Sri Krishna Sahasra Nama Stotram

শ্রী কৃষ্ণ সহস্র নাম স্তোত্রম্

শ্লোক 1

ওঁ অস্য শ্রীকৃষ্ণসহস্রনামস্তোত্রমন্ত্রস্য পরাশর ঋষিঃ, অনুষ্টুপ্ ছন্দঃ, শ্রীকৃষ্ণঃ পরমাত্মা দেবতা, শ্রীকৃষ্ণেতি বীজম্, শ্রীবল্লভেতি শক্তিঃ, শার্ঙ্গীতি কীলকং, শ্রীকৃষ্ণপ্রীত্যর্থে জপে বিনিযোগঃ ॥

ন্যাসঃ

পরাশরায ঋষযে নমঃ ইতি শিরসি,

অনুষ্টুপ্ ছন্দসে নমঃ ইতি মুখে,

গোপালকৃষ্ণদেবতাযৈ নমঃ ইতি হৃদযে,

শ্রীকৃষ্ণায বীজায নমঃ ইতি গুহ্যে,

শ্রীবল্লভায শক্ত্যৈ নমঃ ইতি পাদযোঃ,

শার্ঙ্গধরায কীলকায নমঃ ইতি সর্বাঙ্গে ॥

করন্যাসঃ

শ্রীকৃষ্ণ ইত্যারভ্য শূরবংশৈকধীরিত্যন্তানি অঙ্গুষ্ঠাভ্যাং নমঃ ।

শৌরিরিত্যারভ্য স্বভাসোদ্ভাসিতব্রজ ইত্যন্তানি তর্জনীভ্যাং নমঃ ।

কৃতাত্মবিদ্যাবিন্যাস ইত্যারভ্য প্রস্থানশকটারূঢ ইতি মধ্যমাভ্যাং নমঃ,

বৃন্দাবনকৃতালয ইত্যারভ্য মধুরাজনবীক্ষিত ইত্যনামিকাভ্যাং নমঃ,

রজকপ্রতিঘাতক ইত্যারভ্য দ্বারকাপুরকল্পন ইতি কনিষ্ঠিকাভ্যাং নমঃ

দ্বারকানিলয ইত্যারভ্য পরাশর ইতি করতলকরপৃষ্ঠাভ্যাং নমঃ,

এবং হৃদযাদিন্যাসঃ ॥

ধ্যানম্

কেষাঞ্চিত্প্রেমপুংসাং বিগলিতমনসাং বাললীলাবিলাসং

কেষাং গোপাললীলাঙ্কিতরসিকতনুর্বেণুবাদ্যেন দেবম্ ।

কেষাং বামাসমাজে জনিতমনসিজো দৈত্যদর্পাপহৈবং

জ্ঞাত্বা ভিন্নাভিলাষং স জযতি জগতামীশ্বরস্তাদৃশোঽভূত্

শ্লোক 2

ক্ষীরাব্ধৌ কৃতসংস্তবস্সুরগণৈর্ব্রহ্মাদিভিঃ পণ্ডিতৈঃ

প্রোদ্ভূতো বসুদেবসদ্মনি মুদা চিক্রীড যো গোকুলে ।

কংসধ্বংসকৃতে জগাম মধুরাং সারামসদ্বারকাং

গোপালোঽখিলগোপিকাজনসখঃ পাযাদপাযাত্ স নঃ

॥ 1 ॥

শ্লোক 3

ফুল্লেন্দীবরকান্তিমিন্দুবদনং বর্হাবতংসপ্রিযং

শ্রীবত্সাঙ্কমুদারকৌস্তুভধরং পীতাম্বরং সুন্দরম্ ।

গোপীনাং নযনোত্পলার্চিততনুং গোগোপসঙ্ঘাবৃতং

গোবিন্দং কলবেণুবাদনরতং দিব্যাঙ্গভূষং ভজে

॥ 2 ॥

শ্লোক 4

ওম্ ।

কৃষ্ণঃ শ্রীবল্লভঃ শার্ঙ্গী বিষ্বক্সেনঃ স্বসিদ্ধিদঃ ।

ক্ষীরোদধামা ব্যূহেশঃ শেষশাযী জগন্মযঃ

॥ 3 ॥

শ্লোক 5

ভক্তিগম্যস্ত্রযীমূর্তির্ভারার্তবসুধাস্তুতঃ ।

দেবদেবো দযাসিন্ধুর্দেবদেবশিখামণিঃ

॥ 1 ॥

শ্লোক 6

সুখভাবস্সুখাধারো মুকুন্দো মুদিতাশযঃ ।

অবিক্রিযঃ ক্রিযামূর্তিরধ্যাত্মস্বস্বরূপবান্

॥ 2 ॥

শ্লোক 7

শিষ্টাভিলক্ষ্যো ভূতাত্মা ধর্মত্রাণার্থচেষ্টিতঃ ।

অন্তর্যামী কলারূপঃ কালাবযবসাক্ষিকঃ

॥ 3 ॥

শ্লোক 8

বসুধাযাসহরণো নারদপ্রেরণোন্মুখঃ ।

প্রভূষ্ণুর্নারদোদ্গীতো লোকরক্ষাপরাযণঃ

॥ 4 ॥

শ্লোক 9

রৌহিণেযকৃতানন্দো যোগজ্ঞাননিযোজকঃ ।

মহাগুহান্তর্নিক্ষিপ্তঃ পুরাণবপুরাত্মবান্

॥ 5 ॥

শ্লোক 10

শূরবংশৈকধীশ্শৌরিঃ কংসশঙ্কাবিষাদকৃত্ ।

বসুদেবোল্লসচ্ছক্তির্দেবক্যষ্টমগর্ভগঃ

॥ 6 ॥

শ্লোক 11

বসুদেবসুতঃ শ্রীমান্দেবকীনন্দনো হরিঃ ।

আশ্চর্যবালঃ শ্রীবত্সলক্ষ্মবক্ষাশ্চতুর্ভুজঃ

॥ 7 ॥

শ্লোক 12

স্বভাবোত্কৃষ্টসদ্ভাবঃ কৃষ্ণাষ্টম্যন্তসম্ভবঃ ।

প্রাজাপত্যর্ক্ষসম্ভূতো নিশীথসমযোদিতঃ

॥ 8 ॥

শ্লোক 13

শঙ্খচক্রগদাপদ্মপাণিঃ পদ্মনিভেক্ষণঃ ।

কিরীটী কৌস্তুভোরস্কঃ স্ফুরন্মকরকুণ্ডলঃ

॥ 9 ॥

শ্লোক 14

পীতবাসা ঘনশ্যামঃ কুঞ্চিতাঞ্চিতকুন্তলঃ ।

সুব্যক্তব্যক্তাভরণঃ সূতিকাগৃহভূষণঃ

॥ 10 ॥

শ্লোক 15

কারাগারান্ধকারঘ্নঃ পিতৃপ্রাগ্জন্মসূচকঃ ।

বসুদেবস্তুতঃ স্তোত্রং তাপত্রযনিবারণঃ

॥ 11 ॥

শ্লোক 16

নিরবদ্যঃ ক্রিযামূর্তির্ন্যাযবাক্যনিযোজকঃ ।

অদৃষ্টচেষ্টঃ কূটস্থো ধৃতলৌকিকবিগ্রহঃ

॥ 12 ॥

