Sri Krishna Ashtottara Sata Nama Stotram

ශ්රීකෘෂ්ණාෂ්ටෝත්තරශත නාමස්තෝත්රං

ශ්රීගෝපාලකෘෂ්ණාය නමඃ ..

ශ්රීශේෂ උවාච ..

ඕං අස්ය ශ්රීකෘෂ්ණාෂ්ටෝත්තරශතනාමස්තෝත්රස්ය.

ශ්රීශේෂ ඍෂිඃ .. අනුෂ්ටුප් ඡන්දඃ .. ශ්රීකෘෂ්ණෝදේවතා ..

ශ්රීකෘෂ්ණාෂ්ටෝත්තරශතනාමජපේ විනියෝගඃ ..

ඕං ශ්රීකෘෂ්ණඃ කමලානාථෝ වාසුදේවඃ සනාතනඃ .

වසුදේවාත්මජඃ පුණ්යෝ ලීලාමානුෂවිග්රහඃ .. 1 ..

ශ්රීවත්සකෞස්තුභධරෝ යශෝදාවත්සලෝ හරිඃ .

චතුර්භුජාත්තචක්රාසිගදා ශඞ්ඛාද්යුදායුධඃ .. 2 ..

දේවකීනන්දනඃ ශ්රීශෝ නන්දගෝපප්රියාත්මජඃ .

යමුනාවේගසංහාරී බලභද්රප්රියානුජඃ .. 3 ..

පූතනාජීවිතහරඃ ශකටාසුරභඤ්ජනඃ .

නන්දව්රජජනානන්දී සච්චිදානන්දවිග්රහඃ .. 4 ..

නවනීතවිලිප්තාඞ්ගෝ නවනීතනටෝ(අ)නඝඃ .

නවනීතනවාහාරෝ මුචුකුන්දප්රසාදකඃ .. 5 ..

ෂෝඩශස්ත්රී සහස්රේශ ස්රිභඞ්ගි මධුරාකෘතිඃ .

ශුකවාගමෘතාබ්ධීන්දුර්ගෝවින්දෝ ගෝවිදාම්පතිඃ .. 6 ..

වත්සවාටචරෝ(අ)නන්තෝ ධේනුකාසුරභඤ්ජනඃ .

තෘණීකෘතතෘණාවර්තෝ යමලාර්ජුනභඤ්ජනඃ .. 7 ..

උත්තානතාලභේත්තා ච තමාලශ්යාමලාකෘතිඃ .

ගෝපගෝපීශ්වරෝ යෝගී සූර්යකෝටිසමප්රභඃ .. 8 ..

ඉලාපතිඃ පරඤ්ජ්යෝතිර්යාදවේන්ද්රෝ යදූද්වහඃ .

වනමාලී පීතවාසාඃ පාරිජාතාපහාරකඃ .. 9 ..

ගෝවර්ධනාචලෝද්ධර්තා ගෝපාලඃ සර්වපාලකඃ .

අජෝ නිරඤ්ජනඃ කාමජනකඃ කඤ්ජලෝචනඃ .. 10 ..

මධුහා මථුරානාථෝ ද්වාරකානායකෝ බලී .

වෘන්දාවනාන්තසඤ්චාරී තුලසීදාමභූෂණඃ .. 11 ..

ශ්යමන්තකමණේර්හර්තා නරනාරායණාත්මකඃ .

කුබ්ජාකෘෂ්ණාම්බරධරෝ මායී පරමපූරුෂඃ .. 12 ..

මුෂ්ටිකාසුරචාණූරමහායුද්ධවිශාරදඃ .

සංසාරවෛරී කංසාරිර්මුරාරිර්නරකාන්තකඃ .. 13 ..

අනාදිබ්රහ්මචාරී ච කෘෂ්ණාව්යසනකර්ෂකඃ .

ශිශුපාලශිරශ්ඡේත්තා දුර්යෝධනකුලාන්තකඃ .. 14 ..

විදුරාක්රූරවරදෝ විශ්වරූපප්රදර්ශකඃ .

සත්යවාක් සත්යසඞ්කල්පඃ සත්යභාමාරතෝ ජයී .. 15 ..

සුභද්රාපූර්වජෝ විෂ්ණුර්භීෂ්මමුක්තිප්රදායකඃ .

ජගද්ගුරුර්ජගන්නාථෝ වේණුනාදවිශාරදඃ .. 16 ..

වෘෂභාසුරවිධ්වංසී බාණාසුරබලාන්තකඃ .

යුධිෂ්ඨිරප්රතිෂ්ඨාතා බර්හිබර්හාවතංසකඃ .. 17 ..

පාර්ථසාරථිරව්යක්තෝ ගීතාමෘතමහෝදධිඃ .

කාලීයඵණිමාණික්යරඤ්ජිතශ්රීපදාම්බුජඃ .. 18 ..

දාමෝදරෝ යජ්ඤභෝක්තා දානවේන්ද්රවිනාශකඃ .

නාරායණඃ පරම්බ්රහ්ම පන්නගාශනවාහනඃ .. 19 ..

ජලක්රීඩාසමාසක්ත ගෝපීවස්ත්රාපහාරකඃ .

පුණ්යශ්ලෝකස්තීර්ථපාදෝ වේදවේද්යෝ දයානිධිඃ .. 20 ..

සර්වතීර්ථාත්මකඃ සර්වග්රහරුපී පරාත්පරඃ .

ඒවං ශ්රීකෘෂ්ණදේවස්ය නාම්නාමෂ්ටෝත්තරං ශතම් .. 21 ..

කෘෂ්ණනාමාමෘතං නාම පරමානන්දකාරකම් .

අත්යුපද්රවදෝෂඝ්නං පරමායුෂ්යවර්ධනම් .. 22 ..

.. ඉති ශ්රීනාරදපඤ්චරාත්රේ ජ්ඤානාමෘතසාරේ චතුර්ථරාත්රේ උමාමහේශ්වරසංවාදේ

ධරණීශේෂසංවාදේ ශ්රීකෘෂ්ණාෂ්ටෝත්තරශතනාමස්තෝත්රං සම්පූර්ණම් ..