Sri Krishna Sahasra Nama Stotram

ଶ୍ରୀ କୃଷ୍ଣ ସହସ୍ର ନାମ ସ୍ତୋତ୍ରମ୍

ଶ୍ଲୋକ 1

ଓଁ ଅସ୍ଯ ଶ୍ରୀକୃଷ୍ଣସହସ୍ରନାମସ୍ତୋତ୍ରମନ୍ତ୍ରସ୍ଯ ପରାଶର ଋଷିଃ, ଅନୁଷ୍ଟୁପ୍ ଛନ୍ଦଃ, ଶ୍ରୀକୃଷ୍ଣଃ ପରମାତ୍ମା ଦେଵତା, ଶ୍ରୀକୃଷ୍ଣେତି ବୀଜମ୍, ଶ୍ରୀଵଲ୍ଲଭେତି ଶକ୍ତିଃ, ଶାର୍ଙ୍ଗୀତି କୀଲକଂ, ଶ୍ରୀକୃଷ୍ଣପ୍ରୀତ୍ଯର୍ଥେ ଜପେ ଵିନିଯୋଗଃ ॥

ନ୍ଯାସଃ

ପରାଶରାଯ ଋଷଯେ ନମଃ ଇତି ଶିରସି,

ଅନୁଷ୍ଟୁପ୍ ଛନ୍ଦସେ ନମଃ ଇତି ମୁଖେ,

ଗୋପାଲକୃଷ୍ଣଦେଵତାଯୈ ନମଃ ଇତି ହୃଦଯେ,

ଶ୍ରୀକୃଷ୍ଣାଯ ବୀଜାଯ ନମଃ ଇତି ଗୁହ୍ଯେ,

ଶ୍ରୀଵଲ୍ଲଭାଯ ଶକ୍ତ୍ଯୈ ନମଃ ଇତି ପାଦଯୋଃ,

ଶାର୍ଙ୍ଗଧରାଯ କୀଲକାଯ ନମଃ ଇତି ସର୍ଵାଙ୍ଗେ ॥

କରନ୍ଯାସଃ

ଶ୍ରୀକୃଷ୍ଣ ଇତ୍ଯାରଭ୍ଯ ଶୂରଵଂଶୈକଧୀରିତ୍ଯନ୍ତାନି ଅଙ୍ଗୁଷ୍ଠାଭ୍ଯାଂ ନମଃ ।

ଶୌରିରିତ୍ଯାରଭ୍ଯ ସ୍ଵଭାସୋଦ୍ଭାସିତଵ୍ରଜ ଇତ୍ଯନ୍ତାନି ତର୍ଜନୀଭ୍ଯାଂ ନମଃ ।

କୃତାତ୍ମଵିଦ୍ଯାଵିନ୍ଯାସ ଇତ୍ଯାରଭ୍ଯ ପ୍ରସ୍ଥାନଶକଟାରୂଢ ଇତି ମଧ୍ଯମାଭ୍ଯାଂ ନମଃ,

ବୃନ୍ଦାଵନକୃତାଲଯ ଇତ୍ଯାରଭ୍ଯ ମଧୁରାଜନଵୀକ୍ଷିତ ଇତ୍ଯନାମିକାଭ୍ଯାଂ ନମଃ,

ରଜକପ୍ରତିଘାତକ ଇତ୍ଯାରଭ୍ଯ ଦ୍ଵାରକାପୁରକଲ୍ପନ ଇତି କନିଷ୍ଠିକାଭ୍ଯାଂ ନମଃ

ଦ୍ଵାରକାନିଲଯ ଇତ୍ଯାରଭ୍ଯ ପରାଶର ଇତି କରତଲକରପୃଷ୍ଠାଭ୍ଯାଂ ନମଃ,

ଏଵଂ ହୃଦଯାଦିନ୍ଯାସଃ ॥

ଧ୍ଯାନମ୍

କେଷାଞ୍ଚିତ୍ପ୍ରେମପୁଂସାଂ ଵିଗଲିତମନସାଂ ବାଲଲୀଲାଵିଲାସଂ

କେଷାଂ ଗୋପାଲଲୀଲାଙ୍କିତରସିକତନୁର୍ଵେଣୁଵାଦ୍ଯେନ ଦେଵମ୍ ।

କେଷାଂ ଵାମାସମାଜେ ଜନିତମନସିଜୋ ଦୈତ୍ଯଦର୍ପାପହୈଵଂ

ଜ୍ଞାତ୍ଵା ଭିନ୍ନାଭିଲାଷଂ ସ ଜଯତି ଜଗତାମୀଶ୍ଵରସ୍ତାଦୃଶୋଽଭୂତ୍

ଶ୍ଲୋକ 2

କ୍ଷୀରାବ୍ଧୌ କୃତସଂସ୍ତଵସ୍ସୁରଗଣୈର୍ବ୍ରହ୍ମାଦିଭିଃ ପଣ୍ଡିତୈଃ

ପ୍ରୋଦ୍ଭୂତୋ ଵସୁଦେଵସଦ୍ମନି ମୁଦା ଚିକ୍ରୀଡ ଯୋ ଗୋକୁଲେ ।

କଂସଧ୍ଵଂସକୃତେ ଜଗାମ ମଧୁରାଂ ସାରାମସଦ୍ଵାରକାଂ

ଗୋପାଲୋଽଖିଲଗୋପିକାଜନସଖଃ ପାଯାଦପାଯାତ୍ ସ ନଃ

॥ 1 ॥

ଶ୍ଲୋକ 3

ଫୁଲ୍ଲେନ୍ଦୀଵରକାନ୍ତିମିନ୍ଦୁଵଦନଂ ବର୍ହାଵତଂସପ୍ରିଯଂ

ଶ୍ରୀଵତ୍ସାଙ୍କମୁଦାରକୌସ୍ତୁଭଧରଂ ପୀତାମ୍ବରଂ ସୁନ୍ଦରମ୍ ।

ଗୋପୀନାଂ ନଯନୋତ୍ପଲାର୍ଚିତତନୁଂ ଗୋଗୋପସଙ୍ଘାଵୃତଂ

ଗୋଵିନ୍ଦଂ କଲଵେଣୁଵାଦନରତଂ ଦିଵ୍ଯାଙ୍ଗଭୂଷଂ ଭଜେ

॥ 2 ॥

ଶ୍ଲୋକ 4

ଓମ୍ ।

କୃଷ୍ଣଃ ଶ୍ରୀଵଲ୍ଲଭଃ ଶାର୍ଙ୍ଗୀ ଵିଷ୍ଵକ୍ସେନଃ ସ୍ଵସିଦ୍ଧିଦଃ ।

କ୍ଷୀରୋଦଧାମା ଵ୍ଯୂହେଶଃ ଶେଷଶାଯୀ ଜଗନ୍ମଯଃ

॥ 3 ॥

ଶ୍ଲୋକ 5

ଭକ୍ତିଗମ୍ଯସ୍ତ୍ରଯୀମୂର୍ତିର୍ଭାରାର୍ତଵସୁଧାସ୍ତୁତଃ ।

ଦେଵଦେଵୋ ଦଯାସିନ୍ଧୁର୍ଦେଵଦେଵଶିଖାମଣିଃ

॥ 1 ॥

ଶ୍ଲୋକ 6

ସୁଖଭାଵସ୍ସୁଖାଧାରୋ ମୁକୁନ୍ଦୋ ମୁଦିତାଶଯଃ ।

ଅଵିକ୍ରିଯଃ କ୍ରିଯାମୂର୍ତିରଧ୍ଯାତ୍ମସ୍ଵସ୍ଵରୂପଵାନ୍

॥ 2 ॥

ଶ୍ଲୋକ 7

ଶିଷ୍ଟାଭିଲକ୍ଷ୍ଯୋ ଭୂତାତ୍ମା ଧର୍ମତ୍ରାଣାର୍ଥଚେଷ୍ଟିତଃ ।

ଅନ୍ତର୍ଯାମୀ କଲାରୂପଃ କାଲାଵଯଵସାକ୍ଷିକଃ

॥ 3 ॥

ଶ୍ଲୋକ 8

ଵସୁଧାଯାସହରଣୋ ନାରଦପ୍ରେରଣୋନ୍ମୁଖଃ ।

ପ୍ରଭୂଷ୍ଣୁର୍ନାରଦୋଦ୍ଗୀତୋ ଲୋକରକ୍ଷାପରାଯଣଃ

॥ 4 ॥

ଶ୍ଲୋକ 9

ରୌହିଣେଯକୃତାନନ୍ଦୋ ଯୋଗଜ୍ଞାନନିଯୋଜକଃ ।

ମହାଗୁହାନ୍ତର୍ନିକ୍ଷିପ୍ତଃ ପୁରାଣଵପୁରାତ୍ମଵାନ୍

॥ 5 ॥

ଶ୍ଲୋକ 10

ଶୂରଵଂଶୈକଧୀଶ୍ଶୌରିଃ କଂସଶଙ୍କାଵିଷାଦକୃତ୍ ।

ଵସୁଦେଵୋଲ୍ଲସଚ୍ଛକ୍ତିର୍ଦେଵକ୍ଯଷ୍ଟମଗର୍ଭଗଃ

॥ 6 ॥

ଶ୍ଲୋକ 11

ଵସୁଦେଵସୁତଃ ଶ୍ରୀମାନ୍ଦେଵକୀନନ୍ଦନୋ ହରିଃ ।

ଆଶ୍ଚର୍ଯବାଲଃ ଶ୍ରୀଵତ୍ସଲକ୍ଷ୍ମଵକ୍ଷାଶ୍ଚତୁର୍ଭୁଜଃ

॥ 7 ॥

ଶ୍ଲୋକ 12

ସ୍ଵଭାଵୋତ୍କୃଷ୍ଟସଦ୍ଭାଵଃ କୃଷ୍ଣାଷ୍ଟମ୍ଯନ୍ତସମ୍ଭଵଃ ।

ପ୍ରାଜାପତ୍ଯର୍କ୍ଷସମ୍ଭୂତୋ ନିଶୀଥସମଯୋଦିତଃ

॥ 8 ॥

ଶ୍ଲୋକ 13

ଶଙ୍ଖଚକ୍ରଗଦାପଦ୍ମପାଣିଃ ପଦ୍ମନିଭେକ୍ଷଣଃ ।

କିରୀଟୀ କୌସ୍ତୁଭୋରସ୍କଃ ସ୍ଫୁରନ୍ମକରକୁଣ୍ଡଲଃ

॥ 9 ॥

ଶ୍ଲୋକ 14

ପୀତଵାସା ଘନଶ୍ଯାମଃ କୁଞ୍ଚିତାଞ୍ଚିତକୁନ୍ତଲଃ ।

ସୁଵ୍ଯକ୍ତଵ୍ଯକ୍ତାଭରଣଃ ସୂତିକାଗୃହଭୂଷଣଃ

॥ 10 ॥

ଶ୍ଲୋକ 15

କାରାଗାରାନ୍ଧକାରଘ୍ନଃ ପିତୃପ୍ରାଗ୍ଜନ୍ମସୂଚକଃ ।

ଵସୁଦେଵସ୍ତୁତଃ ସ୍ତୋତ୍ରଂ ତାପତ୍ରଯନିଵାରଣଃ

॥ 11 ॥

ଶ୍ଲୋକ 16

ନିରଵଦ୍ଯଃ କ୍ରିଯାମୂର୍ତିର୍ନ୍ଯାଯଵାକ୍ଯନିଯୋଜକଃ ।

ଅଦୃଷ୍ଟଚେଷ୍ଟଃ କୂଟସ୍ଥୋ ଧୃତଲୌକିକଵିଗ୍ରହଃ

॥ 12 ॥