শ্লোক 17

মহর্ষিমানসোল্লাসো মহীমঙ্গলদাযকঃ ।

সন্তোষিতসুরব্রাতঃ সাধুচিত্তপ্রসাদকঃ

॥ 13 ॥

শ্লোক 18

জনকোপাযনির্দেষ্টা দেবকীনযনোত্সবঃ ।

পিতৃপাণিপরিষ্কারো মোহিতাগাররক্ষকঃ

॥ 14 ॥

শ্লোক 19

স্বশক্ত্যুদ্ধাটিতাশেষকপাটঃ পিতৃবাহকঃ ।

শেষোরগফণাচ্ছত্রশ্শেষোক্তাখ্যাসহস্রকঃ

॥ 15 ॥

শ্লোক 20

যমুনাপূরবিধ্বংসী স্বভাসোদ্ভাসিতব্রজঃ ।

কৃতাত্মবিদ্যাবিন্যাসো যোগমাযাগ্রসম্ভবঃ

॥ 16 ॥

শ্লোক 21

দুর্গানিবেদিতোদ্ভাবো যশোদাতল্পশাযকঃ ।

নন্দগোপোত্সবস্ফূর্তির্ব্রজানন্দকরোদযঃ

॥ 17 ॥

শ্লোক 22

সুজাতজাতকর্ম শ্রীর্গোপীভদ্রোক্তিনির্বৃতঃ ।

অলীকনিদ্রোপগমঃ পূতনাস্তনপীডনঃ

॥ 18 ॥

শ্লোক 23

স্তন্যাত্তপূতনাপ্রাণঃ পূতনাক্রোশকারকঃ ।

বিন্যস্তরক্ষাগোধূলির্যশোদাকরলালিতঃ

॥ 19 ॥

শ্লোক 24

নন্দাঘ্রাতশিরোমধ্যঃ পূতনাসুগতিপ্রদঃ ।

বালঃ পর্যঙ্কনিদ্রালুর্মুখার্পিতপদাঙ্গুলিঃ

॥ 20 ॥

শ্লোক 25

অঞ্জনস্নিগ্ধনযনঃ পর্যাযাঙ্কুরিতস্মিতঃ ।

লীলাক্ষস্তরলালোকশ্শকটাসুরভঞ্জনঃ

॥ 21 ॥

শ্লোক 26

দ্বিজোদিতস্বস্ত্যযনো মন্ত্রপূতজলাপ্লুতঃ ।

যশোদোত্সঙ্গপর্যঙ্কো যশোদামুখবীক্ষকঃ

॥ 22 ॥

শ্লোক 27

যশোদাস্তন্যমুদিতস্তৃণাবর্তাদিদুস্সহঃ ।

তৃণাবর্তাসুরধ্বংসী মাতৃবিস্মযকারকঃ

॥ 23 ॥

শ্লোক 28

প্রশস্তনামকরণো জানুচঙ্ক্রমণোত্সুকঃ ।

ব্যালম্বিচূলিকারত্নো ঘোষগোপপ্রহর্ষণঃ

॥ 24 ॥

শ্লোক 29

স্বমুখপ্রতিবিম্বার্থী গ্রীবাব্যাঘ্রনখোজ্জ্বলঃ ।

পঙ্কানুলেপরুচিরো মাংসলোরুকটীতটঃ

॥ 25 ॥

শ্লোক 30

ঘৃষ্টজানুকরদ্বন্দ্বঃ প্রতিবিম্বানুকারকৃত্ ।

অব্যক্তবর্ণবাগ্বৃত্তিঃ স্মিতলক্ষ্যরদোদ্গমঃ

॥ 26 ॥

শ্লোক 31

ধাত্রীকরসমালম্বী প্রস্খলচ্চিত্রচঙ্ক্রমঃ ।

অনুরূপবযস্যাঢ্যশ্চারুকৌমারচাপলঃ

॥ 27 ॥

শ্লোক 32

বত্সপুচ্ছসমাকৃষ্টো বত্সপুচ্ছবিকর্ষণঃ ।

বিস্মারিতান্যব্যাপারো গোপগোপীমুদাবহঃ

॥ 28 ॥

শ্লোক 33

অকালবত্সনির্মোক্তা ব্রজব্যাক্রোশসুস্মিতঃ ।

নবনীতমহাচোরো দারকাহারদাযকঃ

॥ 29 ॥

শ্লোক 34

পীঠোলূখলসোপানঃ ক্ষীরভাণ্ডবিভেদনঃ ।

শিক্যভাণ্ডসমাকর্ষী ধ্বান্তাগারপ্রবেশকৃত্

॥ 30 ॥

শ্লোক 35

ভূষারত্নপ্রকাশাঢ্যো গোপ্যুপালম্ভভর্ত্সিতঃ ।

পরাগধূসরাকারো মৃদ্ভক্ষণকৃতেক্ষণঃ

॥ 31 ॥

শ্লোক 36

বালোক্তমৃত্কথারম্ভো মিত্রান্তর্গূঢবিগ্রহঃ ।

কৃতসন্ত্রাসলোলাক্ষো জননীপ্রত্যযাবহঃ

॥ 32 ॥

শ্লোক 37

মাতৃদৃশ্যাত্তবদনো বক্ত্রলক্ষ্যচরাচরঃ ।

যশোদালালিতস্বাত্মা স্বযং স্বাচ্ছন্দ্যমোহনঃ

॥ 33॥

শ্লোক 38

সবিত্রীস্নেহসংশ্লিষ্টঃ সবিত্রীস্তনলোলুপঃ ।

নবনীতার্থনাপ্রহ্বো নবনীতমহাশনঃ

॥ 34 ॥

শ্লোক 39

মৃষাকোপপ্রকম্পোষ্ঠো গোষ্ঠাঙ্গণবিলোকনঃ ।

দধিমন্থঘটীভেত্তা কিঙ্কিণীক্বাণসূচিতঃ

॥ 35 ॥

শ্লোক 40

হৈযঙ্গবীনরসিকো মৃষাশ্রুশ্চৌর্যশঙ্কিতঃ ।

জননীশ্রমবিজ্ঞাতা দামবন্ধনিযন্ত্রিতঃ

॥ 36 ॥

শ্লোক 41

দামাকল্পশ্চলাপাঙ্গো গাঢোলূখলবন্ধনঃ ।

আকৃষ্টোলূখলোঽনন্তঃ কুবেরসুতশাপবিত্ ॥ । 38 ॥

নারদোক্তিপরামর্শী যমলার্জুনভঞ্জনঃ ।

ধনদাত্মজসঙ্ঘুষ্টো নন্দমোচিতবন্ধনঃ

॥ 37 ॥

শ্লোক 42

বালকোদ্গীতনিরতো বাহুক্ষেপোদিতপ্রিযঃ ।

আত্মজ্ঞো মিত্রবশগো গোপীগীতগুণোদযঃ

॥ 39 ॥

শ্লোক 43

প্রস্থানশকটারূঢো বৃন্দাবনকৃতালযঃ ।

গোবত্সপালনৈকাগ্রো নানাক্রীডাপরিচ্ছদঃ

॥ 40 ॥

শ্লোক 44

ক্ষেপণীক্ষেপণপ্রীতো বেণুবাদ্যবিশারদঃ ।

বৃষবত্সানুকরণো বৃষধ্বানবিডম্বনঃ

॥ 41 ॥

শ্লোক 45

