Aadya Kalika Ashtottara Sata Namavali

আদ্য কালিকা অষ্টোত্তর শত নামাবলিঃ

শ্লোক 1

শ্রীসদাশিব উবাচ

শৃণু দেবি জগদ্বন্দ্যে স্তোত্রমেতদনুত্তমম্ ।

পঠনাচ্ছ্রবণাদ্যস্য সর্বসিদ্ধীশ্বরো ভবেত্

শ্লোক 2

অসৌভাগ্যপ্রশমনং সুখসম্পদ্বিবর্ধনম্ ।

অকালমৃত্যুহরণং সর্বাপদ্বিনিবারণম্

॥ 1 ॥

শ্লোক 3

শ্রীমদাদ্যাকালিকাযাঃ সুখসান্নিধ্যকারণম্ ।

স্তবস্যাস্য প্রসীদেন ত্রিপুরারিরহং প্রিযে

॥ 2 ॥

শ্লোক 4

স্তোত্রস্যাস্য ঋষির্দেবি সদাশিব উদাহৃতঃ ।

ছন্দোঽনুষ্টুব্দেবতাদ্যা কালিকা পরিকীর্তিতা ।

ধর্মকামার্থমোক্ষেষু বিনিযোগঃ প্রকীর্তিতঃ

॥ 3 ॥

শ্লোক 5

অথ স্তোত্রম্

হ্রীং কালী শ্রীং করালী চ ক্রীং কল্যাণী কলাবতী ।

কমলা কলিদর্পঘ্নী কপর্দীশকৃপান্বিতা

॥ 4 ॥

শ্লোক 6

কালিকা কালমাতা চ কালানলসমদ্যুতিঃ ।

কপর্দিনী করালাস্যা করুণামৃতসাগরা

॥ 5 ॥

শ্লোক 7

কৃপামযী কৃপাধারা কৃপাপারা কৃপাগমা ।

কৃশানুঃ কপিলা কৃষ্ণা কৃষ্ণানন্দবিবর্ধিনী

॥ 6 ॥

শ্লোক 8

কালরাত্রিঃ কামরূপা কামপাশবিমোচিনী ।

কাদম্বিনী কলাধারা কলিকল্মষনাশিনী

॥ 7 ॥

শ্লোক 9

কুমারীপূজনপ্রীতা কুমারীপূজকালযা ।

কুমারীভোজনানন্দা কুমারীরূপধারিণী

॥ 8 ॥

শ্লোক 10

কদম্ববনসঞ্চারা কদম্ববনবাসিনী ।

কদম্বপুষ্পসন্তোষা কদম্বপুষ্পমালিনী

॥ 9 ॥

শ্লোক 11

কিশোরী কলকণ্ঠা চ কলনাদনিনাদিনী ।

কাদম্বরীপানরতা তথা কাদম্বরীপ্রিযা

॥ 10 ॥

শ্লোক 12

কপালপাত্রনিরতা কঙ্কালমাল্যধারিণী ।

কমলাসনসন্তুষ্টা কমলাসনবাসিনী

॥ 11 ॥

শ্লোক 13

কমলালযমধ্যস্থা কমলামোদমোদিনী ।

কলহংসগতিঃ ক্লৈব্যনাশিনী কামরূপিণী

॥ 12 ॥

শ্লোক 14

কামরূপকৃতাবাসা কামপীঠবিলাসিনী ।

কমনীযা কল্পলতা কমনীযবিভূষণা

॥ 13 ॥

শ্লোক 15

কমনীযগুণারাধ্যা কোমলাঙ্গী কৃশোদরী ।

কারণামৃতসন্তোষা কারণানন্দসিদ্ধিদা

॥ 14 ॥

শ্লোক 16

কারণানন্দজাপেষ্টা কারণার্চনহর্ষিতা ।

কারণার্ণবসম্মগ্না কারণব্রতপালিনী

॥ 15 ॥

শ্লোক 17

কস্তূরীসৌরভামোদা কস্তূরীতিলকোজ্জ্বলা ।

কস্তূরীপূজনরতা কস্তূরীপূজকপ্রিযা

॥ 16 ॥

শ্লোক 18

কস্তূরীদাহজননী কস্তূরীমৃগতোষিণী ।

কস্তূরীভোজনপ্রীতা কর্পূরামোদমোদিতা

॥ 17 ॥

শ্লোক 19

কর্পূরমালাভরণা কর্পূরচন্দনোক্ষিতা ।

কর্পূরকারণাহ্লাদা কর্পূরামৃতপাযিনী

॥ 18 ॥

শ্লোক 20

কর্পূরসাগরস্নাতা কর্পূরসাগরালযা ।

কূর্চবীজজপপ্রীতা কূর্চজাপপরাযণা

॥ 19 ॥

শ্লোক 21

কুলীনা কৌলিকারাধ্যা কৌলিকপ্রিযকারিণী ।

কুলাচারা কৌতুকিনী কুলমার্গপ্রদর্শিনী

॥ 20 ॥

শ্লোক 22

কাশীশ্বরী কষ্টহর্ত্রী কাশীশবরদাযিনী ।

কাশীশ্বরকৃতামোদা কাশীশ্বরমনোরমা

॥ 21 ॥

শ্লোক 23

কলমঞ্জীরচরণা ক্বণত্কাঞ্চীবিভূষণা ।

কাঞ্চনাদ্রিকৃতাগারা কাঞ্চনাচলকৌমুদী

॥ 22 ॥

শ্লোক 24

কামবীজজপানন্দা কামবীজস্বরূপিণী ।

