shata nAmAvaliH

shloka 1

shrIsadAshiva uvAcha

shRRiNu devi jagadvandye stotrametadanuttamam |

paThanAchChravaNAdyasya sarvasiddhIshvaro bhavet || 1 ||

asaubhAgyaprashamanaM sukhasampadvivardhanam |

akAlamRRityuharaNaM sarvApadvinivAraNam || 2 ||

shrImadAdyAkAlikAyAH sukhasAnnidhyakAraNam |

stavasyAsya prasIdena tripurArirahaM priye || 3 ||

stotrasyAsya RRiShirdevi sadAshiva udAhRRitaH |

Chando.anuShTubdevatAdyA kAlikA parikIrtitA |

dharmakAmArthamokSheShu viniyogaH prakIrtitaH || 4 ||

atha stotram

hrIM kAlI shrIM karAlI cha krIM kalyANI kalAvatI |

kamalA kalidarpaghnI kapardIshakRRipAnvitA || 5 ||

kAlikA kAlamAtA cha kAlAnalasamadyutiH |

kapardinI karAlAsyA karuNAmRRitasAgarA || 6 ||

kRRipAmayI kRRipAdhArA kRRipApArA kRRipAgamA |

kRRishAnuH kapilA kRRiShNA kRRiShNAnandavivardhinI || 7 ||

kAlarAtriH kAmarUpA kAmapAshavimochinI |

kAdambinI kalAdhArA kalikalmaShanAshinI || 8 ||

kumArIpUjanaprItA kumArIpUjakAlayA |

kumArIbhojanAnandA kumArIrUpadhAriNI || 9 ||

kadambavanasa~nchArA kadambavanavAsinI |

kadambapuShpasantoShA kadambapuShpamAlinI || 10 ||

kishorI kalakaNThA cha kalanAdaninAdinI |

kAdambarIpAnaratA tathA kAdambarIpriyA || 11 ||

kapAlapAtraniratA ka~NkAlamAlyadhAriNI |

kamalAsanasantuShTA kamalAsanavAsinI || 12 ||

kamalAlayamadhyasthA kamalAmodamodinI |

kalahaMsagatiH klaibyanAshinI kAmarUpiNI || 13 ||

kAmarUpakRRitAvAsA kAmapIThavilAsinI |

kamanIyA kalpalatA kamanIyavibhUShaNA || 14 ||

kamanIyaguNArAdhyA komalA~NgI kRRishodarI |

kAraNAmRRitasantoShA kAraNAnandasiddhidA || 15 ||

kAraNAnandajApeShTA kAraNArchanaharShitA |

kAraNArNavasammagnA kAraNavratapAlinI || 16 ||

kastUrIsaurabhAmodA kastUrItilakojjvalA |

kastUrIpUjanaratA kastUrIpUjakapriyA || 17 ||

kastUrIdAhajananI kastUrImRRigatoShiNI |

kastUrIbhojanaprItA karpUrAmodamoditA || 18 ||

karpUramAlAbharaNA karpUrachandanokShitA |

karpUrakAraNAhlAdA karpUrAmRRitapAyinI || 19 ||

karpUrasAgarasnAtA karpUrasAgarAlayA |

kUrchabIjajapaprItA kUrchajApaparAyaNA || 20 ||

kulInA kaulikArAdhyA kaulikapriyakAriNI |

kulAchArA kautukinI kulamArgapradarshinI || 21 ||

kAshIshvarI kaShTahartrI kAshIshavaradAyinI |

kAshIshvarakRRitAmodA kAshIshvaramanoramA || 22 ||

kalamanjIracharaNA kvaNatkAnchIvibhUShaNA |

kAnchanAdrikRRitAgArA kAnchanAchalakaumudI || 23 ||

kAmabIjajapAnandA kAmabIjasvarUpiNI |

kumatighnI kulInArtinAshinI kulakAminI || 24 ||

krIM hrIM shrIM mantravarNena kAlakaNTakaghAtinI |

ityAdyAkAlikAdevyAH shatanAma prakIrtitam || 25 ||

kakArakUTaghaTitaM kAlIrUpasvarUpakam |

pUjAkAle paThedyastu kAlikAkRRitamAnasaH || 26 ||

mantrasiddhirbhavedAshu tasya kAlI prasIdati |

buddhiM vidyAM cha labhate gurorAdeshamAtrataH || 27 ||

dhanavAn kIrtimAn bhUyAddAnashIlo dayAnvitaH |

putrapautrasukhaishvaryairmodate sAdhako bhuvi || 28 ||

bhaumAvAsyAnishAbhAge mapa~nchakasamanvitaH |

pUjayitvA mahAkAlImAdyAM tribhuvaneshvarIm || 29 ||

paThitvA shatanAmAni sAkShAtkAlImayo bhavet |

nAsAdhyaM vidyate tasya triShu lokeShu ki~nchana || 30 ||

vidyAyAM vAkpatiH sAkShAt dhane dhanapatirbhavet |

samudra iva gAmbhIrye bale cha pavanopamaH || 31 ||

tigmAMshuriva duShprekShyaH shashivachChubhadarshanaH |

rUpe mUrtidharaH kAmo yoShitAM hRRidaya~NgamaH || 32 ||

sarvatra jayamApnoti stavasyAsya prasAdataH |

yaM yaM kAmaM puraskRRitya stotrametadudIrayet || 33 ||

taM taM kAmamavApnoti shrImadAdyAprasAdataH |

raNe rAjakule dyUte vivAde prANasa~NkaTe || 34 ||

dasyugraste grAmadAhe siMhavyAghrAvRRite tathA |

araNye prAntare durge graharAjabhaye.api vA || 35 ||

jvaradAhe chiravyAdhau mahArogAdisa~Nkule |

bAlagrahAdi roge cha tathA duHsvapnadarshane || 36 ||

dustare salile vApi pote vAtavipadgate |

vichintya paramAM mAyAmAdyAM kAlIM parAtparAm || 37 ||

yaH paThechChatanAmAni dRRiDhabhaktisamanvitaH |

sarvApadbhyo vimuchyeta devi satyaM na saMshayaH || 38 ||

na pApebhyo bhayaM tasya na rogobhyo bhayaM kvachit |

sarvatra vijayastasya na kutrApi parAbhavaH || 39 ||

tasya darshanamAtreNa palAyante vipadgaNAH |

sa vaktA sarvashAstrANAM sa bhoktA sarvasampadAm || 40 ||

sa kartA jAtidharmANAM j~nAtInAM prabhureva saH |

vANI tasya vasedvaktre kamalA nishchalA gRRihe || 41 ||

tannAmnA mAnavAH sarve praNamanti sasambhramAH |

dRRiShTyA tasya tRRiNAyante hyaNimAdyaShTasiddhayaH || 42 ||

AdyAkAlIsvarUpAkhyaM shatanAma prakIrtitam |

aShTottarashatAvRRityA purashcharyA.asya gIyate || 43 ||

puraskriyAnvitaM stotraM sarvAbhIShTaphalapradam |

shatanAmastutimimAmAdyAkAlIsvarUpiNIm || 44 ||

paThedvA pAThayedvApi shRRiNuyAchChrAvayedapi |

sarvapApavinirmukto brahmasAyujyamApnuyAt || 45 ||

iti mahAnirvANatantre saptamollAsAntargataM shrI AdyA kAlikA shatanAma stotram ||