Sri Krishna Krupa Kataksha Stotram

ଶ୍ରୀ କୃଷ୍ଣ କୃପା କଟାକ୍ଷ ସ୍ତୋତ୍ରଂ

ଶ୍ଲୋକ 1

ଶ୍ରୀକୃଷ୍ଣ ପ୍ରାର୍ଥନା

ମୂକଂ କରୋତି ଵାଚାଲଂ ପଙ୍ଗୁ ଲଙ୍ଘଯତେ ଗିରିମ୍।

ଯତ୍କୃପା ତମହଂ ଵନ୍ଦେ ପରମାନନ୍ଦ ମାଧଵମ୍॥

ନାହଂ ଵସାମି ଵୈକୁଣ୍ଠେ ଯୋଗିନାଂ ହୃଦଯେ ନ ଚ।

ମଦ୍ଭକ୍ତା ଯତ୍ର ଗାଯନ୍ତି ତତ୍ର ତିଷ୍ଠାମି ନାରଦ॥

ଅଥ ଶ୍ରୀ କୃଷ୍ଣ କୃପା କଟାକ୍ଷ ସ୍ତୋତ୍ର ॥

ଭଜେ ଵ୍ରଜୈକମଣ୍ଡନଂ ସମସ୍ତପାପଖଣ୍ଡନଂ

ସ୍ଵଭକ୍ତଚିତ୍ତରଞ୍ଜନଂ ସଦୈଵ ନନ୍ଦନନ୍ଦନମ୍ ।

ସୁପିଚ୍ଛଗୁଚ୍ଛମସ୍ତକଂ ସୁନାଦଵେଣୁହସ୍ତକଂ

ଅନଙ୍ଗରଙ୍ଗସାଗରଂ ନମାମି କୃଷ୍ଣନାଗରମ୍ ॥

ମନୋଜଗର୍ଵମୋଚନଂ ଵିଶାଲଲୋଲଲୋଚନଂ

ଵିଧୂତଗୋପଶୋଚନଂ ନମାମି ପଦ୍ମଲୋଚନମ୍ ।

କରାରଵିନ୍ଦଭୂଧରଂ ସ୍ମିତାଵଲୋକସୁନ୍ଦରଂ

ମହେନ୍ଦ୍ରମାନଦାରଣଂ ନମାମି କୃଷ୍ଣ ଵାରଣମ୍ ॥

କଦମ୍ବସୂନକୁଣ୍ଡଲଂ ସୁଚାରୁଗଣ୍ଡମଣ୍ଡଲଂ

ଵ୍ରଜାଙ୍ଗନୈକଵଲ୍ଲଭଂ ନମାମି କୃଷ୍ଣଦୁର୍ଲଭମ୍ ।

ଯଶୋଦଯା ସମୋଦଯା ସଗୋପଯା ସନନ୍ଦଯା

ଯୁତଂ ସୁଖୈକଦାଯକଂ ନମାମି ଗୋପନାଯକମ୍ ॥

ସଦୈଵ ପାଦପଙ୍କଜଂ ମଦୀଯ ମାନସେ ନିଜଂ

ଦଧାନମୁକ୍ତମାଲକଂ ନମାମି ନନ୍ଦବାଲକମ୍ ।

ସମସ୍ତଦୋଷଶୋଷଣଂ ସମସ୍ତଲୋକପୋଷଣଂ

ସମସ୍ତଗୋପମାନସଂ ନମାମି ନନ୍ଦଲାଲସମ୍ ॥

ଭୁଵୋ ଭରାଵତାରକଂ ଭଵାବ୍ଧିକର୍ଣଧାରକଂ

ଯଶୋମତୀକିଶୋରକଂ ନମାମି ଚିତ୍ତଚୋରକମ୍ ।

ଦୃଗନ୍ତକାନ୍ତଭଙ୍ଗିନଂ ସଦା ସଦାଲିସଙ୍ଗିନଂ

ଦିନେ-ଦିନେ ନଵଂ-ନଵଂ ନମାମି ନନ୍ଦସମ୍ଭଵମ୍ ॥

ଗୁଣାକରଂ ସୁଖାକରଂ କୃପାକରଂ କୃପାପରଂ

ସୁରଦ୍ଵିଷନ୍ନିକନ୍ଦନଂ ନମାମି ଗୋପନନ୍ଦନମ୍ ।

ନଵୀନ ଗୋପନାଗରଂ ନଵୀନକେଲି-ଲମ୍ପଟଂ

ନମାମି ମେଘସୁନ୍ଦରଂ ତଡିତ୍ପ୍ରଭାଲସତ୍ପଟମ୍ ॥

ସମସ୍ତ ଗୋପ ମୋହନଂ, ହୃଦମ୍ବୁଜୈକ ମୋଦନଂ

ନମାମିକୁଞ୍ଜମଧ୍ଯଗଂ ପ୍ରସନ୍ନ ଭାନୁଶୋଭନମ୍ ।

ନିକାମକାମଦାଯକଂ ଦୃଗନ୍ତଚାରୁସାଯକଂ

ରସାଲଵେଣୁଗାଯକଂ ନମାମିକୁଞ୍ଜନାଯକମ୍ ॥

ଵିଦଗ୍ଧ ଗୋପିକାମନୋ ମନୋଜ୍ଞତଲ୍ପଶାଯିନଂ

ନମାମି କୁଞ୍ଜକାନନେ ପ୍ରଵୃଦ୍ଧଵହ୍ନିପାଯିନମ୍ ।

କିଶୋରକାନ୍ତି ରଞ୍ଜିତଂ ଦୃଗଞ୍ଜନଂ ସୁଶୋଭିତଂ

ଗଜେନ୍ଦ୍ରମୋକ୍ଷକାରିଣଂ ନମାମି ଶ୍ରୀଵିହାରିଣମ୍ ॥

ଫଲଶୃତି

ଯଦା ତଦା ଯଥା ତଥା ତଥୈଵ କୃଷ୍ଣସତ୍କଥା

ମଯା ସଦୈଵ ଗୀଯତାଂ ତଥା କୃପା ଵିଧୀଯତାମ୍ ।

ପ୍ରମାଣିକାଷ୍ଟକଦ୍ଵଯଂ ଜପତ୍ଯଧୀତ୍ଯ ଯଃ ପୁମାନ୍

ଭଵେତ୍ସ ନନ୍ଦନନ୍ଦନେ ଭଵେ ଭଵେ ସୁଭକ୍ତିମାନ ॥