ଶ୍ଲୋକ 17

ମହର୍ଷିମାନସୋଲ୍ଲାସୋ ମହୀମଙ୍ଗଲଦାଯକଃ ।

ସନ୍ତୋଷିତସୁରଵ୍ରାତଃ ସାଧୁଚିତ୍ତପ୍ରସାଦକଃ

॥ 13 ॥

ଶ୍ଲୋକ 18

ଜନକୋପାଯନିର୍ଦେଷ୍ଟା ଦେଵକୀନଯନୋତ୍ସଵଃ ।

ପିତୃପାଣିପରିଷ୍କାରୋ ମୋହିତାଗାରରକ୍ଷକଃ

॥ 14 ॥

ଶ୍ଲୋକ 19

ସ୍ଵଶକ୍ତ୍ଯୁଦ୍ଧାଟିତାଶେଷକପାଟଃ ପିତୃଵାହକଃ ।

ଶେଷୋରଗଫଣାଚ୍ଛତ୍ରଶ୍ଶେଷୋକ୍ତାଖ୍ଯାସହସ୍ରକଃ

॥ 15 ॥

ଶ୍ଲୋକ 20

ଯମୁନାପୂରଵିଧ୍ଵଂସୀ ସ୍ଵଭାସୋଦ୍ଭାସିତଵ୍ରଜଃ ।

କୃତାତ୍ମଵିଦ୍ଯାଵିନ୍ଯାସୋ ଯୋଗମାଯାଗ୍ରସମ୍ଭଵଃ

॥ 16 ॥

ଶ୍ଲୋକ 21

ଦୁର୍ଗାନିଵେଦିତୋଦ୍ଭାଵୋ ଯଶୋଦାତଲ୍ପଶାଯକଃ ।

ନନ୍ଦଗୋପୋତ୍ସଵସ୍ଫୂର୍ତିର୍ଵ୍ରଜାନନ୍ଦକରୋଦଯଃ

॥ 17 ॥

ଶ୍ଲୋକ 22

ସୁଜାତଜାତକର୍ମ ଶ୍ରୀର୍ଗୋପୀଭଦ୍ରୋକ୍ତିନିର୍ଵୃତଃ ।

ଅଲୀକନିଦ୍ରୋପଗମଃ ପୂତନାସ୍ତନପୀଡନଃ

॥ 18 ॥

ଶ୍ଲୋକ 23

ସ୍ତନ୍ଯାତ୍ତପୂତନାପ୍ରାଣଃ ପୂତନାକ୍ରୋଶକାରକଃ ।

ଵିନ୍ଯସ୍ତରକ୍ଷାଗୋଧୂଲିର୍ଯଶୋଦାକରଲାଲିତଃ

॥ 19 ॥

ଶ୍ଲୋକ 24

ନନ୍ଦାଘ୍ରାତଶିରୋମଧ୍ଯଃ ପୂତନାସୁଗତିପ୍ରଦଃ ।

ବାଲଃ ପର୍ଯଙ୍କନିଦ୍ରାଲୁର୍ମୁଖାର୍ପିତପଦାଙ୍ଗୁଲିଃ

॥ 20 ॥

ଶ୍ଲୋକ 25

ଅଞ୍ଜନସ୍ନିଗ୍ଧନଯନଃ ପର୍ଯାଯାଙ୍କୁରିତସ୍ମିତଃ ।

ଲୀଲାକ୍ଷସ୍ତରଲାଲୋକଶ୍ଶକଟାସୁରଭଞ୍ଜନଃ

॥ 21 ॥

ଶ୍ଲୋକ 26

ଦ୍ଵିଜୋଦିତସ୍ଵସ୍ତ୍ଯଯନୋ ମନ୍ତ୍ରପୂତଜଲାପ୍ଲୁତଃ ।

ଯଶୋଦୋତ୍ସଙ୍ଗପର୍ଯଙ୍କୋ ଯଶୋଦାମୁଖଵୀକ୍ଷକଃ

॥ 22 ॥

ଶ୍ଲୋକ 27

ଯଶୋଦାସ୍ତନ୍ଯମୁଦିତସ୍ତୃଣାଵର୍ତାଦିଦୁସ୍ସହଃ ।

ତୃଣାଵର୍ତାସୁରଧ୍ଵଂସୀ ମାତୃଵିସ୍ମଯକାରକଃ

॥ 23 ॥

ଶ୍ଲୋକ 28

ପ୍ରଶସ୍ତନାମକରଣୋ ଜାନୁଚଙ୍କ୍ରମଣୋତ୍ସୁକଃ ।

ଵ୍ଯାଲମ୍ବିଚୂଲିକାରତ୍ନୋ ଘୋଷଗୋପପ୍ରହର୍ଷଣଃ

॥ 24 ॥

ଶ୍ଲୋକ 29

ସ୍ଵମୁଖପ୍ରତିବିମ୍ବାର୍ଥୀ ଗ୍ରୀଵାଵ୍ଯାଘ୍ରନଖୋଜ୍ଜ୍ଵଲଃ ।

ପଙ୍କାନୁଲେପରୁଚିରୋ ମାଂସଲୋରୁକଟୀତଟଃ

॥ 25 ॥

ଶ୍ଲୋକ 30

ଘୃଷ୍ଟଜାନୁକରଦ୍ଵନ୍ଦ୍ଵଃ ପ୍ରତିବିମ୍ବାନୁକାରକୃତ୍ ।

ଅଵ୍ଯକ୍ତଵର୍ଣଵାଗ୍ଵୃତ୍ତିଃ ସ୍ମିତଲକ୍ଷ୍ଯରଦୋଦ୍ଗମଃ

॥ 26 ॥

ଶ୍ଲୋକ 31

ଧାତ୍ରୀକରସମାଲମ୍ବୀ ପ୍ରସ୍ଖଲଚ୍ଚିତ୍ରଚଙ୍କ୍ରମଃ ।

ଅନୁରୂପଵଯସ୍ଯାଢ୍ଯଶ୍ଚାରୁକୌମାରଚାପଲଃ

॥ 27 ॥

ଶ୍ଲୋକ 32

ଵତ୍ସପୁଚ୍ଛସମାକୃଷ୍ଟୋ ଵତ୍ସପୁଚ୍ଛଵିକର୍ଷଣଃ ।

ଵିସ୍ମାରିତାନ୍ଯଵ୍ଯାପାରୋ ଗୋପଗୋପୀମୁଦାଵହଃ

॥ 28 ॥

ଶ୍ଲୋକ 33

ଅକାଲଵତ୍ସନିର୍ମୋକ୍ତା ଵ୍ରଜଵ୍ଯାକ୍ରୋଶସୁସ୍ମିତଃ ।

ନଵନୀତମହାଚୋରୋ ଦାରକାହାରଦାଯକଃ

॥ 29 ॥

ଶ୍ଲୋକ 34

ପୀଠୋଲୂଖଲସୋପାନଃ କ୍ଷୀରଭାଣ୍ଡଵିଭେଦନଃ ।

ଶିକ୍ଯଭାଣ୍ଡସମାକର୍ଷୀ ଧ୍ଵାନ୍ତାଗାରପ୍ରଵେଶକୃତ୍

॥ 30 ॥

ଶ୍ଲୋକ 35

ଭୂଷାରତ୍ନପ୍ରକାଶାଢ୍ଯୋ ଗୋପ୍ଯୁପାଲମ୍ଭଭର୍ତ୍ସିତଃ ।

ପରାଗଧୂସରାକାରୋ ମୃଦ୍ଭକ୍ଷଣକୃତେକ୍ଷଣଃ

॥ 31 ॥

ଶ୍ଲୋକ 36

ବାଲୋକ୍ତମୃତ୍କଥାରମ୍ଭୋ ମିତ୍ରାନ୍ତର୍ଗୂଢଵିଗ୍ରହଃ ।

କୃତସନ୍ତ୍ରାସଲୋଲାକ୍ଷୋ ଜନନୀପ୍ରତ୍ଯଯାଵହଃ

॥ 32 ॥

ଶ୍ଲୋକ 37

ମାତୃଦୃଶ୍ଯାତ୍ତଵଦନୋ ଵକ୍ତ୍ରଲକ୍ଷ୍ଯଚରାଚରଃ ।

ଯଶୋଦାଲାଲିତସ୍ଵାତ୍ମା ସ୍ଵଯଂ ସ୍ଵାଚ୍ଛନ୍ଦ୍ଯମୋହନଃ

॥ 33॥

ଶ୍ଲୋକ 38

ସଵିତ୍ରୀସ୍ନେହସଂଶ୍ଲିଷ୍ଟଃ ସଵିତ୍ରୀସ୍ତନଲୋଲୁପଃ ।

ନଵନୀତାର୍ଥନାପ୍ରହ୍ଵୋ ନଵନୀତମହାଶନଃ

॥ 34 ॥

ଶ୍ଲୋକ 39

ମୃଷାକୋପପ୍ରକମ୍ପୋଷ୍ଠୋ ଗୋଷ୍ଠାଙ୍ଗଣଵିଲୋକନଃ ।

ଦଧିମନ୍ଥଘଟୀଭେତ୍ତା କିଙ୍କିଣୀକ୍ଵାଣସୂଚିତଃ

॥ 35 ॥

ଶ୍ଲୋକ 40

ହୈଯଙ୍ଗଵୀନରସିକୋ ମୃଷାଶ୍ରୁଶ୍ଚୌର୍ଯଶଙ୍କିତଃ ।

ଜନନୀଶ୍ରମଵିଜ୍ଞାତା ଦାମବନ୍ଧନିଯନ୍ତ୍ରିତଃ

॥ 36 ॥

ଶ୍ଲୋକ 41

ଦାମାକଲ୍ପଶ୍ଚଲାପାଙ୍ଗୋ ଗାଢୋଲୂଖଲବନ୍ଧନଃ ।

ଆକୃଷ୍ଟୋଲୂଖଲୋଽନନ୍ତଃ କୁବେରସୁତଶାପଵିତ୍ ॥ । 38 ॥

ନାରଦୋକ୍ତିପରାମର୍ଶୀ ଯମଲାର୍ଜୁନଭଞ୍ଜନଃ ।

ଧନଦାତ୍ମଜସଙ୍ଘୁଷ୍ଟୋ ନନ୍ଦମୋଚିତବନ୍ଧନଃ

॥ 37 ॥

ଶ୍ଲୋକ 42

ବାଲକୋଦ୍ଗୀତନିରତୋ ବାହୁକ୍ଷେପୋଦିତପ୍ରିଯଃ ।

ଆତ୍ମଜ୍ଞୋ ମିତ୍ରଵଶଗୋ ଗୋପୀଗୀତଗୁଣୋଦଯଃ

॥ 39 ॥

ଶ୍ଲୋକ 43

ପ୍ରସ୍ଥାନଶକଟାରୂଢୋ ବୃନ୍ଦାଵନକୃତାଲଯଃ ।

ଗୋଵତ୍ସପାଲନୈକାଗ୍ରୋ ନାନାକ୍ରୀଡାପରିଚ୍ଛଦଃ

॥ 40 ॥

ଶ୍ଲୋକ 44

କ୍ଷେପଣୀକ୍ଷେପଣପ୍ରୀତୋ ଵେଣୁଵାଦ୍ଯଵିଶାରଦଃ ।

ଵୃଷଵତ୍ସାନୁକରଣୋ ଵୃଷଧ୍ଵାନଵିଡମ୍ବନଃ

॥ 41 ॥

ଶ୍ଲୋକ 45