নিযুদ্ধলীলাসংহৃষ্টঃ কূজানুকৃতকোকিলঃ ।

উপাত্তহংসগমনস্সর্বজন্তুরুতানুকৃত্

॥ 42 ॥

শ্লোক 46

ভৃঙ্গানুকারী দধ্যন্নচোরো বত্সপুরস্সরঃ ।

বলী বকাসুরগ্রাহী বকতালুপ্রদাহকঃ

॥ 43 ॥

শ্লোক 47

ভীতগোপার্ভকাহূতো বকচঞ্চুবিদারণঃ ।

বকাসুরারির্গোপালো বালো বালাদ্ভুতাবহঃ

॥ 44 ॥

শ্লোক 48

বলভদ্রসমাশ্লিষ্টঃ কৃতক্রীডানিলাযনঃ ।

ক্রীডাসেতুনিধানজ্ঞঃ প্লবঙ্গোত্প্লবনোঽদ্ভুতঃ

॥ 45 ॥

শ্লোক 49

কন্দুকক্রীডনো লুপ্তনন্দাদিভববেদনঃ ।

সুমনোঽলঙ্কৃতশিরাঃ স্বাদুস্নিগ্ধান্নশিক্যভৃত্

॥ 46 ॥

শ্লোক 50

গুঞ্জাপ্রালম্বনচ্ছন্নঃ পিঞ্ছৈরলকবেষকৃত্ ।

বন্যাশনপ্রিযঃ শৃঙ্গরবাকারিতবত্সকঃ

॥ 47 ॥

শ্লোক 51

মনোজ্ঞপল্লবোত্তংসপুষ্পস্বেচ্ছাত্তষট্পদঃ ।

মঞ্জুশিঞ্জিতমঞ্জীরচরণঃ করকঙ্কণঃ

॥ 48 ॥

শ্লোক 52

অন্যোন্যশাসনঃ ক্রীডাপটুঃ পরমকৈতবঃ ।

প্রতিধ্বানপ্রমুদিতঃ শাখাচতুরচঙ্ক্রমঃ

॥ 49 ॥

শ্লোক 53

অঘদানবসংহর্তা ব্রজবিঘ্নবিনাশনঃ ।

ব্রজসঞ্জীবনঃ শ্রেযোনিধির্দানবমুক্তিদঃ

॥ 50 ॥

শ্লোক 54

কালিন্দীপুলিনাসীনস্সহভুক্তব্রজার্ভকঃ ।

কক্ষাজঠরবিন্যস্তবেণুর্বল্লবচেষ্টিতঃ

॥ 51 ॥

শ্লোক 55

ভুজসন্ধ্যন্তরন্যস্তশৃঙ্গবেত্রঃ শুচিস্মিতঃ ।

বামপাণিস্থদধ্যন্নকবলঃ কলভাষণঃ

॥ 52 ॥

শ্লোক 56

অঙ্গুল্যন্তরবিন্যস্তফলঃ পরমপাবনঃ ।

অদৃশ্যতর্ণকান্বেষী বল্লবার্ভকভীতিহা

॥ 53 ॥

শ্লোক 57

অদৃষ্টবত্সপব্রাতো ব্রহ্মবিজ্ঞাতবৈভবঃ ।

গোবত্সবত্সপান্বেষী বিরাট্-পুরুষবিগ্রহঃ

॥ 54 ॥

শ্লোক 58

স্বসঙ্কল্পানুরূপার্থো বত্সবত্সপরূপধৃক্ ।

যথাবত্সক্রিযারূপো যথাস্থাননিবেশনঃ

॥ 55 ॥

শ্লোক 59

যথাব্রজার্ভকাকারো গোগোপীস্তন্যপস্সুখী ।

চিরাদ্বলোহিতো দান্তো ব্রহ্মবিজ্ঞাতবৈভবঃ

॥ 56 ॥

শ্লোক 60

বিচিত্রশক্তির্ব্যালীনসৃষ্টগোবত্সবত্সপঃ ।

ব্রহ্মত্রপাকরো ধাতৃস্তুতস্সর্বার্থসাধকঃ

॥ 57 ॥

শ্লোক 61

ব্রহ্ম ব্রহ্মমযোঽব্যক্তস্তেজোরূপস্সুখাত্মকঃ ।

নিরুক্তং ব্যাকৃতির্ব্যক্তো নিরালম্বনভাবনঃ

॥ 58 ॥

শ্লোক 62

প্রভবিষ্ণুরতন্ত্রীকো দেবপক্ষার্থরূপধৃক্ ।

অকামস্সর্ববেদাদিরণীযস্থূলরূপবান্

॥ 59 ॥

শ্লোক 63

ব্যাপী ব্যাপ্যঃ কৃপাকর্তা বিচিত্রাচারসম্মতঃ ।

ছন্দোমযঃ প্রধানাত্মা মূর্তামূর্তিদ্বযাকৃতিঃ

॥ 60 ॥

শ্লোক 64

অনেকমূর্তিরক্রোধঃ পরঃ প্রকৃতিরক্রমঃ ।

সকলাবরণোপেতস্সর্বদেবো মহেশ্বরঃ

॥ 61 ॥

শ্লোক 65

মহাপ্রভাবনঃ পূর্ববত্সবত্সপদর্শকঃ ।

কৃষ্ণযাদবগোপালো গোপালোকনহর্ষিতঃ

॥ 62 ॥

শ্লোক 66

স্মিতেক্ষাহর্ষিতব্রহ্মা ভক্তবত্সলবাক্প্রিযঃ ।

ব্রহ্মানন্দাশ্রুধৌতাঙ্ঘ্রির্লীলাবৈচিত্র্যকোবিদঃ

॥ 63 ॥

শ্লোক 67

বলভদ্রৈকহৃদযো নামাকারিতগোকুলঃ ।

গোপালবালকো ভব্যো রজ্জুযজ্ঞোপবীতবান্

॥ 64 ॥

শ্লোক 68

বৃক্ষচ্ছাযাহতাশান্তির্গোপোত্সঙ্গোপবর্হণঃ ।

গোপসংবাহিতপদো গোপব্যজনবীজিতঃ ॥ 66।

গোপগানসুখোন্নিদ্রঃ শ্রীদামার্জিতসৌহৃদঃ ।

সুনন্দসুহৃদেকাত্মা সুবলপ্রাণরঞ্জনঃ

॥ 65 ॥

শ্লোক 69

তালীবনকৃতক্রীডো বলপাতিতধেনুকঃ ।

গোপীসৌভাগ্যসম্ভাব্যো গোধূলিচ্ছুরিতালকঃ

॥ 67 ॥

শ্লোক 70

গোপীবিরহসন্তপ্তো গোপিকাকৃতমজ্জনঃ ।

প্রলম্ববাহুরুত্ফুল্লপুণ্ডরীকাবতংসকঃ

॥ 68 ॥

শ্লোক 71

বিলাসললিতস্মেরগর্ভলীলাবলোকনঃ ।

স্রগ্ভূষণানুলেপাঢ্যো জনন্যুপহৃতান্নভুক্

॥ 69 ॥

শ্লোক 72

বরশয্যাশযো রাধাপ্রেমসল্লাপনির্বৃতঃ ।

যমুনাতটসঞ্চারী বিষার্তব্রজহর্ষদঃ

॥ 70 ॥

শ্লোক 73

কালিযক্রোধজনকঃ বৃদ্ধাহিকুলবেষ্টিতঃ ।

