Aadya Kalika Ashtottara Sata Namavali
Aadya Kalika Ashtottara Sata Namavali
Aadya Kalika Ashtottara Sata Namavali
ādya kālikā aṣṭottara śata nāmāvaliḥ
śrīsadāśiva uvāca
śṛṇu devi jagadvandye stotrametadanuttamam |
paṭhanācchravaṇādyasya sarvasiddhīśvaro bhavet || 1 ||
asaubhāgyapraśamanaṃ sukhasampadvivardhanam |
akālamṛtyuharaṇaṃ sarvāpadvinivāraṇam || 2 ||
śrīmadādyākālikāyāḥ sukhasānnidhyakāraṇam |
stavasyāsya prasīdena tripurārirahaṃ priye || 3 ||
stotrasyāsya ṛṣirdevi sadāśiva udāhṛtaḥ |
chando'nuṣṭubdevatādyā kālikā parikīrtitā |
dharmakāmārthamokṣeṣu viniyogaḥ prakīrtitaḥ || 4 ||
atha stotram
hrīṃ kālī śrīṃ karālī ca krīṃ kalyāṇī kalāvatī |
kamalā kalidarpaghnī kapardīśakṛpānvitā || 5 ||
kālikā kālamātā ca kālānalasamadyutiḥ |
kapardinī karālāsyā karuṇāmṛtasāgarā || 6 ||
kṛpāmayī kṛpādhārā kṛpāpārā kṛpāgamā |
kṛśānuḥ kapilā kṛṣṇā kṛṣṇānandavivardhinī || 7 ||
kālarātriḥ kāmarūpā kāmapāśavimocinī |
kādambinī kalādhārā kalikalmaṣanāśinī || 8 ||
kumārīpūjanaprītā kumārīpūjakālayā |
kumārībhojanānandā kumārīrūpadhāriṇī || 9 ||
kadambavanasañcārā kadambavanavāsinī |
kadambapuṣpasantoṣā kadambapuṣpamālinī || 10 ||
kiśorī kalakaṇṭhā ca kalanādaninādinī |
kādambarīpānaratā tathā kādambarīpriyā || 11 ||
kapālapātraniratā kaṅkālamālyadhāriṇī |
kamalāsanasantuṣṭā kamalāsanavāsinī || 12 ||
kamalālayamadhyasthā kamalāmodamodinī |
kalahaṃsagatiḥ klaibyanāśinī kāmarūpiṇī || 13 ||
kāmarūpakṛtāvāsā kāmapīṭhavilāsinī |
kamanīyā kalpalatā kamanīyavibhūṣaṇā || 14 ||
kamanīyaguṇārādhyā komalāṅgī kṛśodarī |
kāraṇāmṛtasantoṣā kāraṇānandasiddhidā || 15 ||
kāraṇānandajāpeṣṭā kāraṇārcanaharṣitā |
kāraṇārṇavasammagnā kāraṇavratapālinī || 16 ||
kastūrīsaurabhāmodā kastūrītilakojjvalā |
kastūrīpūjanaratā kastūrīpūjakapriyā || 17 ||
kastūrīdāhajananī kastūrīmṛgatoṣiṇī |
kastūrībhojanaprītā karpūrāmodamoditā || 18 ||
karpūramālābharaṇā karpūracandanokṣitā |
karpūrakāraṇāhlādā karpūrāmṛtapāyinī || 19 ||
karpūrasāgarasnātā karpūrasāgarālayā |
kūrcabījajapaprītā kūrcajāpaparāyaṇā || 20 ||
kulīnā kaulikārādhyā kaulikapriyakāriṇī |
kulācārā kautukinī kulamārgapradarśinī || 21 ||
kāśīśvarī kaṣṭahartrī kāśīśavaradāyinī |
kāśīśvarakṛtāmodā kāśīśvaramanoramā || 22 ||
kalamañjīracaraṇā kvaṇatkāñcīvibhūṣaṇā |
kāñcanādrikṛtāgārā kāñcanācalakaumudī || 23 ||
kāmabījajapānandā kāmabījasvarūpiṇī |
kumatighnī kulīnārtināśinī kulakāminī || 24 ||
krīṃ hrīṃ śrīṃ mantravarṇena kālakaṇṭakaghātinī |
ityādyākālikādevyāḥ śatanāma prakīrtitam || 25 ||
kakārakūṭaghaṭitaṃ kālīrūpasvarūpakam |
pūjākāle paṭhedyastu kālikākṛtamānasaḥ || 26 ||
mantrasiddhirbhavedāśu tasya kālī prasīdati |
buddhiṃ vidyāṃ ca labhate gurorādeśamātrataḥ || 27 ||
dhanavān kīrtimān bhūyāddānaśīlo dayānvitaḥ |
putrapautrasukhaiśvaryairmodate sādhako bhuvi || 28 ||
bhaumāvāsyāniśābhāge mapañcakasamanvitaḥ |
pūjayitvā mahākālīmādyāṃ tribhuvaneśvarīm || 29 ||
paṭhitvā śatanāmāni sākṣātkālīmayo bhavet |
nāsādhyaṃ vidyate tasya triṣu lokeṣu kiñcana || 30 ||
vidyāyāṃ vākpatiḥ sākṣāt dhane dhanapatirbhavet |
samudra iva gāmbhīrye bale ca pavanopamaḥ || 31 ||
tigmāṃśuriva duṣprekṣyaḥ śaśivacchubhadarśanaḥ |
rūpe mūrtidharaḥ kāmo yoṣitāṃ hṛdayaṅgamaḥ || 32 ||
sarvatra jayamāpnoti stavasyāsya prasādataḥ |