ନିଯୁଦ୍ଧଲୀଲାସଂହୃଷ୍ଟଃ କୂଜାନୁକୃତକୋକିଲଃ ।

ଉପାତ୍ତହଂସଗମନସ୍ସର୍ଵଜନ୍ତୁରୁତାନୁକୃତ୍

॥ 42 ॥

ଶ୍ଲୋକ 46

ଭୃଙ୍ଗାନୁକାରୀ ଦଧ୍ଯନ୍ନଚୋରୋ ଵତ୍ସପୁରସ୍ସରଃ ।

ବଲୀ ବକାସୁରଗ୍ରାହୀ ବକତାଲୁପ୍ରଦାହକଃ

॥ 43 ॥

ଶ୍ଲୋକ 47

ଭୀତଗୋପାର୍ଭକାହୂତୋ ବକଚଞ୍ଚୁଵିଦାରଣଃ ।

ବକାସୁରାରିର୍ଗୋପାଲୋ ବାଲୋ ବାଲାଦ୍ଭୁତାଵହଃ

॥ 44 ॥

ଶ୍ଲୋକ 48

ବଲଭଦ୍ରସମାଶ୍ଲିଷ୍ଟଃ କୃତକ୍ରୀଡାନିଲାଯନଃ ।

କ୍ରୀଡାସେତୁନିଧାନଜ୍ଞଃ ପ୍ଲଵଙ୍ଗୋତ୍ପ୍ଲଵନୋଽଦ୍ଭୁତଃ

॥ 45 ॥

ଶ୍ଲୋକ 49

କନ୍ଦୁକକ୍ରୀଡନୋ ଲୁପ୍ତନନ୍ଦାଦିଭଵଵେଦନଃ ।

ସୁମନୋଽଲଙ୍କୃତଶିରାଃ ସ୍ଵାଦୁସ୍ନିଗ୍ଧାନ୍ନଶିକ୍ଯଭୃତ୍

॥ 46 ॥

ଶ୍ଲୋକ 50

ଗୁଞ୍ଜାପ୍ରାଲମ୍ବନଚ୍ଛନ୍ନଃ ପିଞ୍ଛୈରଲକଵେଷକୃତ୍ ।

ଵନ୍ଯାଶନପ୍ରିଯଃ ଶୃଙ୍ଗରଵାକାରିତଵତ୍ସକଃ

॥ 47 ॥

ଶ୍ଲୋକ 51

ମନୋଜ୍ଞପଲ୍ଲଵୋତ୍ତଂସପୁଷ୍ପସ୍ଵେଚ୍ଛାତ୍ତଷଟ୍ପଦଃ ।

ମଞ୍ଜୁଶିଞ୍ଜିତମଞ୍ଜୀରଚରଣଃ କରକଙ୍କଣଃ

॥ 48 ॥

ଶ୍ଲୋକ 52

ଅନ୍ଯୋନ୍ଯଶାସନଃ କ୍ରୀଡାପଟୁଃ ପରମକୈତଵଃ ।

ପ୍ରତିଧ୍ଵାନପ୍ରମୁଦିତଃ ଶାଖାଚତୁରଚଙ୍କ୍ରମଃ

॥ 49 ॥

ଶ୍ଲୋକ 53

ଅଘଦାନଵସଂହର୍ତା ଵ୍ରଜଵିଘ୍ନଵିନାଶନଃ ।

ଵ୍ରଜସଞ୍ଜୀଵନଃ ଶ୍ରେଯୋନିଧିର୍ଦାନଵମୁକ୍ତିଦଃ

॥ 50 ॥

ଶ୍ଲୋକ 54

କାଲିନ୍ଦୀପୁଲିନାସୀନସ୍ସହଭୁକ୍ତଵ୍ରଜାର୍ଭକଃ ।

କକ୍ଷାଜଠରଵିନ୍ଯସ୍ତଵେଣୁର୍ଵଲ୍ଲଵଚେଷ୍ଟିତଃ

॥ 51 ॥

ଶ୍ଲୋକ 55

ଭୁଜସନ୍ଧ୍ଯନ୍ତରନ୍ଯସ୍ତଶୃଙ୍ଗଵେତ୍ରଃ ଶୁଚିସ୍ମିତଃ ।

ଵାମପାଣିସ୍ଥଦଧ୍ଯନ୍ନକବଲଃ କଲଭାଷଣଃ

॥ 52 ॥

ଶ୍ଲୋକ 56

ଅଙ୍ଗୁଲ୍ଯନ୍ତରଵିନ୍ଯସ୍ତଫଲଃ ପରମପାଵନଃ ।

ଅଦୃଶ୍ଯତର୍ଣକାନ୍ଵେଷୀ ଵଲ୍ଲଵାର୍ଭକଭୀତିହା

॥ 53 ॥

ଶ୍ଲୋକ 57

ଅଦୃଷ୍ଟଵତ୍ସପଵ୍ରାତୋ ବ୍ରହ୍ମଵିଜ୍ଞାତଵୈଭଵଃ ।

ଗୋଵତ୍ସଵତ୍ସପାନ୍ଵେଷୀ ଵିରାଟ୍-ପୁରୁଷଵିଗ୍ରହଃ

॥ 54 ॥

ଶ୍ଲୋକ 58

ସ୍ଵସଙ୍କଲ୍ପାନୁରୂପାର୍ଥୋ ଵତ୍ସଵତ୍ସପରୂପଧୃକ୍ ।

ଯଥାଵତ୍ସକ୍ରିଯାରୂପୋ ଯଥାସ୍ଥାନନିଵେଶନଃ

॥ 55 ॥

ଶ୍ଲୋକ 59

ଯଥାଵ୍ରଜାର୍ଭକାକାରୋ ଗୋଗୋପୀସ୍ତନ୍ଯପସ୍ସୁଖୀ ।

ଚିରାଦ୍ଵଲୋହିତୋ ଦାନ୍ତୋ ବ୍ରହ୍ମଵିଜ୍ଞାତଵୈଭଵଃ

॥ 56 ॥

ଶ୍ଲୋକ 60

ଵିଚିତ୍ରଶକ୍ତିର୍ଵ୍ଯାଲୀନସୃଷ୍ଟଗୋଵତ୍ସଵତ୍ସପଃ ।

ବ୍ରହ୍ମତ୍ରପାକରୋ ଧାତୃସ୍ତୁତସ୍ସର୍ଵାର୍ଥସାଧକଃ

॥ 57 ॥

ଶ୍ଲୋକ 61

ବ୍ରହ୍ମ ବ୍ରହ୍ମମଯୋଽଵ୍ଯକ୍ତସ୍ତେଜୋରୂପସ୍ସୁଖାତ୍ମକଃ ।

ନିରୁକ୍ତଂ ଵ୍ଯାକୃତିର୍ଵ୍ଯକ୍ତୋ ନିରାଲମ୍ବନଭାଵନଃ

॥ 58 ॥

ଶ୍ଲୋକ 62

ପ୍ରଭଵିଷ୍ଣୁରତନ୍ତ୍ରୀକୋ ଦେଵପକ୍ଷାର୍ଥରୂପଧୃକ୍ ।

ଅକାମସ୍ସର୍ଵଵେଦାଦିରଣୀଯସ୍ଥୂଲରୂପଵାନ୍

॥ 59 ॥

ଶ୍ଲୋକ 63

ଵ୍ଯାପୀ ଵ୍ଯାପ୍ଯଃ କୃପାକର୍ତା ଵିଚିତ୍ରାଚାରସମ୍ମତଃ ।

ଛନ୍ଦୋମଯଃ ପ୍ରଧାନାତ୍ମା ମୂର୍ତାମୂର୍ତିଦ୍ଵଯାକୃତିଃ

॥ 60 ॥

ଶ୍ଲୋକ 64

ଅନେକମୂର୍ତିରକ୍ରୋଧଃ ପରଃ ପ୍ରକୃତିରକ୍ରମଃ ।

ସକଲାଵରଣୋପେତସ୍ସର୍ଵଦେଵୋ ମହେଶ୍ଵରଃ

॥ 61 ॥

ଶ୍ଲୋକ 65

ମହାପ୍ରଭାଵନଃ ପୂର୍ଵଵତ୍ସଵତ୍ସପଦର୍ଶକଃ ।

କୃଷ୍ଣଯାଦଵଗୋପାଲୋ ଗୋପାଲୋକନହର୍ଷିତଃ

॥ 62 ॥

ଶ୍ଲୋକ 66

ସ୍ମିତେକ୍ଷାହର୍ଷିତବ୍ରହ୍ମା ଭକ୍ତଵତ୍ସଲଵାକ୍ପ୍ରିଯଃ ।

ବ୍ରହ୍ମାନନ୍ଦାଶ୍ରୁଧୌତାଙ୍ଘ୍ରିର୍ଲୀଲାଵୈଚିତ୍ର୍ଯକୋଵିଦଃ

॥ 63 ॥

ଶ୍ଲୋକ 67

ବଲଭଦ୍ରୈକହୃଦଯୋ ନାମାକାରିତଗୋକୁଲଃ ।

ଗୋପାଲବାଲକୋ ଭଵ୍ଯୋ ରଜ୍ଜୁଯଜ୍ଞୋପଵୀତଵାନ୍

॥ 64 ॥

ଶ୍ଲୋକ 68

ଵୃକ୍ଷଚ୍ଛାଯାହତାଶାନ୍ତିର୍ଗୋପୋତ୍ସଙ୍ଗୋପବର୍ହଣଃ ।

ଗୋପସଂଵାହିତପଦୋ ଗୋପଵ୍ଯଜନଵୀଜିତଃ ॥ 66।

ଗୋପଗାନସୁଖୋନ୍ନିଦ୍ରଃ ଶ୍ରୀଦାମାର୍ଜିତସୌହୃଦଃ ।

ସୁନନ୍ଦସୁହୃଦେକାତ୍ମା ସୁବଲପ୍ରାଣରଞ୍ଜନଃ

॥ 65 ॥

ଶ୍ଲୋକ 69

ତାଲୀଵନକୃତକ୍ରୀଡୋ ବଲପାତିତଧେନୁକଃ ।

ଗୋପୀସୌଭାଗ୍ଯସମ୍ଭାଵ୍ଯୋ ଗୋଧୂଲିଚ୍ଛୁରିତାଲକଃ

॥ 67 ॥

ଶ୍ଲୋକ 70

ଗୋପୀଵିରହସନ୍ତପ୍ତୋ ଗୋପିକାକୃତମଜ୍ଜନଃ ।

ପ୍ରଲମ୍ବବାହୁରୁତ୍ଫୁଲ୍ଲପୁଣ୍ଡରୀକାଵତଂସକଃ

॥ 68 ॥

ଶ୍ଲୋକ 71

ଵିଲାସଲଲିତସ୍ମେରଗର୍ଭଲୀଲାଵଲୋକନଃ ।

ସ୍ରଗ୍ଭୂଷଣାନୁଲେପାଢ୍ଯୋ ଜନନ୍ଯୁପହୃତାନ୍ନଭୁକ୍

॥ 69 ॥

ଶ୍ଲୋକ 72

ଵରଶଯ୍ଯାଶଯୋ ରାଧାପ୍ରେମସଲ୍ଲାପନିର୍ଵୃତଃ ।

ଯମୁନାତଟସଞ୍ଚାରୀ ଵିଷାର୍ତଵ୍ରଜହର୍ଷଦଃ

॥ 70 ॥

ଶ୍ଲୋକ 73

କାଲିଯକ୍ରୋଧଜନକଃ ଵୃଦ୍ଧାହିକୁଲଵେଷ୍ଟିତଃ ।