কালিযাহিফণারঙ্গনটঃ কালিযমর্দনঃ

॥ 71 ॥

শ্লোক 74

নাগপত্নীস্তুতিপ্রীতো নানাবেষসমৃদ্ধিকৃত্ ।

অবিষ্বক্তদৃগাত্মেশঃ স্বদৃগাত্মস্তুতিপ্রিযঃ

॥ 72 ॥

শ্লোক 75

সর্বেশ্বরস্সর্বগুণঃ প্রসিদ্ধস্সর্বসাত্বতঃ ।

অকুণ্ঠধামা চন্দ্রার্কদৃষ্টিরাকাশনির্মলঃ

॥ 73 ॥

শ্লোক 76

অনির্দেশ্যগতির্নাগবনিতাপতিভৈক্ষদঃ ।

স্বাঙ্ঘ্রিমুদ্রাঙ্কনাগেন্দ্রমূর্ধা কালিযসংস্তুতঃ

॥ 74 ॥

শ্লোক 77

অভযো বিশ্বতশ্চক্ষুঃ স্তুতোত্তমগুণঃ প্রভুঃ ।

অহমাত্মা মরুত্প্রাণঃ পরমাত্মা দ্যুশীর্ষবান্

॥ 75 ॥

শ্লোক 78

নাগোপাযনহৃষ্টাত্মা হ্রদোত্সারিতকালিযঃ ।

বলভদ্রসুখালাপো গোপালিঙ্গননির্বৃতঃ

॥ 76 ॥

শ্লোক 79

দাবাগ্নিভীতগোপালগোপ্তা দাবাগ্নিনাশনঃ ।

নযনাচ্ছাদনক্রীডালম্পটো নৃপচেষ্টিতঃ

॥ 77 ॥

শ্লোক 80

কাকপক্ষধরস্সৌম্যো বলবাহককেলিমান্ ।

বলঘাতিতদুর্ধর্ষপ্রলম্বো বলবত্সলঃ

॥ 78 ॥

শ্লোক 81

মুঞ্জাটব্যগ্নিশমনঃ প্রাবৃট্কালবিনোদবান্ ।

শিলান্যস্তান্নভৃদ্দৈত্যসংহর্তা শাদ্বলাসনঃ

॥ 79 ॥

শ্লোক 82

সদাপ্তগোপিকোদ্গীতঃ কর্ণিকারাবতংসকঃ ।

নটবেষধরঃ পদ্মমালাঙ্কো গোপিকাবৃতঃ

॥ 80 ॥

শ্লোক 83

গোপীমনোহরাপাঙ্গো বেণুবাদনতত্পরঃ ।

বিন্যস্তবদনাম্ভোজশ্চারুশব্দকৃতাননঃ

॥ 81 ॥

শ্লোক 84

বিম্বাধরার্পিতোদারবেণুর্বিশ্ববিমোহনঃ ।

ব্রজসংবর্ণিতশ্রাব্যবেণুনাদঃ শ্রুতিপ্রিযঃ

॥ 82 ॥

শ্লোক 85

গোগোপগোপীজন্মেপ্সুর্ব্রহ্মেন্দ্রাদ্যভিবন্দিতঃ ।

গীতস্নুতিসরিত্পূরো নাদনর্তিতবর্হিণঃ

॥ 83 ॥

শ্লোক 86

রাগপল্লবিতস্থাণুর্গীতানমিতপাদপঃ ।

বিস্মারিততৃণগ্রাসমৃগো মৃগবিলোভিতঃ

॥ 84 ॥

শ্লোক 87

ব্যাঘ্রাদিহিংস্রসহজবৈরহর্তা সুগাযনঃ ।

গাঢোদীরিতগোবৃন্দপ্রেমোত্কর্ণিততর্ণকঃ

॥ 85 ॥

শ্লোক 88

নিষ্পন্দযানব্রহ্মাদিবীক্ষিতো বিশ্ববন্দিতঃ ।

শাখোত্কর্ণশকুন্তৌঘশ্ছত্রাযিতবলাহকঃ

॥ 86 ॥

শ্লোক 89

প্রসন্নঃ পরমানন্দশ্চিত্রাযিতচরাচরঃ ।

গোপিকামদনো গোপীকুচকুঙ্কুমমুদ্রিতঃ

॥ 87 ॥

শ্লোক 90

গোপিকন্যাজলক্রীডাহৃষ্টো গোপ্যংশুকাপহৃত্ ।

স্কন্ধারোপিতগোপস্ত্রীবাসাঃ কুন্দনিভস্মিতঃ

॥ 88 ॥

শ্লোক 91

গোপীনেত্রোত্পলশশী গোপিকাযাচিতাংশুকঃ ।

গোপীনমস্ক্রিযাদেষ্টা গোপ্যেককরবন্দিতঃ

॥ 89 ॥

শ্লোক 92

গোপ্যঞ্জলিবিশেষার্থী গোপক্রীডাবিলোভিতঃ ।

শান্তবাসস্ফুরদ্গোপীকৃতাঞ্জলিরঘাপহঃ

॥ 90 ॥

শ্লোক 93

গোপীকেলিবিলাসার্থী গোপীসম্পূর্ণকামদঃ ।

গোপস্ত্রীবস্ত্রদো গোপীচিত্তচোরঃ কুতূহলী

॥ 91 ॥

শ্লোক 94

বৃন্দাবনপ্রিযো গোপবন্ধুর্যজ্বান্নযাচিতা ।

যজ্ঞেশো যজ্ঞভাবজ্ঞো যজ্ঞপত্ন্যভিবাঞ্ছিতঃ

॥ 92 ॥

শ্লোক 95

মুনিপত্নীবিতীর্ণান্নতৃপ্তো মুনিবধূপ্রিযঃ ।

দ্বিজপত্ন্যভিভাবজ্ঞো দ্বিজপত্নীবরপ্রদঃ

॥ 93 ॥

শ্লোক 96

প্রতিরুদ্ধসতীমোক্ষপ্রদো দ্বিজবিমোহিতা ।

মুনিজ্ঞানপ্রদো যজ্বস্তুতো বাসবযাগবিত্

॥ 94 ॥

শ্লোক 97

পিতৃপ্রোক্তক্রিযারূপশক্রযাগনিবারণঃ ।

শক্রাঽমর্ষকরশ্শক্রবৃষ্টিপ্রশমনোন্মুখঃ

॥ 95 ॥

শ্লোক 98

গোবর্ধনধরো গোপগোবৃন্দত্রাণতত্পরঃ ।

গোবর্ধনগিরিচ্ছত্রচণ্ডদণ্ডভুজার্গলঃ

॥ 96 ॥

শ্লোক 99

সপ্তাহবিধৃতাদ্রীন্দ্রো মেঘবাহনগর্বহা ।

ভুজাগ্রোপরিবিন্যস্তক্ষ্মাধরক্ষ্মাভৃদচ্যুতঃ

॥ 97 ॥

শ্লোক 100

স্বস্থানস্থাপিতগিরির্গোপীদধ্যক্ষতার্চিতঃ ।

সুমনস্সুমনোবৃষ্টিহৃষ্টো বাসববন্দিতঃ

॥ 98 ॥

শ্লোক 101

কামধেনুপযঃপূরাভিষিক্তস্সুরভিস্তুতঃ ।

ধরাঙ্ঘ্রিরোষধীরোমা ধর্মগোপ্তা মনোমযঃ

॥ 99 ॥