yaṃ yaṃ kāmaṃ puraskṛtya stotrametadudīrayet || 33 ||
taṃ taṃ kāmamavāpnoti śrīmadādyāprasādataḥ |
raṇe rājakule dyūte vivāde prāṇasaṅkaṭe || 34 ||
dasyugraste grāmadāhe siṃhavyāghrāvṛte tathā |
araṇye prāntare durge graharājabhaye'pi vā || 35 ||
jvaradāhe ciravyādhau mahārogādisaṅkule |
bālagrahādi roge ca tathā duḥsvapnadarśane || 36 ||
dustare salile vāpi pote vātavipadgate |
vicintya paramāṃ māyāmādyāṃ kālīṃ parātparām || 37 ||
yaḥ paṭhecchatanāmāni dṛḍhabhaktisamanvitaḥ |
sarvāpadbhyo vimucyeta devi satyaṃ na saṃśayaḥ || 38 ||
na pāpebhyo bhayaṃ tasya na rogobhyo bhayaṃ kvacit |
sarvatra vijayastasya na kutrāpi parābhavaḥ || 39 ||
tasya darśanamātreṇa palāyante vipadgaṇāḥ |
sa vaktā sarvaśāstrāṇāṃ sa bhoktā sarvasampadām || 40 ||
sa kartā jātidharmāṇāṃ jñātīnāṃ prabhureva saḥ |
vāṇī tasya vasedvaktre kamalā niścalā gṛhe || 41 ||
tannāmnā mānavāḥ sarve praṇamanti sasambhramāḥ |
dṛṣṭyā tasya tṛṇāyante hyaṇimādyaṣṭasiddhayaḥ || 42 ||
ādyākālīsvarūpākhyaṃ śatanāma prakīrtitam |
aṣṭottaraśatāvṛtyā puraścaryā'sya gīyate || 43 ||
puraskriyānvitaṃ stotraṃ sarvābhīṣṭaphalapradam |
śatanāmastutimimāmādyākālīsvarūpiṇīm || 44 ||
paṭhedvā pāṭhayedvāpi śṛṇuyācchrāvayedapi |
sarvapāpavinirmukto brahmasāyujyamāpnuyāt || 45 ||
iti mahānirvāṇatantre saptamollāsāntargataṃ śrī ādyā kālikā śatanāma stotram ||
About This Stotram
Overview
Aadya Kalika Ashtottara Sata Namavali is a Sanskrit hymn listing 108 names of Aadya Kalika, the primordial form of Goddess Kali. Each name describes a distinct attribute or power of the Goddess. The text belongs to the Tantric tradition, where Shiva imparts divine knowledge to Shakti, and is recited for spiritual protection and material well-being.
What are the benefits of chanting Aadya Kalika Ashtottara Sata Namavali?
- Recitation is said to help devotees attain siddhis (spiritual powers).
- It is recited to remove misfortune and ward off calamities.
- Devotees chant it to seek protection from untimely death.
- The text is believed to bring happiness and prosperity.
- Chanting the 108 names is considered a complete act of worship of the Goddess.
When is the best time to recite this?
This namavali is recited during daily puja, on occasions such as Kali Puja and Navaratri, and at other festivals dedicated to the Goddess. It is also recited in times of difficulty to seek divine protection.
Historical and traditional background
The Aadya Kalika Ashtottara Sata Namavali belongs to the Tantric tradition. The introductory verses indicate it was revealed by Shiva to Devi, placing it within the category of Agama texts. The exact date of composition is unknown. It circulates within Shakta devotional literature as a standalone namavali for ritual use.
Available scripts
This text is available in 14 scripts: Devanagari, Tamil, Telugu, Kannada, Malayalam, Gujarati, Bengali, IAST, Gurmukhi, Oriya, Assamese, Sinhala, ITRANS, HK. Use the script selector to read it in your preferred script.
Related Texts
- Kali Sahasranama Stotram — a longer collection of one thousand names of the same Goddess.
- Dakshina Kali Ashtakam — an eight-verse hymn to Kali, worshipped in the same Shakta tradition.