କାଲିଯାହିଫଣାରଙ୍ଗନଟଃ କାଲିଯମର୍ଦନଃ

॥ 71 ॥

ଶ୍ଲୋକ 74

ନାଗପତ୍ନୀସ୍ତୁତିପ୍ରୀତୋ ନାନାଵେଷସମୃଦ୍ଧିକୃତ୍ ।

ଅଵିଷ୍ଵକ୍ତଦୃଗାତ୍ମେଶଃ ସ୍ଵଦୃଗାତ୍ମସ୍ତୁତିପ୍ରିଯଃ

॥ 72 ॥

ଶ୍ଲୋକ 75

ସର୍ଵେଶ୍ଵରସ୍ସର୍ଵଗୁଣଃ ପ୍ରସିଦ୍ଧସ୍ସର୍ଵସାତ୍ଵତଃ ।

ଅକୁଣ୍ଠଧାମା ଚନ୍ଦ୍ରାର୍କଦୃଷ୍ଟିରାକାଶନିର୍ମଲଃ

॥ 73 ॥

ଶ୍ଲୋକ 76

ଅନିର୍ଦେଶ୍ଯଗତିର୍ନାଗଵନିତାପତିଭୈକ୍ଷଦଃ ।

ସ୍ଵାଙ୍ଘ୍ରିମୁଦ୍ରାଙ୍କନାଗେନ୍ଦ୍ରମୂର୍ଧା କାଲିଯସଂସ୍ତୁତଃ

॥ 74 ॥

ଶ୍ଲୋକ 77

ଅଭଯୋ ଵିଶ୍ଵତଶ୍ଚକ୍ଷୁଃ ସ୍ତୁତୋତ୍ତମଗୁଣଃ ପ୍ରଭୁଃ ।

ଅହମାତ୍ମା ମରୁତ୍ପ୍ରାଣଃ ପରମାତ୍ମା ଦ୍ଯୁଶୀର୍ଷଵାନ୍

॥ 75 ॥

ଶ୍ଲୋକ 78

ନାଗୋପାଯନହୃଷ୍ଟାତ୍ମା ହ୍ରଦୋତ୍ସାରିତକାଲିଯଃ ।

ବଲଭଦ୍ରସୁଖାଲାପୋ ଗୋପାଲିଙ୍ଗନନିର୍ଵୃତଃ

॥ 76 ॥

ଶ୍ଲୋକ 79

ଦାଵାଗ୍ନିଭୀତଗୋପାଲଗୋପ୍ତା ଦାଵାଗ୍ନିନାଶନଃ ।

ନଯନାଚ୍ଛାଦନକ୍ରୀଡାଲମ୍ପଟୋ ନୃପଚେଷ୍ଟିତଃ

॥ 77 ॥

ଶ୍ଲୋକ 80

କାକପକ୍ଷଧରସ୍ସୌମ୍ଯୋ ବଲଵାହକକେଲିମାନ୍ ।

ବଲଘାତିତଦୁର୍ଧର୍ଷପ୍ରଲମ୍ବୋ ବଲଵତ୍ସଲଃ

॥ 78 ॥

ଶ୍ଲୋକ 81

ମୁଞ୍ଜାଟଵ୍ଯଗ୍ନିଶମନଃ ପ୍ରାଵୃଟ୍କାଲଵିନୋଦଵାନ୍ ।

ଶିଲାନ୍ଯସ୍ତାନ୍ନଭୃଦ୍ଦୈତ୍ଯସଂହର୍ତା ଶାଦ୍ଵଲାସନଃ

॥ 79 ॥

ଶ୍ଲୋକ 82

ସଦାପ୍ତଗୋପିକୋଦ୍ଗୀତଃ କର୍ଣିକାରାଵତଂସକଃ ।

ନଟଵେଷଧରଃ ପଦ୍ମମାଲାଙ୍କୋ ଗୋପିକାଵୃତଃ

॥ 80 ॥

ଶ୍ଲୋକ 83

ଗୋପୀମନୋହରାପାଙ୍ଗୋ ଵେଣୁଵାଦନତତ୍ପରଃ ।

ଵିନ୍ଯସ୍ତଵଦନାମ୍ଭୋଜଶ୍ଚାରୁଶବ୍ଦକୃତାନନଃ

॥ 81 ॥

ଶ୍ଲୋକ 84

ବିମ୍ବାଧରାର୍ପିତୋଦାରଵେଣୁର୍ଵିଶ୍ଵଵିମୋହନଃ ।

ଵ୍ରଜସଂଵର୍ଣିତଶ୍ରାଵ୍ଯଵେଣୁନାଦଃ ଶ୍ରୁତିପ୍ରିଯଃ

॥ 82 ॥

ଶ୍ଲୋକ 85

ଗୋଗୋପଗୋପୀଜନ୍ମେପ୍ସୁର୍ବ୍ରହ୍ମେନ୍ଦ୍ରାଦ୍ଯଭିଵନ୍ଦିତଃ ।

ଗୀତସ୍ନୁତିସରିତ୍ପୂରୋ ନାଦନର୍ତିତବର୍ହିଣଃ

॥ 83 ॥

ଶ୍ଲୋକ 86

ରାଗପଲ୍ଲଵିତସ୍ଥାଣୁର୍ଗୀତାନମିତପାଦପଃ ।

ଵିସ୍ମାରିତତୃଣଗ୍ରାସମୃଗୋ ମୃଗଵିଲୋଭିତଃ

॥ 84 ॥

ଶ୍ଲୋକ 87

ଵ୍ଯାଘ୍ରାଦିହିଂସ୍ରସହଜଵୈରହର୍ତା ସୁଗାଯନଃ ।

ଗାଢୋଦୀରିତଗୋବୃନ୍ଦପ୍ରେମୋତ୍କର୍ଣିତତର୍ଣକଃ

॥ 85 ॥

ଶ୍ଲୋକ 88

ନିଷ୍ପନ୍ଦଯାନବ୍ରହ୍ମାଦିଵୀକ୍ଷିତୋ ଵିଶ୍ଵଵନ୍ଦିତଃ ।

ଶାଖୋତ୍କର୍ଣଶକୁନ୍ତୌଘଶ୍ଛତ୍ରାଯିତବଲାହକଃ

॥ 86 ॥

ଶ୍ଲୋକ 89

ପ୍ରସନ୍ନଃ ପରମାନନ୍ଦଶ୍ଚିତ୍ରାଯିତଚରାଚରଃ ।

ଗୋପିକାମଦନୋ ଗୋପୀକୁଚକୁଙ୍କୁମମୁଦ୍ରିତଃ

॥ 87 ॥

ଶ୍ଲୋକ 90

ଗୋପିକନ୍ଯାଜଲକ୍ରୀଡାହୃଷ୍ଟୋ ଗୋପ୍ଯଂଶୁକାପହୃତ୍ ।

ସ୍କନ୍ଧାରୋପିତଗୋପସ୍ତ୍ରୀଵାସାଃ କୁନ୍ଦନିଭସ୍ମିତଃ

॥ 88 ॥

ଶ୍ଲୋକ 91

ଗୋପୀନେତ୍ରୋତ୍ପଲଶଶୀ ଗୋପିକାଯାଚିତାଂଶୁକଃ ।

ଗୋପୀନମସ୍କ୍ରିଯାଦେଷ୍ଟା ଗୋପ୍ଯେକକରଵନ୍ଦିତଃ

॥ 89 ॥

ଶ୍ଲୋକ 92

ଗୋପ୍ଯଞ୍ଜଲିଵିଶେଷାର୍ଥୀ ଗୋପକ୍ରୀଡାଵିଲୋଭିତଃ ।

ଶାନ୍ତଵାସସ୍ଫୁରଦ୍ଗୋପୀକୃତାଞ୍ଜଲିରଘାପହଃ

॥ 90 ॥

ଶ୍ଲୋକ 93

ଗୋପୀକେଲିଵିଲାସାର୍ଥୀ ଗୋପୀସମ୍ପୂର୍ଣକାମଦଃ ।

ଗୋପସ୍ତ୍ରୀଵସ୍ତ୍ରଦୋ ଗୋପୀଚିତ୍ତଚୋରଃ କୁତୂହଲୀ

॥ 91 ॥

ଶ୍ଲୋକ 94

ବୃନ୍ଦାଵନପ୍ରିଯୋ ଗୋପବନ୍ଧୁର୍ଯଜ୍ଵାନ୍ନଯାଚିତା ।

ଯଜ୍ଞେଶୋ ଯଜ୍ଞଭାଵଜ୍ଞୋ ଯଜ୍ଞପତ୍ନ୍ଯଭିଵାଞ୍ଛିତଃ

॥ 92 ॥

ଶ୍ଲୋକ 95

ମୁନିପତ୍ନୀଵିତୀର୍ଣାନ୍ନତୃପ୍ତୋ ମୁନିଵଧୂପ୍ରିଯଃ ।

ଦ୍ଵିଜପତ୍ନ୍ଯଭିଭାଵଜ୍ଞୋ ଦ୍ଵିଜପତ୍ନୀଵରପ୍ରଦଃ

॥ 93 ॥

ଶ୍ଲୋକ 96

ପ୍ରତିରୁଦ୍ଧସତୀମୋକ୍ଷପ୍ରଦୋ ଦ୍ଵିଜଵିମୋହିତା ।

ମୁନିଜ୍ଞାନପ୍ରଦୋ ଯଜ୍ଵସ୍ତୁତୋ ଵାସଵଯାଗଵିତ୍

॥ 94 ॥

ଶ୍ଲୋକ 97

ପିତୃପ୍ରୋକ୍ତକ୍ରିଯାରୂପଶକ୍ରଯାଗନିଵାରଣଃ ।

ଶକ୍ରାଽମର୍ଷକରଶ୍ଶକ୍ରଵୃଷ୍ଟିପ୍ରଶମନୋନ୍ମୁଖଃ

॥ 95 ॥

ଶ୍ଲୋକ 98

ଗୋଵର୍ଧନଧରୋ ଗୋପଗୋବୃନ୍ଦତ୍ରାଣତତ୍ପରଃ ।

ଗୋଵର୍ଧନଗିରିଚ୍ଛତ୍ରଚଣ୍ଡଦଣ୍ଡଭୁଜାର୍ଗଲଃ

॥ 96 ॥

ଶ୍ଲୋକ 99

ସପ୍ତାହଵିଧୃତାଦ୍ରୀନ୍ଦ୍ରୋ ମେଘଵାହନଗର୍ଵହା ।

ଭୁଜାଗ୍ରୋପରିଵିନ୍ଯସ୍ତକ୍ଷ୍ମାଧରକ୍ଷ୍ମାଭୃଦଚ୍ଯୁତଃ

॥ 97 ॥

ଶ୍ଲୋକ 100

ସ୍ଵସ୍ଥାନସ୍ଥାପିତଗିରିର୍ଗୋପୀଦଧ୍ଯକ୍ଷତାର୍ଚିତଃ ।

ସୁମନସ୍ସୁମନୋଵୃଷ୍ଟିହୃଷ୍ଟୋ ଵାସଵଵନ୍ଦିତଃ

॥ 98 ॥

ଶ୍ଲୋକ 101

କାମଧେନୁପଯଃପୂରାଭିଷିକ୍ତସ୍ସୁରଭିସ୍ତୁତଃ ।

ଧରାଙ୍ଘ୍ରିରୋଷଧୀରୋମା ଧର୍ମଗୋପ୍ତା ମନୋମଯଃ

॥ 99 ॥