কুমতিঘ্নী কুলীনার্তিনাশিনী কুলকামিনী

॥ 23 ॥

শ্লোক 25

ক্রীং হ্রীং শ্রীং মন্ত্রবর্ণেন কালকণ্টকঘাতিনী ।

ইত্যাদ্যাকালিকাদেব্যাঃ শতনাম প্রকীর্তিতম্

॥ 24 ॥

শ্লোক 26

ককারকূটঘটিতং কালীরূপস্বরূপকম্ ।

পূজাকালে পঠেদ্যস্তু কালিকাকৃতমানসঃ

॥ 25 ॥

শ্লোক 27

মন্ত্রসিদ্ধির্ভবেদাশু তস্য কালী প্রসীদতি ।

বুদ্ধিং বিদ্যাং চ লভতে গুরোরাদেশমাত্রতঃ

॥ 26 ॥

শ্লোক 28

ধনবান্ কীর্তিমান্ ভূযাদ্দানশীলো দযান্বিতঃ ।

পুত্রপৌত্রসুখৈশ্বর্যৈর্মোদতে সাধকো ভুবি

॥ 27 ॥

শ্লোক 29

ভৌমাবাস্যানিশাভাগে মপঞ্চকসমন্বিতঃ ।

পূজযিত্বা মহাকালীমাদ্যাং ত্রিভুবনেশ্বরীম্

॥ 28 ॥

শ্লোক 30

পঠিত্বা শতনামানি সাক্ষাত্কালীমযো ভবেত্ ।

নাসাধ্যং বিদ্যতে তস্য ত্রিষু লোকেষু কিঞ্চন

॥ 29 ॥

শ্লোক 31

বিদ্যাযাং বাক্পতিঃ সাক্ষাত্ ধনে ধনপতির্ভবেত্ ।

সমুদ্র ইব গাম্ভীর্যে বলে চ পবনোপমঃ

॥ 30 ॥

শ্লোক 32

তিগ্মাংশুরিব দুষ্প্রেক্ষ্যঃ শশিবচ্ছুভদর্শনঃ ।

রূপে মূর্তিধরঃ কামো যোষিতাং হৃদযঙ্গমঃ

॥ 31 ॥

শ্লোক 33

সর্বত্র জযমাপ্নোতি স্তবস্যাস্য প্রসাদতঃ ।

যং যং কামং পুরস্কৃত্য স্তোত্রমেতদুদীরযেত্

॥ 32 ॥

শ্লোক 34

তং তং কামমবাপ্নোতি শ্রীমদাদ্যাপ্রসাদতঃ ।

রণে রাজকুলে দ্যূতে বিবাদে প্রাণসঙ্কটে

॥ 33 ॥

শ্লোক 35

দস্যুগ্রস্তে গ্রামদাহে সিংহব্যাঘ্রাবৃতে তথা ।

অরণ্যে প্রান্তরে দুর্গে গ্রহরাজভযেঽপি বা

॥ 34 ॥

শ্লোক 36

জ্বরদাহে চিরব্যাধৌ মহারোগাদিসঙ্কুলে ।

বালগ্রহাদি রোগে চ তথা দুঃস্বপ্নদর্শনে

॥ 35 ॥

শ্লোক 37

দুস্তরে সলিলে বাপি পোতে বাতবিপদ্গতে ।

বিচিন্ত্য পরমাং মাযামাদ্যাং কালীং পরাত্পরাম্

॥ 36 ॥

শ্লোক 38

যঃ পঠেচ্ছতনামানি দৃঢভক্তিসমন্বিতঃ ।

সর্বাপদ্ভ্যো বিমুচ্যেত দেবি সত্যং ন সংশযঃ

॥ 37 ॥

শ্লোক 39

ন পাপেভ্যো ভযং তস্য ন রোগোভ্যো ভযং ক্বচিত্ ।

সর্বত্র বিজযস্তস্য ন কুত্রাপি পরাভবঃ

॥ 38 ॥

শ্লোক 40

তস্য দর্শনমাত্রেণ পলাযন্তে বিপদ্গণাঃ ।

স বক্তা সর্বশাস্ত্রাণাং স ভোক্তা সর্বসম্পদাম্

॥ 39 ॥

শ্লোক 41

স কর্তা জাতিধর্মাণাং জ্ঞাতীনাং প্রভুরেব সঃ ।

বাণী তস্য বসেদ্বক্ত্রে কমলা নিশ্চলা গৃহে

॥ 40 ॥

শ্লোক 42

তন্নাম্না মানবাঃ সর্বে প্রণমন্তি সসম্ভ্রমাঃ ।

দৃষ্ট্যা তস্য তৃণাযন্তে হ্যণিমাদ্যষ্টসিদ্ধযঃ

॥ 41 ॥

শ্লোক 43

আদ্যাকালীস্বরূপাখ্যং শতনাম প্রকীর্তিতম্ ।

অষ্টোত্তরশতাবৃত্যা পুরশ্চর্যাঽস্য গীযতে

॥ 42 ॥

শ্লোক 44

পুরস্ক্রিযান্বিতং স্তোত্রং সর্বাভীষ্টফলপ্রদম্ ।

শতনামস্তুতিমিমামাদ্যাকালীস্বরূপিণীম্

॥ 43 ॥

শ্লোক 45

পঠেদ্বা পাঠযেদ্বাপি শৃণুযাচ্ছ্রাবযেদপি ।

সর্বপাপবিনির্মুক্তো ব্রহ্মসাযুজ্যমাপ্নুযাত্

॥ 44 ॥

শ্লোক 46

ইতি মহানির্বাণতন্ত্রে সপ্তমোল্লাসান্তর্গতং শ্রী আদ্যা কালিকা শতনাম স্তোত্রম্ ॥