শ্লোক 102

জ্ঞানযজ্ঞপ্রিযশ্শাস্ত্রনেত্রস্সর্বার্থসারথিঃ ।

ঐরাবতকরানীতবিযদ্গঙ্গাপ্লুতো বিভুঃ

॥ 100 ॥

শ্লোক 103

ব্রহ্মাভিষিক্তো গোগোপ্তা সর্বলোকশুভঙ্করঃ ।

সর্ববেদমযো মগ্ননন্দান্বেষিপিতৃপ্রিযঃ

॥ 101 ॥

শ্লোক 104

বরুণোদীরিতাত্মেক্ষাকৌতুকো বরুণার্চিতঃ ।

বরুণানীতজনকো গোপজ্ঞাতাত্মবৈভবঃ

॥ 102 ॥

শ্লোক 105

স্বর্লোকালোকসংহৃষ্টগোপবর্গত্রিবর্গদঃ ।

ব্রহ্মহৃদ্গোপিতো গোপদ্রষ্টা ব্রহ্মপদপ্রদঃ

॥ 103 ॥

শ্লোক 106

শরচ্চন্দ্রবিহারোত্কঃ শ্রীপতির্বশকো ক্ষমঃ ।

ভযাপহো ভর্তৃরুদ্ধগোপিকাধ্যানগোচরঃ

॥ 104 ॥

শ্লোক 107

গোপিকানযনাস্বাদ্যো গোপীনর্মোক্তিনির্বৃতঃ ।

গোপিকামানহরণো গোপিকাশতযূথপঃ

॥ 105 ॥

শ্লোক 108

বৈজযন্তীস্রগাকল্পো গোপিকামানবর্ধনঃ ।

গোপকান্তাসুনির্দেষ্টা কান্তো মন্মথমন্মথঃ

॥ 106 ॥

শ্লোক 109

স্বাত্মাস্যদত্ততাম্বূলঃ ফলিতোত্কৃষ্টযৌবনঃ ।

বল্লবীস্তনসক্তাক্ষো বল্লবীপ্রেমচালিতঃ

॥ 107 ॥

শ্লোক 110

গোপীচেলাঞ্চলাসীনো গোপীনেত্রাব্জষট্পদঃ ।

রাসক্রীডাসমাসক্তো গোপীমণ্ডলমণ্ডনঃ

॥ 108 ॥

শ্লোক 111

গোপীহেমমণিশ্রেণিমধ্যেন্দ্রমণিরুজ্জ্বলঃ ।

বিদ্যাধরেন্দুশাপঘ্নশ্শঙ্খচূডশিরোহরঃ

॥ 109 ॥

শ্লোক 112

শঙ্খচূডশিরোরত্নসম্প্রীণিতবলোঽনঘঃ ।

অরিষ্টারিষ্টকৃদ্দুষ্টকেশিদৈত্যনিষূদনঃ

॥ 110 ॥

শ্লোক 113

সরসস্সস্মিতমুখস্সুস্থিরো বিরহাকুলঃ ।

সঙ্কর্ষণার্পিতপ্রীতিরক্রূরধ্যানগোচরঃ

॥ 111 ॥

শ্লোক 114

অক্রূরসংস্তুতো গূঢো গুণবৃত্যুপলক্ষিতঃ ।

প্রমাণগম্যস্তন্মাত্রাঽবযবী বুদ্ধিতত্পরঃ

॥ 112 ॥

শ্লোক 115

সর্বপ্রমাণপ্রমধীস্সর্বপ্রত্যযসাধকঃ ।

পুরুষশ্চ প্রধানাত্মা বিপর্যাসবিলোচনঃ

॥ 113 ॥

শ্লোক 116

মধুরাজনসংবীক্ষ্যো রজকপ্রতিঘাতকঃ ।

বিচিত্রাম্বরসংবীতো মালাকারবরপ্রদঃ

॥ 114 ॥

শ্লোক 117

কুব্জাবক্রত্বনির্মোক্তা কুব্জাযৌবনদাযকঃ ।

কুব্জাঙ্গরাগসুরভিঃ কংসকোদণ্ডখণ্ডনঃ

॥ 115 ॥

শ্লোক 118

ধীরঃ কুবলযাপীডমর্দনঃ কংসভীতিকৃত্ ।

দন্তিদন্তাযুধো রঙ্গত্রাসকো মল্লযুদ্ধবিত্

॥ 116 ॥

শ্লোক 119

চাণূরহন্তা কংসারির্দেবকীহর্ষদাযকঃ ।

বসুদেবপদানম্রঃ পিতৃবন্ধবিমোচনঃ

॥ 117 ॥

শ্লোক 120

উর্বীভযাপহো ভূপ উগ্রসেনাধিপত্যদঃ ।

আজ্ঞাস্থিতশচীনাথস্সুধর্মানযনক্ষমঃ

॥ 118 ॥

শ্লোক 121

আদ্যো দ্বিজাতিসত্কর্তা শিষ্টাচারপ্রদর্শকঃ ।

সান্দীপনিকৃতাভ্যস্তবিদ্যাভ্যাসৈকধীস্সুধীঃ

॥ 119 ॥

শ্লোক 122

গুর্বভীষ্টক্রিযাদক্ষঃ পশ্চিমোদধিপূজিতঃ ।

হতপঞ্চজনপ্রাপ্তপাঞ্চজন্যো যমার্চিতঃ

॥ 120 ॥

শ্লোক 123

ধর্মরাজজযানীতগুরুপুত্র উরুক্রমঃ ।

গুরুপুত্রপ্রদশ্শাস্তা মধুরাজসভাসদঃ

॥ 121 ॥

শ্লোক 124

জামদগ্ন্যসমভ্যর্চ্যো গোমন্তগিরিসঞ্চরঃ ।

গোমন্তদাবশমনো গরুডানীতভূষণঃ

॥ 122 ॥

শ্লোক 125

চক্রাদ্যাযুধসংশোভী জরাসন্ধমদাপহঃ ।

সৃগালাবনিপালঘ্নস্সৃগালাত্মজরাজ্যদঃ

॥ 123 ॥

শ্লোক 126

বিধ্বস্তকালযবনো মুচুকুন্দবরপ্রদঃ ।

আজ্ঞাপিতমহাম্ভোধির্দ্বারকাপুরকল্পনঃ

॥ 124 ॥

শ্লোক 127

দ্বারকানিলযো রুক্মিমানহন্তা যদূদ্বহঃ ।

রুচিরো রুক্মিণীজানিঃ প্রদ্যুম্নজনকঃ প্রভুঃ

॥ 125 ॥

শ্লোক 128

অপাকৃতত্রিলোকার্তিরনিরুদ্ধপিতামহঃ ।

অনিরুদ্ধপদান্বেষী চক্রী গরুডবাহনঃ

॥ 126 ॥

শ্লোক 129

বাণাসুরপুরীরোদ্ধা রক্ষাজ্বলনযন্ত্রজিত্ ।

ধূতপ্রমথসংরম্ভো জিতমাহেশ্বরজ্বরঃ

॥ 127 ॥

শ্লোক 130

ষট্চক্রশক্তিনির্জেতা ভূতবেতালমোহকৃত্ ।