ଶ୍ଲୋକ 102

ଜ୍ଞାନଯଜ୍ଞପ୍ରିଯଶ୍ଶାସ୍ତ୍ରନେତ୍ରସ୍ସର୍ଵାର୍ଥସାରଥିଃ ।

ଐରାଵତକରାନୀତଵିଯଦ୍ଗଙ୍ଗାପ୍ଲୁତୋ ଵିଭୁଃ

॥ 100 ॥

ଶ୍ଲୋକ 103

ବ୍ରହ୍ମାଭିଷିକ୍ତୋ ଗୋଗୋପ୍ତା ସର୍ଵଲୋକଶୁଭଙ୍କରଃ ।

ସର୍ଵଵେଦମଯୋ ମଗ୍ନନନ୍ଦାନ୍ଵେଷିପିତୃପ୍ରିଯଃ

॥ 101 ॥

ଶ୍ଲୋକ 104

ଵରୁଣୋଦୀରିତାତ୍ମେକ୍ଷାକୌତୁକୋ ଵରୁଣାର୍ଚିତଃ ।

ଵରୁଣାନୀତଜନକୋ ଗୋପଜ୍ଞାତାତ୍ମଵୈଭଵଃ

॥ 102 ॥

ଶ୍ଲୋକ 105

ସ୍ଵର୍ଲୋକାଲୋକସଂହୃଷ୍ଟଗୋପଵର୍ଗତ୍ରିଵର୍ଗଦଃ ।

ବ୍ରହ୍ମହୃଦ୍ଗୋପିତୋ ଗୋପଦ୍ରଷ୍ଟା ବ୍ରହ୍ମପଦପ୍ରଦଃ

॥ 103 ॥

ଶ୍ଲୋକ 106

ଶରଚ୍ଚନ୍ଦ୍ରଵିହାରୋତ୍କଃ ଶ୍ରୀପତିର୍ଵଶକୋ କ୍ଷମଃ ।

ଭଯାପହୋ ଭର୍ତୃରୁଦ୍ଧଗୋପିକାଧ୍ଯାନଗୋଚରଃ

॥ 104 ॥

ଶ୍ଲୋକ 107

ଗୋପିକାନଯନାସ୍ଵାଦ୍ଯୋ ଗୋପୀନର୍ମୋକ୍ତିନିର୍ଵୃତଃ ।

ଗୋପିକାମାନହରଣୋ ଗୋପିକାଶତଯୂଥପଃ

॥ 105 ॥

ଶ୍ଲୋକ 108

ଵୈଜଯନ୍ତୀସ୍ରଗାକଲ୍ପୋ ଗୋପିକାମାନଵର୍ଧନଃ ।

ଗୋପକାନ୍ତାସୁନିର୍ଦେଷ୍ଟା କାନ୍ତୋ ମନ୍ମଥମନ୍ମଥଃ

॥ 106 ॥

ଶ୍ଲୋକ 109

ସ୍ଵାତ୍ମାସ୍ଯଦତ୍ତତାମ୍ବୂଲଃ ଫଲିତୋତ୍କୃଷ୍ଟଯୌଵନଃ ।

ଵଲ୍ଲଵୀସ୍ତନସକ୍ତାକ୍ଷୋ ଵଲ୍ଲଵୀପ୍ରେମଚାଲିତଃ

॥ 107 ॥

ଶ୍ଲୋକ 110

ଗୋପୀଚେଲାଞ୍ଚଲାସୀନୋ ଗୋପୀନେତ୍ରାବ୍ଜଷଟ୍ପଦଃ ।

ରାସକ୍ରୀଡାସମାସକ୍ତୋ ଗୋପୀମଣ୍ଡଲମଣ୍ଡନଃ

॥ 108 ॥

ଶ୍ଲୋକ 111

ଗୋପୀହେମମଣିଶ୍ରେଣିମଧ୍ଯେନ୍ଦ୍ରମଣିରୁଜ୍ଜ୍ଵଲଃ ।

ଵିଦ୍ଯାଧରେନ୍ଦୁଶାପଘ୍ନଶ୍ଶଙ୍ଖଚୂଡଶିରୋହରଃ

॥ 109 ॥

ଶ୍ଲୋକ 112

ଶଙ୍ଖଚୂଡଶିରୋରତ୍ନସମ୍ପ୍ରୀଣିତବଲୋଽନଘଃ ।

ଅରିଷ୍ଟାରିଷ୍ଟକୃଦ୍ଦୁଷ୍ଟକେଶିଦୈତ୍ଯନିଷୂଦନଃ

॥ 110 ॥

ଶ୍ଲୋକ 113

ସରସସ୍ସସ୍ମିତମୁଖସ୍ସୁସ୍ଥିରୋ ଵିରହାକୁଲଃ ।

ସଙ୍କର୍ଷଣାର୍ପିତପ୍ରୀତିରକ୍ରୂରଧ୍ଯାନଗୋଚରଃ

॥ 111 ॥

ଶ୍ଲୋକ 114

ଅକ୍ରୂରସଂସ୍ତୁତୋ ଗୂଢୋ ଗୁଣଵୃତ୍ଯୁପଲକ୍ଷିତଃ ।

ପ୍ରମାଣଗମ୍ଯସ୍ତନ୍ମାତ୍ରାଽଵଯଵୀ ବୁଦ୍ଧିତତ୍ପରଃ

॥ 112 ॥

ଶ୍ଲୋକ 115

ସର୍ଵପ୍ରମାଣପ୍ରମଧୀସ୍ସର୍ଵପ୍ରତ୍ଯଯସାଧକଃ ।

ପୁରୁଷଶ୍ଚ ପ୍ରଧାନାତ୍ମା ଵିପର୍ଯାସଵିଲୋଚନଃ

॥ 113 ॥

ଶ୍ଲୋକ 116

ମଧୁରାଜନସଂଵୀକ୍ଷ୍ଯୋ ରଜକପ୍ରତିଘାତକଃ ।

ଵିଚିତ୍ରାମ୍ବରସଂଵୀତୋ ମାଲାକାରଵରପ୍ରଦଃ

॥ 114 ॥

ଶ୍ଲୋକ 117

କୁବ୍ଜାଵକ୍ରତ୍ଵନିର୍ମୋକ୍ତା କୁବ୍ଜାଯୌଵନଦାଯକଃ ।

କୁବ୍ଜାଙ୍ଗରାଗସୁରଭିଃ କଂସକୋଦଣ୍ଡଖଣ୍ଡନଃ

॥ 115 ॥

ଶ୍ଲୋକ 118

ଧୀରଃ କୁଵଲଯାପୀଡମର୍ଦନଃ କଂସଭୀତିକୃତ୍ ।

ଦନ୍ତିଦନ୍ତାଯୁଧୋ ରଙ୍ଗତ୍ରାସକୋ ମଲ୍ଲଯୁଦ୍ଧଵିତ୍

॥ 116 ॥

ଶ୍ଲୋକ 119

ଚାଣୂରହନ୍ତା କଂସାରିର୍ଦେଵକୀହର୍ଷଦାଯକଃ ।

ଵସୁଦେଵପଦାନମ୍ରଃ ପିତୃବନ୍ଧଵିମୋଚନଃ

॥ 117 ॥

ଶ୍ଲୋକ 120

ଉର୍ଵୀଭଯାପହୋ ଭୂପ ଉଗ୍ରସେନାଧିପତ୍ଯଦଃ ।

ଆଜ୍ଞାସ୍ଥିତଶଚୀନାଥସ୍ସୁଧର୍ମାନଯନକ୍ଷମଃ

॥ 118 ॥

ଶ୍ଲୋକ 121

ଆଦ୍ଯୋ ଦ୍ଵିଜାତିସତ୍କର୍ତା ଶିଷ୍ଟାଚାରପ୍ରଦର୍ଶକଃ ।

ସାନ୍ଦୀପନିକୃତାଭ୍ଯସ୍ତଵିଦ୍ଯାଭ୍ଯାସୈକଧୀସ୍ସୁଧୀଃ

॥ 119 ॥

ଶ୍ଲୋକ 122

ଗୁର୍ଵଭୀଷ୍ଟକ୍ରିଯାଦକ୍ଷଃ ପଶ୍ଚିମୋଦଧିପୂଜିତଃ ।

ହତପଞ୍ଚଜନପ୍ରାପ୍ତପାଞ୍ଚଜନ୍ଯୋ ଯମାର୍ଚିତଃ

॥ 120 ॥

ଶ୍ଲୋକ 123

ଧର୍ମରାଜଜଯାନୀତଗୁରୁପୁତ୍ର ଉରୁକ୍ରମଃ ।

ଗୁରୁପୁତ୍ରପ୍ରଦଶ୍ଶାସ୍ତା ମଧୁରାଜସଭାସଦଃ

॥ 121 ॥

ଶ୍ଲୋକ 124

ଜାମଦଗ୍ନ୍ଯସମଭ୍ଯର୍ଚ୍ଯୋ ଗୋମନ୍ତଗିରିସଞ୍ଚରଃ ।

ଗୋମନ୍ତଦାଵଶମନୋ ଗରୁଡାନୀତଭୂଷଣଃ

॥ 122 ॥

ଶ୍ଲୋକ 125

ଚକ୍ରାଦ୍ଯାଯୁଧସଂଶୋଭୀ ଜରାସନ୍ଧମଦାପହଃ ।

ସୃଗାଲାଵନିପାଲଘ୍ନସ୍ସୃଗାଲାତ୍ମଜରାଜ୍ଯଦଃ

॥ 123 ॥

ଶ୍ଲୋକ 126

ଵିଧ୍ଵସ୍ତକାଲଯଵନୋ ମୁଚୁକୁନ୍ଦଵରପ୍ରଦଃ ।

ଆଜ୍ଞାପିତମହାମ୍ଭୋଧିର୍ଦ୍ଵାରକାପୁରକଲ୍ପନଃ

॥ 124 ॥

ଶ୍ଲୋକ 127

ଦ୍ଵାରକାନିଲଯୋ ରୁକ୍ମିମାନହନ୍ତା ଯଦୂଦ୍ଵହଃ ।

ରୁଚିରୋ ରୁକ୍ମିଣୀଜାନିଃ ପ୍ରଦ୍ଯୁମ୍ନଜନକଃ ପ୍ରଭୁଃ

॥ 125 ॥

ଶ୍ଲୋକ 128

ଅପାକୃତତ୍ରିଲୋକାର୍ତିରନିରୁଦ୍ଧପିତାମହଃ ।

ଅନିରୁଦ୍ଧପଦାନ୍ଵେଷୀ ଚକ୍ରୀ ଗରୁଡଵାହନଃ

॥ 126 ॥

ଶ୍ଲୋକ 129

ବାଣାସୁରପୁରୀରୋଦ୍ଧା ରକ୍ଷାଜ୍ଵଲନଯନ୍ତ୍ରଜିତ୍ ।

ଧୂତପ୍ରମଥସଂରମ୍ଭୋ ଜିତମାହେଶ୍ଵରଜ୍ଵରଃ

॥ 127 ॥

ଶ୍ଲୋକ 130

ଷଟ୍ଚକ୍ରଶକ୍ତିନିର୍ଜେତା ଭୂତଵେତାଲମୋହକୃତ୍ ।

