Sri Radha Krishna Ashtakam

ଶ୍ରୀ ରାଧା କୃଷ୍ଣ ଅଷ୍ଟକମ୍

ଶ୍ଲୋକ 1

ଯଃ ଶ୍ରୀଗୋଵର୍ଧନାଦ୍ରିଂ ସକଲସୁରପତୀଂସ୍ତତ୍ରଗୋଗୋପବୃନ୍ଦଂ

ସ୍ଵୀଯଂ ସଂରକ୍ଷିତୁଂ ଚେତ୍ଯମରସୁଖକରଂ ମୋହଯନ୍ ସନ୍ଦଧାର ।

ତନ୍ମାନଂ ଖଣ୍ଡଯିତ୍ଵା ଵିଜିତରିପୁକୁଲୋ ନୀଲଧାରାଧରାଭଃ

କୃଷ୍ଣୋ ରାଧାସମେତୋ ଵିଲସତୁ ହୃଦଯେ ସୋଽସ୍ମଦୀଯେ ସଦୈଵ

ଶ୍ଲୋକ 2

ଯଂ ଦୃଷ୍ଟ୍ଵା କଂସଭୂପଃ ସ୍ଵକୃତକୃତିମହୋ ସଂସ୍ମରନ୍ମନ୍ତ୍ରିଵର୍ଯାନ୍

କିଂ ଵା ପୂର୍ଵଂ ମଯେଦଂ କୃତମିତି ଵଚନଂ ଦୁଃଖିତଃ ପ୍ରତ୍ଯୁଵାଚ ।

ଆଜ୍ଞପ୍ତୋ ନାରଦେନ ସ୍ମିତଯୁତଵଦନଃ ପୂରଯନ୍ସର୍ଵକାମାନ୍

କୃଷ୍ଣୋ ରାଧାସମେତୋ ଵିଲସତୁ ହୃଦଯେ ସୋଽସ୍ମଦୀଯେ ସଦୈଵ

॥ 1 ॥

ଶ୍ଲୋକ 3

ଯେନ ପ୍ରୋଦ୍ଯତ୍ପ୍ରତାପା ନୃପତିକୁଲଭଵାଃ ପାଣ୍ଡଵାଃ କୌରଵାବ୍ଧିଂ

ତୀର୍ତ୍ଵା ପାରଂ ତଦୀଯଂ ଜଗଦଖିଲନୃଣାଂ ଦୁସ୍ତରଞ୍ଚେତି ଜଗ୍ମୁଃ ।

ତତ୍ପତ୍ନୀଚୀରଵୃଦ୍ଧିପ୍ରଵିଦିତମହିମା ଭୂତଲେ ଭୂପତୀଶଃ

କୃଷ୍ଣୋ ରାଧାସମେତୋ ଵିଲସତୁ ହୃଦଯେ ସୋଽସ୍ମଦୀଯେ ସଦୈଵ

॥ 2 ॥

ଶ୍ଲୋକ 4

ଯସ୍ମୈ ଚୋଦ୍ଧୃତ୍ଯ ପାତ୍ରାଦ୍ଦଧିଯୁତନଵନୀତଂ କରୈର୍ଗୋପିକାଭି-

ର୍ଦତ୍ତଂ ତଦ୍ଭାଵପୂର୍ତୌ ଵିନିହିତହୃଦଯସ୍ସତ୍ଯମେଵଂ ତିରୋଧାତ୍ ।

ମୁକ୍ତାଗୁଞ୍ଜାଵଲୀଭିଃ ପ୍ରଚୁରତମରୁଚିଃ କୁଣ୍ଡଲାକ୍ରାନ୍ତଗଣ୍ଡଃ

କୃଷ୍ଣୋ ରାଧାସମେତୋ ଵିଲସତୁ ହୃଦଯେ ସୋଽସ୍ମଦୀଯେ ସଦୈଵ

॥ 3 ॥

ଶ୍ଲୋକ 5

ଯସ୍ମାଦ୍ଵିଶ୍ଵାଭିରାମାଦିହ ଜନନଵିଧୌ ସର୍ଵନନ୍ଦାଦିଗୋପାଃ