শম্ভুত্রিশূলজিচ্ছম্ভুজৃম্ভণশ্শম্ভুসংস্তুতঃ

॥ 128 ॥

শ্লোক 131

ইন্দ্রিযাত্মেন্দুহৃদযস্সর্বযোগেশ্বরেশ্বরঃ ।

হিরণ্যগর্ভহৃদযো মোহাবর্তনিবর্তনঃ

॥ 129 ॥

শ্লোক 132

আত্মজ্ঞাননিধির্মেধা কোশস্তন্মাত্ররূপবান্ ।

ইন্দ্রোঽগ্নিবদনঃ কালনাভস্সর্বাগমাধ্বগঃ

॥ 130 ॥

শ্লোক 133

তুরীযসর্বধীসাক্ষী দ্বন্দ্বারামাত্মদূরগঃ ।

অজ্ঞাতপারো বশ্যশ্রীরব্যাকৃতবিহারবান্

॥ 131 ॥

শ্লোক 134

আত্মপ্রদীপো বিজ্ঞানমাত্রাত্মা শ্রীনিকেতনঃ ।

বাণবাহুবনচ্ছেত্তা মহেন্দ্রপ্রীতিবর্ধনঃ

॥ 132 ॥

শ্লোক 135

অনিরুদ্ধনিরোধজ্ঞো জলেশাহৃতগোকুলঃ ।

জলেশবিজযী বীরস্সত্রাজিদ্রত্নযাচকঃ

॥ 133 ॥

শ্লোক 136

প্রসেনান্বেষণোদ্যুক্তো জাম্ববদ্ধৃতরত্নদঃ ।

জিতর্ক্ষরাজতনযাহর্তা জাম্ববতীপ্রিযঃ

॥ 134 ॥

শ্লোক 137

সত্যভামাপ্রিযঃ কামশ্শতধন্বশিরোহরঃ ।

কালিন্দীপতিরক্রূরবন্ধুরক্রূররত্নদঃ

॥ 135 ॥

শ্লোক 138

কৈকেযীরমণো ভদ্রাভর্তা নাগ্নজিতীধবঃ ।

মাদ্রীমনোহরশ্শৈব্যাপ্রাণবন্ধুরুরুক্রমঃ

॥ 136 ॥

শ্লোক 139

সুশীলাদযিতো মিত্রবিন্দানেত্রমহোত্সবঃ ।

লক্ষ্মণাবল্লভো রুদ্ধপ্রাগ্জ্যোতিষমহাপুরঃ

॥ 137 ॥

শ্লোক 140

সুরপাশাবৃতিচ্ছেদী মুরারিঃ ক্রূরযুদ্ধবিত্ ।

হযগ্রীবশিরোহর্তা সর্বাত্মা সর্বদর্শনঃ

॥ 138 ॥

শ্লোক 141

নরকাসুরবিচ্ছেত্তা নরকাত্মজরাজ্যদঃ।

পৃথ্বীস্তুতঃ প্রকাশাত্মা হৃদ্যো যজ্ঞফলপ্রদঃ

॥ 139 ॥

শ্লোক 142

গুণগ্রাহী গুণদ্রষ্টা গূঢস্বাত্মা বিভূতিমান্ ।

কবির্জগদুপদ্রষ্টা পরমাক্ষরবিগ্রহঃ

॥ 140 ॥

শ্লোক 143

প্রপন্নপালনো মালী মহদ্ব্রহ্মবিবর্ধনঃ ।

বাচ্যবাচকশক্ত্যর্থস্সর্বব্যাকৃতসিদ্ধিদঃ

॥ 141 ॥

শ্লোক 144

স্বযম্প্রভুরনির্বেদ্যস্স্বপ্রকাশশ্চিরন্তনঃ ।

নাদাত্মা মন্ত্রকোটীশো নানাবাদনিরোধকঃ

॥ 142 ॥

শ্লোক 145

কন্দর্পকোটিলাবণ্যঃ পরার্থৈকপ্রযোজকঃ ।

অমরীকৃতদেবৌঘঃ কন্যকাবন্ধমোচনঃ

॥ 143 ॥

শ্লোক 146

ষোডশস্ত্রীসহস্রেশঃ কান্তঃ কান্তামনোভবঃ ।

ক্রীডারত্নাচলাহর্তা বরুণচ্ছত্রশোভিতঃ

॥ 144 ॥

শ্লোক 147

শক্রাভিবন্দিতশ্শক্রজননীকুণ্ডলপ্রদঃ ।

অদিতিপ্রস্তুতস্তোত্রো ব্রাহ্মণোদ্ঘুষ্টচেষ্টনঃ

॥ 145 ॥

শ্লোক 148

পুরাণস্সংযমী জন্মালিপ্তঃ ষড্বিংশকোঽর্থদঃ ।

যশস্যনীতিরাদ্যন্তরহিতস্সত্কথাপ্রিযঃ

॥ 146 ॥

শ্লোক 149

ব্রহ্মবোধঃ পরানন্দঃ পারিজাতাপহারকঃ ।

পৌণ্ড্রকপ্রাণহরণঃ কাশিরাজনিষূদনঃ

॥ 147 ॥

শ্লোক 150

কৃত্যাগর্বপ্রশমনো বিচক্রবধদীক্ষিতঃ ।

কংসবিধ্বংসনস্সাম্বজনকো ডিম্ভকার্দনঃ

॥ 148 ॥

শ্লোক 151

মুনির্গোপ্তা পিতৃবরপ্রদস্সবনদীক্ষিতঃ ।

রথী সারথ্যনির্দেষ্টা ফাল্গুনঃ ফাল্গুনিপ্রিযঃ

॥ 149 ॥

শ্লোক 152

সপ্তাব্ধিস্তম্ভনোদ্ভাতো হরিস্সপ্তাব্ধিভেদনঃ ।

আত্মপ্রকাশঃ পূর্ণশ্রীরাদিনারাযণেক্ষিতঃ

॥ 150 ॥

শ্লোক 153

বিপ্রপুত্রপ্রদশ্চৈব সর্বমাতৃসুতপ্রদঃ ।

পার্থবিস্মযকৃত্পার্থপ্রণবার্থপ্রবোধনঃ

॥ 151 ॥

শ্লোক 154

কৈলাসযাত্রাসুমুখো বদর্যাশ্রমভূষণঃ ।

ঘণ্টাকর্ণক্রিযামৌঢ্যাত্তোষিতো ভক্তবত্সলঃ

॥ 152 ॥

শ্লোক 155

মুনিবৃন্দাদিভির্ধ্যেযো ঘণ্টাকর্ণবরপ্রদঃ ।

তপশ্চর্যাপরশ্চীরবাসাঃ পিঙ্গজটাধরঃ

॥ 153 ॥

শ্লোক 156

প্রত্যক্ষীকৃতভূতেশশ্শিবস্তোতা শিবস্তুতঃ ।

কৃষ্ণাস্বযংবরালোককৌতুকী সর্বসম্মতঃ

॥ 154 ॥

শ্লোক 157

বলসংরম্ভশমনো বলদর্শিতপাণ্ডবঃ ।

যতিবেষার্জুনাভীষ্টদাযী সর্বাত্মগোচরঃ

॥ 155 ॥

শ্লোক 158

সুভদ্রাফাল্গুনোদ্বাহকর্তা প্রীণিতফাল্গুনঃ ।