ଶମ୍ଭୁତ୍ରିଶୂଲଜିଚ୍ଛମ୍ଭୁଜୃମ୍ଭଣଶ୍ଶମ୍ଭୁସଂସ୍ତୁତଃ

॥ 128 ॥

ଶ୍ଲୋକ 131

ଇନ୍ଦ୍ରିଯାତ୍ମେନ୍ଦୁହୃଦଯସ୍ସର୍ଵଯୋଗେଶ୍ଵରେଶ୍ଵରଃ ।

ହିରଣ୍ଯଗର୍ଭହୃଦଯୋ ମୋହାଵର୍ତନିଵର୍ତନଃ

॥ 129 ॥

ଶ୍ଲୋକ 132

ଆତ୍ମଜ୍ଞାନନିଧିର୍ମେଧା କୋଶସ୍ତନ୍ମାତ୍ରରୂପଵାନ୍ ।

ଇନ୍ଦ୍ରୋଽଗ୍ନିଵଦନଃ କାଲନାଭସ୍ସର୍ଵାଗମାଧ୍ଵଗଃ

॥ 130 ॥

ଶ୍ଲୋକ 133

ତୁରୀଯସର୍ଵଧୀସାକ୍ଷୀ ଦ୍ଵନ୍ଦ୍ଵାରାମାତ୍ମଦୂରଗଃ ।

ଅଜ୍ଞାତପାରୋ ଵଶ୍ଯଶ୍ରୀରଵ୍ଯାକୃତଵିହାରଵାନ୍

॥ 131 ॥

ଶ୍ଲୋକ 134

ଆତ୍ମପ୍ରଦୀପୋ ଵିଜ୍ଞାନମାତ୍ରାତ୍ମା ଶ୍ରୀନିକେତନଃ ।

ବାଣବାହୁଵନଚ୍ଛେତ୍ତା ମହେନ୍ଦ୍ରପ୍ରୀତିଵର୍ଧନଃ

॥ 132 ॥

ଶ୍ଲୋକ 135

ଅନିରୁଦ୍ଧନିରୋଧଜ୍ଞୋ ଜଲେଶାହୃତଗୋକୁଲଃ ।

ଜଲେଶଵିଜଯୀ ଵୀରସ୍ସତ୍ରାଜିଦ୍ରତ୍ନଯାଚକଃ

॥ 133 ॥

ଶ୍ଲୋକ 136

ପ୍ରସେନାନ୍ଵେଷଣୋଦ୍ଯୁକ୍ତୋ ଜାମ୍ବଵଦ୍ଧୃତରତ୍ନଦଃ ।

ଜିତର୍କ୍ଷରାଜତନଯାହର୍ତା ଜାମ୍ବଵତୀପ୍ରିଯଃ

॥ 134 ॥

ଶ୍ଲୋକ 137

ସତ୍ଯଭାମାପ୍ରିଯଃ କାମଶ୍ଶତଧନ୍ଵଶିରୋହରଃ ।

କାଲିନ୍ଦୀପତିରକ୍ରୂରବନ୍ଧୁରକ୍ରୂରରତ୍ନଦଃ

॥ 135 ॥

ଶ୍ଲୋକ 138

କୈକେଯୀରମଣୋ ଭଦ୍ରାଭର୍ତା ନାଗ୍ନଜିତୀଧଵଃ ।

ମାଦ୍ରୀମନୋହରଶ୍ଶୈବ୍ଯାପ୍ରାଣବନ୍ଧୁରୁରୁକ୍ରମଃ

॥ 136 ॥

ଶ୍ଲୋକ 139

ସୁଶୀଲାଦଯିତୋ ମିତ୍ରଵିନ୍ଦାନେତ୍ରମହୋତ୍ସଵଃ ।

ଲକ୍ଷ୍ମଣାଵଲ୍ଲଭୋ ରୁଦ୍ଧପ୍ରାଗ୍ଜ୍ଯୋତିଷମହାପୁରଃ

॥ 137 ॥

ଶ୍ଲୋକ 140

ସୁରପାଶାଵୃତିଚ୍ଛେଦୀ ମୁରାରିଃ କ୍ରୂରଯୁଦ୍ଧଵିତ୍ ।

ହଯଗ୍ରୀଵଶିରୋହର୍ତା ସର୍ଵାତ୍ମା ସର୍ଵଦର୍ଶନଃ

॥ 138 ॥

ଶ୍ଲୋକ 141

ନରକାସୁରଵିଚ୍ଛେତ୍ତା ନରକାତ୍ମଜରାଜ୍ଯଦଃ।

ପୃଥ୍ଵୀସ୍ତୁତଃ ପ୍ରକାଶାତ୍ମା ହୃଦ୍ଯୋ ଯଜ୍ଞଫଲପ୍ରଦଃ

॥ 139 ॥

ଶ୍ଲୋକ 142

ଗୁଣଗ୍ରାହୀ ଗୁଣଦ୍ରଷ୍ଟା ଗୂଢସ୍ଵାତ୍ମା ଵିଭୂତିମାନ୍ ।

କଵିର୍ଜଗଦୁପଦ୍ରଷ୍ଟା ପରମାକ୍ଷରଵିଗ୍ରହଃ

॥ 140 ॥

ଶ୍ଲୋକ 143

ପ୍ରପନ୍ନପାଲନୋ ମାଲୀ ମହଦ୍ବ୍ରହ୍ମଵିଵର୍ଧନଃ ।

ଵାଚ୍ଯଵାଚକଶକ୍ତ୍ଯର୍ଥସ୍ସର୍ଵଵ୍ଯାକୃତସିଦ୍ଧିଦଃ

॥ 141 ॥

ଶ୍ଲୋକ 144

ସ୍ଵଯମ୍ପ୍ରଭୁରନିର୍ଵେଦ୍ଯସ୍ସ୍ଵପ୍ରକାଶଶ୍ଚିରନ୍ତନଃ ।

ନାଦାତ୍ମା ମନ୍ତ୍ରକୋଟୀଶୋ ନାନାଵାଦନିରୋଧକଃ

॥ 142 ॥

ଶ୍ଲୋକ 145

କନ୍ଦର୍ପକୋଟିଲାଵଣ୍ଯଃ ପରାର୍ଥୈକପ୍ରଯୋଜକଃ ।

ଅମରୀକୃତଦେଵୌଘଃ କନ୍ଯକାବନ୍ଧମୋଚନଃ

॥ 143 ॥

ଶ୍ଲୋକ 146

ଷୋଡଶସ୍ତ୍ରୀସହସ୍ରେଶଃ କାନ୍ତଃ କାନ୍ତାମନୋଭଵଃ ।

କ୍ରୀଡାରତ୍ନାଚଲାହର୍ତା ଵରୁଣଚ୍ଛତ୍ରଶୋଭିତଃ

॥ 144 ॥

ଶ୍ଲୋକ 147

ଶକ୍ରାଭିଵନ୍ଦିତଶ୍ଶକ୍ରଜନନୀକୁଣ୍ଡଲପ୍ରଦଃ ।

ଅଦିତିପ୍ରସ୍ତୁତସ୍ତୋତ୍ରୋ ବ୍ରାହ୍ମଣୋଦ୍ଘୁଷ୍ଟଚେଷ୍ଟନଃ

॥ 145 ॥

ଶ୍ଲୋକ 148

ପୁରାଣସ୍ସଂଯମୀ ଜନ୍ମାଲିପ୍ତଃ ଷଡ୍ଵିଂଶକୋଽର୍ଥଦଃ ।

ଯଶସ୍ଯନୀତିରାଦ୍ଯନ୍ତରହିତସ୍ସତ୍କଥାପ୍ରିଯଃ

॥ 146 ॥

ଶ୍ଲୋକ 149

ବ୍ରହ୍ମବୋଧଃ ପରାନନ୍ଦଃ ପାରିଜାତାପହାରକଃ ।

ପୌଣ୍ଡ୍ରକପ୍ରାଣହରଣଃ କାଶିରାଜନିଷୂଦନଃ

॥ 147 ॥

ଶ୍ଲୋକ 150

କୃତ୍ଯାଗର୍ଵପ୍ରଶମନୋ ଵିଚକ୍ରଵଧଦୀକ୍ଷିତଃ ।

କଂସଵିଧ୍ଵଂସନସ୍ସାମ୍ବଜନକୋ ଡିମ୍ଭକାର୍ଦନଃ

॥ 148 ॥

ଶ୍ଲୋକ 151

ମୁନିର୍ଗୋପ୍ତା ପିତୃଵରପ୍ରଦସ୍ସଵନଦୀକ୍ଷିତଃ ।

ରଥୀ ସାରଥ୍ଯନିର୍ଦେଷ୍ଟା ଫାଲ୍ଗୁନଃ ଫାଲ୍ଗୁନିପ୍ରିଯଃ

॥ 149 ॥

ଶ୍ଲୋକ 152

ସପ୍ତାବ୍ଧିସ୍ତମ୍ଭନୋଦ୍ଭାତୋ ହରିସ୍ସପ୍ତାବ୍ଧିଭେଦନଃ ।

ଆତ୍ମପ୍ରକାଶଃ ପୂର୍ଣଶ୍ରୀରାଦିନାରାଯଣେକ୍ଷିତଃ

॥ 150 ॥

ଶ୍ଲୋକ 153

ଵିପ୍ରପୁତ୍ରପ୍ରଦଶ୍ଚୈଵ ସର୍ଵମାତୃସୁତପ୍ରଦଃ ।

ପାର୍ଥଵିସ୍ମଯକୃତ୍ପାର୍ଥପ୍ରଣଵାର୍ଥପ୍ରବୋଧନଃ

॥ 151 ॥

ଶ୍ଲୋକ 154

କୈଲାସଯାତ୍ରାସୁମୁଖୋ ବଦର୍ଯାଶ୍ରମଭୂଷଣଃ ।

ଘଣ୍ଟାକର୍ଣକ୍ରିଯାମୌଢ୍ଯାତ୍ତୋଷିତୋ ଭକ୍ତଵତ୍ସଲଃ

॥ 152 ॥

ଶ୍ଲୋକ 155

ମୁନିବୃନ୍ଦାଦିଭିର୍ଧ୍ଯେଯୋ ଘଣ୍ଟାକର୍ଣଵରପ୍ରଦଃ ।

ତପଶ୍ଚର୍ଯାପରଶ୍ଚୀରଵାସାଃ ପିଙ୍ଗଜଟାଧରଃ

॥ 153 ॥

ଶ୍ଲୋକ 156

ପ୍ରତ୍ଯକ୍ଷୀକୃତଭୂତେଶଶ୍ଶିଵସ୍ତୋତା ଶିଵସ୍ତୁତଃ ।

କୃଷ୍ଣାସ୍ଵଯଂଵରାଲୋକକୌତୁକୀ ସର୍ଵସମ୍ମତଃ

॥ 154 ॥

ଶ୍ଲୋକ 157

ବଲସଂରମ୍ଭଶମନୋ ବଲଦର୍ଶିତପାଣ୍ଡଵଃ ।

ଯତିଵେଷାର୍ଜୁନାଭୀଷ୍ଟଦାଯୀ ସର୍ଵାତ୍ମଗୋଚରଃ

॥ 155 ॥

ଶ୍ଲୋକ 158

ସୁଭଦ୍ରାଫାଲ୍ଗୁନୋଦ୍ଵାହକର୍ତା ପ୍ରୀଣିତଫାଲ୍ଗୁନଃ ।

