Sri Radha Krishna Ashtakam

shrI rAdhA kRRiShNa aShTakam

shloka 1

yaH shrIgovardhanAdriM sakalasurapatIMstatragogopabRRindaM

svIyaM saMrakShituM chetyamarasukhakaraM mohayan sandadhAra |

tanmAnaM khaNDayitvA vijitaripukulo nIladhArAdharAbhaH

kRRiShNo rAdhAsameto vilasatu hRRidaye so.asmadIye sadaiva || 1 ||

yaM dRRiShTvA kaMsabhUpaH svakRRitakRRitimaho saMsmaranmantrivaryAn

kiM vA pUrvaM mayedaM kRRitamiti vachanaM duHkhitaH pratyuvAcha |

Aj~napto nAradena smitayutavadanaH pUrayansarvakAmAn

kRRiShNo rAdhAsameto vilasatu hRRidaye so.asmadIye sadaiva || 2 ||

yena prodyatpratApA nRRipatikulabhavAH pANDavAH kauravAbdhiM

tIrtvA pAraM tadIyaM jagadakhilanRRiNAM dustara~ncheti jagmuH |

tatpatnIchIravRRiddhipraviditamahimA bhUtale bhUpatIshaH

kRRiShNo rAdhAsameto vilasatu hRRidaye so.asmadIye sadaiva || 3 ||

yasmai choddhRRitya pAtrAddadhiyutanavanItaM karairgopikAbhi-

rdattaM tadbhAvapUrtau vinihitahRRidayassatyamevaM tirodhAt |

muktAgu~njAvalIbhiH prachuratamaruchiH kuNDalAkrAntagaNDaH

kRRiShNo rAdhAsameto vilasatu hRRidaye so.asmadIye sadaiva || 4 ||

yasmAdvishvAbhirAmAdiha jananavidhau sarvanandAdigopAH

saMsArArtervimuktAH sakalasukhakarAH sampadaH prApureva |

itthaM pUrNenduvaktraH kalakamaladRRishaH svIyajanma stuvantaH

kRRiShNo rAdhAsameto vilasatu hRRidaye so.asmadIye sadaiva || 5 ||

yasya shrInandasUnoH vrajayuvatijanAshchAgatA bhartRRiputrAM-

styaktvA shrutvA samIpe vichakitanayanAH sapramodAH svagehe |

rantuM rAsAdilIlA manasijadalitA veNunAdaM cha ramyaM

kRRiShNo rAdhAsameto vilasatu hRRidaye so.asmadIye sadaiva || 6 ||

yasmin dRRiShTe samaste jagati yuvatayaH prANanAthavratAyA-

stA apyevaM hi nUnaM kimapi cha hRRidaye kAmabhAvaM dadhatyaH |

tatsnehAbdhiM vapushchedaviditadharaNau sUryabimbasvarUpAH

kRRiShNo rAdhAsameto vilasatu hRRidaye so.asmadIye sadaiva || 7 ||

yaH svIye gokule.asminviditanijakulodbhUtabAlaiH sameto

mAtaryevaM chakAra prasRRitatamaguNAnbAlalIlAvilAsAn |

hatvA vatsapralambadvividabakakharAngopabRRindaM jugopa

kRRiShNo rAdhAsameto vilasatu hRRidaye so.asmadIye sadaiva || 8 ||

kRRiShNArAdhAShTakaM prAtarutthAya prapaThennaraH |

ya evaM sarvadA nUnaM sa prApnoti parAM gatim || 9 ||

iti shrIraghunAthachArya virachitaM shrIrAdhAkRRiShNAShTakam |