খাণ্ডবপ্রীণিতার্চিষ্মান্মযদানবমোচনঃ

॥ 156 ॥

শ্লোক 159

সুলভো রাজসূযার্হযুধিষ্ঠিরনিযোজকঃ ।

ভীমার্দিতজরাসন্ধো মাগধাত্মজরাজ্যদঃ

॥ 157 ॥

শ্লোক 160

রাজবন্ধননির্মোক্তা রাজসূযাগ্রপূজনঃ ।

চৈদ্যাদ্যসহনো ভীষ্মস্তুতস্সাত্বতপূর্বজঃ

॥ 158 ॥

শ্লোক 161

সর্বাত্মার্থসমাহর্তা মন্দরাচলধারকঃ ।

যজ্ঞাবতারঃ প্রহ্লাদপ্রতিজ্ঞাপ্রতিপালকঃ

॥ 159 ॥

শ্লোক 162

বলিযজ্ঞসভাধ্বংসী দৃপ্তক্ষত্রকুলান্তকঃ ।

দশগ্রীবান্তকো জেতা রেবতীপ্রেমবল্লভঃ

॥ 160 ॥

শ্লোক 163

সর্বাবতারাধিষ্ঠাতা বেদবাহ্যবিমোহনঃ ।

কলিদোষনিরাকর্তা দশনামা দৃঢব্রতঃ

॥ 161 ॥

শ্লোক 164

অমেযাত্মা জগত্স্বামী বাগ্মী চৈদ্যশিরোহরঃ ।

দ্রৌপদীরচিতস্তোত্রঃ কেশবঃ পুরুষোত্তমঃ

॥ 162 ॥

শ্লোক 165

নারাযণো মধুপতির্মাধবো দোষবর্জিতঃ ।

গোবিন্দঃ পুণ্ডরীকাক্ষো বিষ্ণুশ্চ মধুসূদনঃ

॥ 163 ॥

শ্লোক 166

ত্রিবিক্রমস্ত্রিলোকেশো বামনঃ শ্রীধরঃ পুমান্ ।

হৃষীকেশো বাসুদেবঃ পদ্মনাভো মহাহ্রদঃ

॥ 164 ॥

শ্লোক 167

দামোদরশ্চতুর্ব্যূহঃ পাঞ্চালীমানরক্ষণঃ ।

সাল্বঘ্নস্সমরশ্লাঘী দন্তবক্ত্রনিবর্হণঃ

॥ 165 ॥

শ্লোক 168

দামোদরপ্রিযসখা পৃথুকাস্বাদনপ্রিযঃ ॥

ঘৃণী দামোদরঃ শ্রীদো গোপীপুনরবেক্ষকঃ

॥ 166 ॥

শ্লোক 169

গোপিকামুক্তিদো যোগী দুর্বাসস্তৃপ্তিকারকঃ ।

অবিজ্ঞাতব্রজাকীর্ণপাণ্ডবালোকনো জযী

॥ 167 ॥

শ্লোক 170

পার্থসারথ্যনিরতঃ প্রাজ্ঞঃ পাণ্ডবদূত্যকৃত্ ।

বিদুরাতিথ্যসন্তুষ্টঃ কুন্তীসন্তোষদাযকঃ

॥ 168 ॥

শ্লোক 171

সুযোধনতিরস্কর্তা দুর্যোধনবিকারবিত্ ।

বিদুরাভিষ্ঠুতো নিত্যো বার্ষ্ণেযো মঙ্গলাত্মকঃ

॥ 169 ॥

শ্লোক 172

পঞ্চবিংশতিতত্ত্বেশশ্চতুর্বিংশতিদেহভাক্ ।

সর্বানুগ্রাহকস্সর্বদাশার্হসততার্চিতঃ

॥ 170 ॥

শ্লোক 173

অচিন্ত্যো মধুরালাপস্সাধুদর্শী দুরাসদঃ ।

মনুষ্যধর্মানুগতঃ কৌরবেন্দ্রক্ষযেক্ষিতা

॥ 171 ॥

শ্লোক 174

উপেন্দ্রো দানবারাতিরুরুগীতো মহাদ্যুতিঃ ।

ব্রহ্মণ্যদেবঃ শ্রুতিমান্ গোব্রাহ্মণহিতাশযঃ

॥ 172 ॥

শ্লোক 175

বরশীলশ্শিবারম্ভস্সুবিজ্ঞানবিমূর্তিমান্ ।

স্বভাবশুদ্ধস্সন্মিত্রস্সুশরণ্যস্সুলক্ষণঃ

॥ 173 ॥

শ্লোক 176

ধৃতরাষ্ট্রগতৌদৃষ্টিপ্রদঃ কর্ণবিভেদনঃ ।

প্রতোদধৃগ্বিশ্বরূপবিস্মারিতধনঞ্জযঃ

॥ 174 ॥

শ্লোক 177

সামগানপ্রিযো ধর্মধেনুর্বর্ণোত্তমোঽব্যযঃ ।

চতুর্যুগক্রিযাকর্তা বিশ্বরূপপ্রদর্শকঃ

॥ 175 ॥

শ্লোক 178

ব্রহ্মবোধপরিত্রাতপার্থো ভীষ্মার্থচক্রভৃত্ ।

অর্জুনাযাসবিধ্বংসী কালদংষ্ট্রাবিভূষণঃ

॥ 176 ॥

শ্লোক 179

সুজাতানন্তমহিমা স্বপ্নব্যাপারিতার্জুনঃ ।

অকালসন্ধ্যাঘটনশ্চক্রান্তরিতভাস্করঃ

॥ 177 ॥

শ্লোক 180

দুষ্টপ্রমথনঃ পার্থপ্রতিজ্ঞাপরিপালকঃ ।

সিন্ধুরাজশিরঃপাতস্থানবক্তা বিবেকদৃক্

॥ 178 ॥

শ্লোক 181

সুভদ্রাশোকহরণো দ্রোণোত্সেকাদিবিস্মিতঃ ।

পার্থমন্যুনিরাকর্তা পাণ্ডবোত্সবদাযকঃ

॥ 179 ॥

শ্লোক 182

অঙ্গুষ্ঠাক্রান্তকৌন্তেযরথশ্শক্তোঽহিশীর্ষজিত্ ।

কালকোপপ্রশমনো ভীমসেনজযপ্রদঃ

॥ 180 ॥

শ্লোক 183

অশ্বত্থামবধাযাসত্রাতপাণ্ডুসুতঃ কৃতী ।

ইষীকাস্ত্রপ্রশমনো দ্রৌণিরক্ষাবিচক্ষণঃ

॥ 181 ॥

শ্লোক 184

পার্থাপহারিতদ্রৌণিচূডামণিরভঙ্গুরঃ ।

ধৃতরাষ্ট্রপরামৃষ্টভীমপ্রতিকৃতিস্মযঃ

॥ 182 ॥

শ্লোক 185

ভীষ্মবুদ্ধিপ্রদশ্শান্তশ্শরচ্চন্দ্রনিভাননঃ ।

গদাগ্রজন্মা পাঞ্চালীপ্রতিজ্ঞাপরিপালকঃ

॥ 183 ॥

শ্লোক 186

গান্ধারীকোপদৃগ্গুপ্তধর্মসূনুরনামযঃ ।