ଖାଣ୍ଡଵପ୍ରୀଣିତାର୍ଚିଷ୍ମାନ୍ମଯଦାନଵମୋଚନଃ

॥ 156 ॥

ଶ୍ଲୋକ 159

ସୁଲଭୋ ରାଜସୂଯାର୍ହଯୁଧିଷ୍ଠିରନିଯୋଜକଃ ।

ଭୀମାର୍ଦିତଜରାସନ୍ଧୋ ମାଗଧାତ୍ମଜରାଜ୍ଯଦଃ

॥ 157 ॥

ଶ୍ଲୋକ 160

ରାଜବନ୍ଧନନିର୍ମୋକ୍ତା ରାଜସୂଯାଗ୍ରପୂଜନଃ ।

ଚୈଦ୍ଯାଦ୍ଯସହନୋ ଭୀଷ୍ମସ୍ତୁତସ୍ସାତ୍ଵତପୂର୍ଵଜଃ

॥ 158 ॥

ଶ୍ଲୋକ 161

ସର୍ଵାତ୍ମାର୍ଥସମାହର୍ତା ମନ୍ଦରାଚଲଧାରକଃ ।

ଯଜ୍ଞାଵତାରଃ ପ୍ରହ୍ଲାଦପ୍ରତିଜ୍ଞାପ୍ରତିପାଲକଃ

॥ 159 ॥

ଶ୍ଲୋକ 162

ବଲିଯଜ୍ଞସଭାଧ୍ଵଂସୀ ଦୃପ୍ତକ୍ଷତ୍ରକୁଲାନ୍ତକଃ ।

ଦଶଗ୍ରୀଵାନ୍ତକୋ ଜେତା ରେଵତୀପ୍ରେମଵଲ୍ଲଭଃ

॥ 160 ॥

ଶ୍ଲୋକ 163

ସର୍ଵାଵତାରାଧିଷ୍ଠାତା ଵେଦବାହ୍ଯଵିମୋହନଃ ।

କଲିଦୋଷନିରାକର୍ତା ଦଶନାମା ଦୃଢଵ୍ରତଃ

॥ 161 ॥

ଶ୍ଲୋକ 164

ଅମେଯାତ୍ମା ଜଗତ୍ସ୍ଵାମୀ ଵାଗ୍ମୀ ଚୈଦ୍ଯଶିରୋହରଃ ।

ଦ୍ରୌପଦୀରଚିତସ୍ତୋତ୍ରଃ କେଶଵଃ ପୁରୁଷୋତ୍ତମଃ

॥ 162 ॥

ଶ୍ଲୋକ 165

ନାରାଯଣୋ ମଧୁପତିର୍ମାଧଵୋ ଦୋଷଵର୍ଜିତଃ ।

ଗୋଵିନ୍ଦଃ ପୁଣ୍ଡରୀକାକ୍ଷୋ ଵିଷ୍ଣୁଶ୍ଚ ମଧୁସୂଦନଃ

॥ 163 ॥

ଶ୍ଲୋକ 166

ତ୍ରିଵିକ୍ରମସ୍ତ୍ରିଲୋକେଶୋ ଵାମନଃ ଶ୍ରୀଧରଃ ପୁମାନ୍ ।

ହୃଷୀକେଶୋ ଵାସୁଦେଵଃ ପଦ୍ମନାଭୋ ମହାହ୍ରଦଃ

॥ 164 ॥

ଶ୍ଲୋକ 167

ଦାମୋଦରଶ୍ଚତୁର୍ଵ୍ଯୂହଃ ପାଞ୍ଚାଲୀମାନରକ୍ଷଣଃ ।

ସାଲ୍ଵଘ୍ନସ୍ସମରଶ୍ଲାଘୀ ଦନ୍ତଵକ୍ତ୍ରନିବର୍ହଣଃ

॥ 165 ॥

ଶ୍ଲୋକ 168

ଦାମୋଦରପ୍ରିଯସଖା ପୃଥୁକାସ୍ଵାଦନପ୍ରିଯଃ ॥

ଘୃଣୀ ଦାମୋଦରଃ ଶ୍ରୀଦୋ ଗୋପୀପୁନରଵେକ୍ଷକଃ

॥ 166 ॥

ଶ୍ଲୋକ 169

ଗୋପିକାମୁକ୍ତିଦୋ ଯୋଗୀ ଦୁର୍ଵାସସ୍ତୃପ୍ତିକାରକଃ ।

ଅଵିଜ୍ଞାତଵ୍ରଜାକୀର୍ଣପାଣ୍ଡଵାଲୋକନୋ ଜଯୀ

॥ 167 ॥

ଶ୍ଲୋକ 170

ପାର୍ଥସାରଥ୍ଯନିରତଃ ପ୍ରାଜ୍ଞଃ ପାଣ୍ଡଵଦୂତ୍ଯକୃତ୍ ।

ଵିଦୁରାତିଥ୍ଯସନ୍ତୁଷ୍ଟଃ କୁନ୍ତୀସନ୍ତୋଷଦାଯକଃ

॥ 168 ॥

ଶ୍ଲୋକ 171

ସୁଯୋଧନତିରସ୍କର୍ତା ଦୁର୍ଯୋଧନଵିକାରଵିତ୍ ।

ଵିଦୁରାଭିଷ୍ଠୁତୋ ନିତ୍ଯୋ ଵାର୍ଷ୍ଣେଯୋ ମଙ୍ଗଲାତ୍ମକଃ

॥ 169 ॥

ଶ୍ଲୋକ 172

ପଞ୍ଚଵିଂଶତିତତ୍ତ୍ଵେଶଶ୍ଚତୁର୍ଵିଂଶତିଦେହଭାକ୍ ।

ସର୍ଵାନୁଗ୍ରାହକସ୍ସର୍ଵଦାଶାର୍ହସତତାର୍ଚିତଃ

॥ 170 ॥

ଶ୍ଲୋକ 173

ଅଚିନ୍ତ୍ଯୋ ମଧୁରାଲାପସ୍ସାଧୁଦର୍ଶୀ ଦୁରାସଦଃ ।

ମନୁଷ୍ଯଧର୍ମାନୁଗତଃ କୌରଵେନ୍ଦ୍ରକ୍ଷଯେକ୍ଷିତା

॥ 171 ॥

ଶ୍ଲୋକ 174

ଉପେନ୍ଦ୍ରୋ ଦାନଵାରାତିରୁରୁଗୀତୋ ମହାଦ୍ଯୁତିଃ ।

ବ୍ରହ୍ମଣ୍ଯଦେଵଃ ଶ୍ରୁତିମାନ୍ ଗୋବ୍ରାହ୍ମଣହିତାଶଯଃ

॥ 172 ॥

ଶ୍ଲୋକ 175

ଵରଶୀଲଶ୍ଶିଵାରମ୍ଭସ୍ସୁଵିଜ୍ଞାନଵିମୂର୍ତିମାନ୍ ।

ସ୍ଵଭାଵଶୁଦ୍ଧସ୍ସନ୍ମିତ୍ରସ୍ସୁଶରଣ୍ଯସ୍ସୁଲକ୍ଷଣଃ

॥ 173 ॥

ଶ୍ଲୋକ 176

ଧୃତରାଷ୍ଟ୍ରଗତୌଦୃଷ୍ଟିପ୍ରଦଃ କର୍ଣଵିଭେଦନଃ ।

ପ୍ରତୋଦଧୃଗ୍ଵିଶ୍ଵରୂପଵିସ୍ମାରିତଧନଞ୍ଜଯଃ

॥ 174 ॥

ଶ୍ଲୋକ 177

ସାମଗାନପ୍ରିଯୋ ଧର୍ମଧେନୁର୍ଵର୍ଣୋତ୍ତମୋଽଵ୍ଯଯଃ ।

ଚତୁର୍ଯୁଗକ୍ରିଯାକର୍ତା ଵିଶ୍ଵରୂପପ୍ରଦର୍ଶକଃ

॥ 175 ॥

ଶ୍ଲୋକ 178

ବ୍ରହ୍ମବୋଧପରିତ୍ରାତପାର୍ଥୋ ଭୀଷ୍ମାର୍ଥଚକ୍ରଭୃତ୍ ।

ଅର୍ଜୁନାଯାସଵିଧ୍ଵଂସୀ କାଲଦଂଷ୍ଟ୍ରାଵିଭୂଷଣଃ

॥ 176 ॥

ଶ୍ଲୋକ 179

ସୁଜାତାନନ୍ତମହିମା ସ୍ଵପ୍ନଵ୍ଯାପାରିତାର୍ଜୁନଃ ।

ଅକାଲସନ୍ଧ୍ଯାଘଟନଶ୍ଚକ୍ରାନ୍ତରିତଭାସ୍କରଃ

॥ 177 ॥

ଶ୍ଲୋକ 180

ଦୁଷ୍ଟପ୍ରମଥନଃ ପାର୍ଥପ୍ରତିଜ୍ଞାପରିପାଲକଃ ।

ସିନ୍ଧୁରାଜଶିରଃପାତସ୍ଥାନଵକ୍ତା ଵିଵେକଦୃକ୍

॥ 178 ॥

ଶ୍ଲୋକ 181

ସୁଭଦ୍ରାଶୋକହରଣୋ ଦ୍ରୋଣୋତ୍ସେକାଦିଵିସ୍ମିତଃ ।

ପାର୍ଥମନ୍ଯୁନିରାକର୍ତା ପାଣ୍ଡଵୋତ୍ସଵଦାଯକଃ

॥ 179 ॥

ଶ୍ଲୋକ 182

ଅଙ୍ଗୁଷ୍ଠାକ୍ରାନ୍ତକୌନ୍ତେଯରଥଶ୍ଶକ୍ତୋଽହିଶୀର୍ଷଜିତ୍ ।

କାଲକୋପପ୍ରଶମନୋ ଭୀମସେନଜଯପ୍ରଦଃ

॥ 180 ॥

ଶ୍ଲୋକ 183

ଅଶ୍ଵତ୍ଥାମଵଧାଯାସତ୍ରାତପାଣ୍ଡୁସୁତଃ କୃତୀ ।

ଇଷୀକାସ୍ତ୍ରପ୍ରଶମନୋ ଦ୍ରୌଣିରକ୍ଷାଵିଚକ୍ଷଣଃ

॥ 181 ॥

ଶ୍ଲୋକ 184

ପାର୍ଥାପହାରିତଦ୍ରୌଣିଚୂଡାମଣିରଭଙ୍ଗୁରଃ ।

ଧୃତରାଷ୍ଟ୍ରପରାମୃଷ୍ଟଭୀମପ୍ରତିକୃତିସ୍ମଯଃ

॥ 182 ॥

ଶ୍ଲୋକ 185

ଭୀଷ୍ମବୁଦ୍ଧିପ୍ରଦଶ୍ଶାନ୍ତଶ୍ଶରଚ୍ଚନ୍ଦ୍ରନିଭାନନଃ ।

ଗଦାଗ୍ରଜନ୍ମା ପାଞ୍ଚାଲୀପ୍ରତିଜ୍ଞାପରିପାଲକଃ

॥ 183 ॥

ଶ୍ଲୋକ 186

ଗାନ୍ଧାରୀକୋପଦୃଗ୍ଗୁପ୍ତଧର୍ମସୂନୁରନାମଯଃ ।