ସଂସାରାର୍ତେର୍ଵିମୁକ୍ତାଃ ସକଲସୁଖକରାଃ ସମ୍ପଦଃ ପ୍ରାପୁରେଵ ।

ଇତ୍ଥଂ ପୂର୍ଣେନ୍ଦୁଵକ୍ତ୍ରଃ କଲକମଲଦୃଶଃ ସ୍ଵୀଯଜନ୍ମ ସ୍ତୁଵନ୍ତଃ

କୃଷ୍ଣୋ ରାଧାସମେତୋ ଵିଲସତୁ ହୃଦଯେ ସୋଽସ୍ମଦୀଯେ ସଦୈଵ

॥ 4 ॥

ଶ୍ଲୋକ 6

ଯସ୍ଯ ଶ୍ରୀନନ୍ଦସୂନୋଃ ଵ୍ରଜଯୁଵତିଜନାଶ୍ଚାଗତା ଭର୍ତୃପୁତ୍ରାଂ-

ସ୍ତ୍ଯକ୍ତ୍ଵା ଶ୍ରୁତ୍ଵା ସମୀପେ ଵିଚକିତନଯନାଃ ସପ୍ରମୋଦାଃ ସ୍ଵଗେହେ ।

ରନ୍ତୁଂ ରାସାଦିଲୀଲା ମନସିଜଦଲିତା ଵେଣୁନାଦଂ ଚ ରମ୍ଯଂ

କୃଷ୍ଣୋ ରାଧାସମେତୋ ଵିଲସତୁ ହୃଦଯେ ସୋଽସ୍ମଦୀଯେ ସଦୈଵ

॥ 5 ॥

ଶ୍ଲୋକ 7

ଯସ୍ମିନ୍ ଦୃଷ୍ଟେ ସମସ୍ତେ ଜଗତି ଯୁଵତଯଃ ପ୍ରାଣନାଥଵ୍ରତାଯା-

ସ୍ତା ଅପ୍ଯେଵଂ ହି ନୂନଂ କିମପି ଚ ହୃଦଯେ କାମଭାଵଂ ଦଧତ୍ଯଃ ।

ତତ୍ସ୍ନେହାବ୍ଧିଂ ଵପୁଶ୍ଚେଦଵିଦିତଧରଣୌ ସୂର୍ଯବିମ୍ବସ୍ଵରୂପାଃ

କୃଷ୍ଣୋ ରାଧାସମେତୋ ଵିଲସତୁ ହୃଦଯେ ସୋଽସ୍ମଦୀଯେ ସଦୈଵ

॥ 6 ॥

ଶ୍ଲୋକ 8

ଯଃ ସ୍ଵୀଯେ ଗୋକୁଲେଽସ୍ମିନ୍ଵିଦିତନିଜକୁଲୋଦ୍ଭୂତବାଲୈଃ ସମେତୋ

ମାତର୍ଯେଵଂ ଚକାର ପ୍ରସୃତତମଗୁଣାନ୍ବାଲଲୀଲାଵିଲାସାନ୍ ।

ହତ୍ଵା ଵତ୍ସପ୍ରଲମ୍ବଦ୍ଵିଵିଦବକଖରାନ୍ଗୋପବୃନ୍ଦଂ ଜୁଗୋପ

କୃଷ୍ଣୋ ରାଧାସମେତୋ ଵିଲସତୁ ହୃଦଯେ ସୋଽସ୍ମଦୀଯେ ସଦୈଵ

॥ 7 ॥

ଶ୍ଲୋକ 9

କୃଷ୍ଣାରାଧାଷ୍ଟକଂ ପ୍ରାତରୁତ୍ଥାଯ ପ୍ରପଠେନ୍ନରଃ ।

ଯ ଏଵଂ ସର୍ଵଦା ନୂନଂ ସ ପ୍ରାପ୍ନୋତି ପରାଂ ଗତିମ୍

॥ 8 ॥

ଶ୍ଲୋକ 10

ଇତି ଶ୍ରୀରଘୁନାଥଚାର୍ଯ ଵିରଚିତଂ ଶ୍ରୀରାଧାକୃଷ୍ଣାଷ୍ଟକମ୍ ।