প্রপন্নার্তিভযচ্ছেত্তা ভীষ্মশল্যব্যধাবহঃ

॥ 184 ॥

শ্লোক 187

শান্তশ্শান্তনবোদীর্ণসর্বধর্মসমাহিতঃ ।

স্মারিতব্রহ্মবিদ্যার্থপ্রীতপার্থো মহাস্ত্রবিত্

॥ 185 ॥

শ্লোক 188

প্রসাদপরমোদারো গাঙ্গেযসুগতিপ্রদঃ ।

বিপক্ষপক্ষক্ষযকৃত্পরীক্ষিত্প্রাণরক্ষণঃ

॥ 186 ॥

শ্লোক 189

জগদ্গুরুর্ধর্মসূনোর্বাজিমেধপ্রবর্তকঃ ।

বিহিতার্থাপ্তসত্কারো মাসকাত্পরিবর্তদঃ

॥ 187 ॥

শ্লোক 190

উত্তঙ্কহর্ষদাত্মীযদিব্যরূপপ্রদর্শকঃ ।

জনকাবগতস্বোক্তভারতস্সর্বভাবনঃ

॥ 188 ॥

শ্লোক 191

অসোঢযাদবোদ্রেকো বিহিতাপ্তাদিপূজনঃ ॥

সমুদ্রস্থাপিতাশ্চর্যমুসলো বৃষ্ণিবাহকঃ

॥ 189 ॥

শ্লোক 192

মুনিশাপাযুধঃ পদ্মাসনাদিত্রিদশার্থিতঃ ।

বৃষ্টিপ্রত্যবহারোত্কস্স্বধামগমনোত্সুকঃ

॥ 190 ॥

শ্লোক 193

প্রভাসালোকনোদ্যুক্তো নানাবিধনিমিত্তকৃত্ ।

সর্বযাদবসংসেব্যস্সর্বোত্কৃষ্টপরিচ্ছদঃ

॥ 191 ॥

শ্লোক 194

বেলাকাননসঞ্চারী বেলানিলহৃতশ্রমঃ ।

কালাত্মা যাদবোঽনন্তস্স্তুতিসন্তুষ্টমানসঃ

॥ 192 ॥

শ্লোক 195

দ্বিজালোকনসন্তুষ্টঃ পুণ্যতীর্থমহোত্সবঃ ।

সত্কারাহ্লাদিতাশেষভূসুরস্সুরবল্লভঃ

॥ 193 ॥

শ্লোক 196

পুণ্যতীর্থাপ্লুতঃ পুণ্যঃ পুণ্যদস্তীর্থপাবনঃ ।

বিপ্রসাত্কৃতগোকোটিশ্শতকোটিসুবর্ণদঃ

॥ 194 ॥

শ্লোক 197

স্বমাযামোহিতাঽশেষবৃষ্ণিবীরো বিশেষবিত্ ।

জলজাযুধনির্দেষ্টা স্বাত্মাবেশিতযাদবঃ

॥ 195 ॥

শ্লোক 198

দেবতাভীষ্টবরদঃ কৃতকৃত্যঃ প্রসন্নধীঃ ।

স্থিরশেষাযুতবলস্সহস্রফণিবীক্ষণঃ

॥ 196 ॥

শ্লোক 199

ব্রহ্মবৃক্ষবরচ্ছাযাসীনঃ পদ্মাসনস্থিতঃ ।

প্রত্যগাত্মা স্বভাবার্থঃ প্রণিধানপরাযণঃ

॥ 197 ॥

শ্লোক 200

ব্যাধেষুবিদ্ধপূজ্যাঙ্ঘ্রির্নিষাদভযমোচনঃ ।

পুলিন্দস্তুতিসন্তুষ্টঃ পুলিন্দসুগতিপ্রদঃ

॥ 198 ॥

শ্লোক 201

দারুকার্পিতপার্থাদিকরণীযোক্তিরীশিতা ।

দিব্যদুন্দুভিসংযুক্তঃ পুষ্পবৃষ্টিপ্রপূজিতঃ

॥ 199 ॥

শ্লোক 202

পুরাণঃ পরমেশানঃ পূর্ণভূমা পরিষ্টুতঃ ।

পতিরাদ্যঃ পরং ব্রহ্ম পরমাত্মা পরাত্পরঃ

॥ 200 ॥

শ্লোক 203

শ্রীপরমাত্মা পরাত্পরঃ ওঁ নমঃ ইতি ।

ফলশ্রুতিঃ –

ইদং সহস্রং কৃষ্ণস্য নাম্নাং সর্বার্থদাযকম্ ।

অনন্তরূপী ভগবান্ ব্যাখ্যাতাদৌ স্বযম্ভুবে

॥ 201 ॥

শ্লোক 204

তেন প্রোক্তং বসিষ্ঠায ততো লব্ধ্বা পরাশরঃ ।

ব্যাসায তেন সম্প্রোক্তং শুকো ব্যাসাদবাপ্তবান্

॥ 202 ॥

শ্লোক 205

তচ্ছিষ্যৈর্বহুভির্ভূমৌ খ্যাপিতং দ্বাপরে যুগে ।

কৃষ্ণাজ্ঞযা হরিহরঃ কলৌ প্রখ্যাপযদ্বিভুঃ

॥ 203 ॥

শ্লোক 206

ইদং পঠতি ভক্ত্যা যঃ শৃণোতি চ সমাহিতঃ ।

স্বসিদ্ধ্যৈ প্রার্থযন্ত্যেনং তীর্থক্ষেত্রাদিদেবতাঃ

॥ 204 ॥

শ্লোক 207

প্রাযশ্চিত্তান্যশেষাণি নালং যানি ব্যপোহিতুম্ ।

তানি পাপানি নশ্যন্তি সকৃদস্য প্রশংসনাত্

॥ 205 ॥

শ্লোক 208

ঋণত্রযবিমুক্তস্য শ্রৌতস্মার্তানুবর্তিনঃ ।

ঋষেস্ত্রিমূর্তিরূপস্য ফলং বিন্দেদিদং পঠন্

॥ 206 ॥

শ্লোক 209

ইদং নামসহস্রং যঃ পঠত্যেতচ্ছৃণোতি চ ।

শিবলিঙ্গসহস্রস্য স প্রতিষ্ঠাফলং লভেত্

॥ 207 ॥

শ্লোক 210

ইদং কিরীটী সঞ্জপ্য জযী পাশুপতাস্ত্রভাক্ ।

কৃষ্ণস্য প্রাণভূতস্সন্ কৃষ্ণং সারথিমাপ্তবান্

॥ 208 ॥

শ্লোক 211

দ্রৌপদ্যা দমযন্ত্যা চ সাবিত্র্যা চ সুশীলযা ।

দুরিতানি জিতান্যেতজ্জপাদাপ্তং চ বাঞ্ছিতম্

॥ 209 ॥

শ্লোক 212

কিমিদং বহুনা শংসন্মানবো মোদনির্ভরঃ ।

ব্রহ্মানন্দমবাপ্যান্তে কৃষ্ণসাযূজ্যমাপ্নুযাত্

॥ 210 ॥

শ্লোক 213