ପ୍ରପନ୍ନାର୍ତିଭଯଚ୍ଛେତ୍ତା ଭୀଷ୍ମଶଲ୍ଯଵ୍ଯଧାଵହଃ

॥ 184 ॥

ଶ୍ଲୋକ 187

ଶାନ୍ତଶ୍ଶାନ୍ତନଵୋଦୀର୍ଣସର୍ଵଧର୍ମସମାହିତଃ ।

ସ୍ମାରିତବ୍ରହ୍ମଵିଦ୍ଯାର୍ଥପ୍ରୀତପାର୍ଥୋ ମହାସ୍ତ୍ରଵିତ୍

॥ 185 ॥

ଶ୍ଲୋକ 188

ପ୍ରସାଦପରମୋଦାରୋ ଗାଙ୍ଗେଯସୁଗତିପ୍ରଦଃ ।

ଵିପକ୍ଷପକ୍ଷକ୍ଷଯକୃତ୍ପରୀକ୍ଷିତ୍ପ୍ରାଣରକ୍ଷଣଃ

॥ 186 ॥

ଶ୍ଲୋକ 189

ଜଗଦ୍ଗୁରୁର୍ଧର୍ମସୂନୋର୍ଵାଜିମେଧପ୍ରଵର୍ତକଃ ।

ଵିହିତାର୍ଥାପ୍ତସତ୍କାରୋ ମାସକାତ୍ପରିଵର୍ତଦଃ

॥ 187 ॥

ଶ୍ଲୋକ 190

ଉତ୍ତଙ୍କହର୍ଷଦାତ୍ମୀଯଦିଵ୍ଯରୂପପ୍ରଦର୍ଶକଃ ।

ଜନକାଵଗତସ୍ଵୋକ୍ତଭାରତସ୍ସର୍ଵଭାଵନଃ

॥ 188 ॥

ଶ୍ଲୋକ 191

ଅସୋଢଯାଦଵୋଦ୍ରେକୋ ଵିହିତାପ୍ତାଦିପୂଜନଃ ॥

ସମୁଦ୍ରସ୍ଥାପିତାଶ୍ଚର୍ଯମୁସଲୋ ଵୃଷ୍ଣିଵାହକଃ

॥ 189 ॥

ଶ୍ଲୋକ 192

ମୁନିଶାପାଯୁଧଃ ପଦ୍ମାସନାଦିତ୍ରିଦଶାର୍ଥିତଃ ।

ଵୃଷ୍ଟିପ୍ରତ୍ଯଵହାରୋତ୍କସ୍ସ୍ଵଧାମଗମନୋତ୍ସୁକଃ

॥ 190 ॥

ଶ୍ଲୋକ 193

ପ୍ରଭାସାଲୋକନୋଦ୍ଯୁକ୍ତୋ ନାନାଵିଧନିମିତ୍ତକୃତ୍ ।

ସର୍ଵଯାଦଵସଂସେଵ୍ଯସ୍ସର୍ଵୋତ୍କୃଷ୍ଟପରିଚ୍ଛଦଃ

॥ 191 ॥

ଶ୍ଲୋକ 194

ଵେଲାକାନନସଞ୍ଚାରୀ ଵେଲାନିଲହୃତଶ୍ରମଃ ।

କାଲାତ୍ମା ଯାଦଵୋଽନନ୍ତସ୍ସ୍ତୁତିସନ୍ତୁଷ୍ଟମାନସଃ

॥ 192 ॥

ଶ୍ଲୋକ 195

ଦ୍ଵିଜାଲୋକନସନ୍ତୁଷ୍ଟଃ ପୁଣ୍ଯତୀର୍ଥମହୋତ୍ସଵଃ ।

ସତ୍କାରାହ୍ଲାଦିତାଶେଷଭୂସୁରସ୍ସୁରଵଲ୍ଲଭଃ

॥ 193 ॥

ଶ୍ଲୋକ 196

ପୁଣ୍ଯତୀର୍ଥାପ୍ଲୁତଃ ପୁଣ୍ଯଃ ପୁଣ୍ଯଦସ୍ତୀର୍ଥପାଵନଃ ।

ଵିପ୍ରସାତ୍କୃତଗୋକୋଟିଶ୍ଶତକୋଟିସୁଵର୍ଣଦଃ

॥ 194 ॥

ଶ୍ଲୋକ 197

ସ୍ଵମାଯାମୋହିତାଽଶେଷଵୃଷ୍ଣିଵୀରୋ ଵିଶେଷଵିତ୍ ।

ଜଲଜାଯୁଧନିର୍ଦେଷ୍ଟା ସ୍ଵାତ୍ମାଵେଶିତଯାଦଵଃ

॥ 195 ॥

ଶ୍ଲୋକ 198

ଦେଵତାଭୀଷ୍ଟଵରଦଃ କୃତକୃତ୍ଯଃ ପ୍ରସନ୍ନଧୀଃ ।

ସ୍ଥିରଶେଷାଯୁତବଲସ୍ସହସ୍ରଫଣିଵୀକ୍ଷଣଃ

॥ 196 ॥

ଶ୍ଲୋକ 199

ବ୍ରହ୍ମଵୃକ୍ଷଵରଚ୍ଛାଯାସୀନଃ ପଦ୍ମାସନସ୍ଥିତଃ ।

ପ୍ରତ୍ଯଗାତ୍ମା ସ୍ଵଭାଵାର୍ଥଃ ପ୍ରଣିଧାନପରାଯଣଃ

॥ 197 ॥

ଶ୍ଲୋକ 200

ଵ୍ଯାଧେଷୁଵିଦ୍ଧପୂଜ୍ଯାଙ୍ଘ୍ରିର୍ନିଷାଦଭଯମୋଚନଃ ।

ପୁଲିନ୍ଦସ୍ତୁତିସନ୍ତୁଷ୍ଟଃ ପୁଲିନ୍ଦସୁଗତିପ୍ରଦଃ

॥ 198 ॥

ଶ୍ଲୋକ 201

ଦାରୁକାର୍ପିତପାର୍ଥାଦିକରଣୀଯୋକ୍ତିରୀଶିତା ।

ଦିଵ୍ଯଦୁନ୍ଦୁଭିସଂଯୁକ୍ତଃ ପୁଷ୍ପଵୃଷ୍ଟିପ୍ରପୂଜିତଃ

॥ 199 ॥

ଶ୍ଲୋକ 202

ପୁରାଣଃ ପରମେଶାନଃ ପୂର୍ଣଭୂମା ପରିଷ୍ଟୁତଃ ।

ପତିରାଦ୍ଯଃ ପରଂ ବ୍ରହ୍ମ ପରମାତ୍ମା ପରାତ୍ପରଃ

॥ 200 ॥

ଶ୍ଲୋକ 203

ଶ୍ରୀପରମାତ୍ମା ପରାତ୍ପରଃ ଓଁ ନମଃ ଇତି ।

ଫଲଶ୍ରୁତିଃ –

ଇଦଂ ସହସ୍ରଂ କୃଷ୍ଣସ୍ଯ ନାମ୍ନାଂ ସର୍ଵାର୍ଥଦାଯକମ୍ ।

ଅନନ୍ତରୂପୀ ଭଗଵାନ୍ ଵ୍ଯାଖ୍ଯାତାଦୌ ସ୍ଵଯମ୍ଭୁଵେ

॥ 201 ॥

ଶ୍ଲୋକ 204

ତେନ ପ୍ରୋକ୍ତଂ ଵସିଷ୍ଠାଯ ତତୋ ଲବ୍ଧ୍ଵା ପରାଶରଃ ।

ଵ୍ଯାସାଯ ତେନ ସମ୍ପ୍ରୋକ୍ତଂ ଶୁକୋ ଵ୍ଯାସାଦଵାପ୍ତଵାନ୍

॥ 202 ॥

ଶ୍ଲୋକ 205

ତଚ୍ଛିଷ୍ଯୈର୍ବହୁଭିର୍ଭୂମୌ ଖ୍ଯାପିତଂ ଦ୍ଵାପରେ ଯୁଗେ ।

କୃଷ୍ଣାଜ୍ଞଯା ହରିହରଃ କଲୌ ପ୍ରଖ୍ଯାପଯଦ୍ଵିଭୁଃ

॥ 203 ॥

ଶ୍ଲୋକ 206

ଇଦଂ ପଠତି ଭକ୍ତ୍ଯା ଯଃ ଶୃଣୋତି ଚ ସମାହିତଃ ।

ସ୍ଵସିଦ୍ଧ୍ଯୈ ପ୍ରାର୍ଥଯନ୍ତ୍ଯେନଂ ତୀର୍ଥକ୍ଷେତ୍ରାଦିଦେଵତାଃ

॥ 204 ॥

ଶ୍ଲୋକ 207

ପ୍ରାଯଶ୍ଚିତ୍ତାନ୍ଯଶେଷାଣି ନାଲଂ ଯାନି ଵ୍ଯପୋହିତୁମ୍ ।

ତାନି ପାପାନି ନଶ୍ଯନ୍ତି ସକୃଦସ୍ଯ ପ୍ରଶଂସନାତ୍

॥ 205 ॥

ଶ୍ଲୋକ 208

ଋଣତ୍ରଯଵିମୁକ୍ତସ୍ଯ ଶ୍ରୌତସ୍ମାର୍ତାନୁଵର୍ତିନଃ ।

ଋଷେସ୍ତ୍ରିମୂର୍ତିରୂପସ୍ଯ ଫଲଂ ଵିନ୍ଦେଦିଦଂ ପଠନ୍

॥ 206 ॥

ଶ୍ଲୋକ 209

ଇଦଂ ନାମସହସ୍ରଂ ଯଃ ପଠତ୍ଯେତଚ୍ଛୃଣୋତି ଚ ।

ଶିଵଲିଙ୍ଗସହସ୍ରସ୍ଯ ସ ପ୍ରତିଷ୍ଠାଫଲଂ ଲଭେତ୍

॥ 207 ॥

ଶ୍ଲୋକ 210

ଇଦଂ କିରୀଟୀ ସଞ୍ଜପ୍ଯ ଜଯୀ ପାଶୁପତାସ୍ତ୍ରଭାକ୍ ।

କୃଷ୍ଣସ୍ଯ ପ୍ରାଣଭୂତସ୍ସନ୍ କୃଷ୍ଣଂ ସାରଥିମାପ୍ତଵାନ୍

॥ 208 ॥

ଶ୍ଲୋକ 211

ଦ୍ରୌପଦ୍ଯା ଦମଯନ୍ତ୍ଯା ଚ ସାଵିତ୍ର୍ଯା ଚ ସୁଶୀଲଯା ।

ଦୁରିତାନି ଜିତାନ୍ଯେତଜ୍ଜପାଦାପ୍ତଂ ଚ ଵାଞ୍ଛିତମ୍

॥ 209 ॥

ଶ୍ଲୋକ 212

କିମିଦଂ ବହୁନା ଶଂସନ୍ମାନଵୋ ମୋଦନିର୍ଭରଃ ।

ବ୍ରହ୍ମାନନ୍ଦମଵାପ୍ଯାନ୍ତେ କୃଷ୍ଣସାଯୂଜ୍ଯମାପ୍ନୁଯାତ୍

॥ 210 ॥

ଶ୍ଲୋକ 213