Sri Radha Krishna Ashtakam

ශ්රී රාධා කෘෂ්ණ අෂ්ටකම්

ශ්ලොක 1

යඃ ශ්රීගෝවර්ධනාද්රිං සකලසුරපතීංස්තත්රගෝගෝපබෘන්දං

ස්වීයං සංරක්ෂිතුං චේත්යමරසුඛකරං මෝහයන් සන්දධාර .

තන්මානං ඛණ්ඩයිත්වා විජිතරිපුකුලෝ නීලධාරාධරාභඃ

කෘෂ්ණෝ රාධාසමේතෝ විලසතු හෘදයේ සෝ(අ)ස්මදීයේ සදෛව .. 1 ..

යං දෘෂ්ට්වා කංසභූපඃ ස්වකෘතකෘතිමහෝ සංස්මරන්මන්ත්රිවර්යාන්

කිං වා පූර්වං මයේදං කෘතමිති වචනං දුඃඛිතඃ ප්රත්යුවාච .

ආජ්ඤප්තෝ නාරදේන ස්මිතයුතවදනඃ පූරයන්සර්වකාමාන්

කෘෂ්ණෝ රාධාසමේතෝ විලසතු හෘදයේ සෝ(අ)ස්මදීයේ සදෛව .. 2 ..

යේන ප්රෝද්යත්ප්රතාපා නෘපතිකුලභවාඃ පාණ්ඩවාඃ කෞරවාබ්ධිං

තීර්ත්වා පාරං තදීයං ජගදඛිලනෘණාං දුස්තරඤ්චේති ජග්මුඃ .

තත්පත්නීචීරවෘද්ධිප්රවිදිතමහිමා භූතලේ භූපතීශඃ

කෘෂ්ණෝ රාධාසමේතෝ විලසතු හෘදයේ සෝ(අ)ස්මදීයේ සදෛව .. 3 ..

යස්මෛ චෝද්ධෘත්ය පාත්රාද්දධියුතනවනීතං කරෛර්ගෝපිකාභි-

ර්දත්තං තද්භාවපූර්තෞ විනිහිතහෘදයස්සත්යමේවං තිරෝධාත් .

මුක්තාගුඤ්ජාවලීභිඃ ප්රචුරතමරුචිඃ කුණ්ඩලාක්රාන්තගණ්ඩඃ

කෘෂ්ණෝ රාධාසමේතෝ විලසතු හෘදයේ සෝ(අ)ස්මදීයේ සදෛව .. 4 ..

යස්මාද්විශ්වාභිරාමාදිහ ජනනවිධෞ සර්වනන්දාදිගෝපාඃ

සංසාරාර්තේර්විමුක්තාඃ සකලසුඛකරාඃ සම්පදඃ ප්රාපුරේව .

ඉත්ථං පූර්ණේන්දුවක්ත්රඃ කලකමලදෘශඃ ස්වීයජන්ම ස්තුවන්තඃ

කෘෂ්ණෝ රාධාසමේතෝ විලසතු හෘදයේ සෝ(අ)ස්මදීයේ සදෛව .. 5 ..

යස්ය ශ්රීනන්දසූනෝඃ ව්රජයුවතිජනාශ්චාගතා භර්තෘපුත්රාං-

ස්ත්යක්ත්වා ශ්රුත්වා සමීපේ විචකිතනයනාඃ සප්රමෝදාඃ ස්වගේහේ .

රන්තුං රාසාදිලීලා මනසිජදලිතා වේණුනාදං ච රම්යං

කෘෂ්ණෝ රාධාසමේතෝ විලසතු හෘදයේ සෝ(අ)ස්මදීයේ සදෛව .. 6 ..

යස්මින් දෘෂ්ටේ සමස්තේ ජගති යුවතයඃ ප්රාණනාථව්රතායා-

ස්තා අප්යේවං හි නූනං කිමපි ච හෘදයේ කාමභාවං දධත්යඃ .

තත්ස්නේහාබ්ධිං වපුශ්චේදවිදිතධරණෞ සූර්යබිම්බස්වරූපාඃ

කෘෂ්ණෝ රාධාසමේතෝ විලසතු හෘදයේ සෝ(අ)ස්මදීයේ සදෛව .. 7 ..

යඃ ස්වීයේ ගෝකුලේ(අ)ස්මින්විදිතනිජකුලෝද්භූතබාලෛඃ සමේතෝ

මාතර්යේවං චකාර ප්රසෘතතමගුණාන්බාලලීලාවිලාසාන් .

හත්වා වත්සප්රලම්බද්විවිදබකඛරාන්ගෝපබෘන්දං ජුගෝප

කෘෂ්ණෝ රාධාසමේතෝ විලසතු හෘදයේ සෝ(අ)ස්මදීයේ සදෛව .. 8 ..

කෘෂ්ණාරාධාෂ්ටකං ප්රාතරුත්ථාය ප්රපඨේන්නරඃ .

ය ඒවං සර්වදා නූනං ස ප්රාප්නෝති පරාං ගතිම් .. 9 ..

ඉති ශ්රීරඝුනාථචාර්ය විරචිතං ශ්රීරාධාකෘෂ්ණාෂ්ටකම් .