Sri Krishna Ashtottara Sata Nama Stotram

ଶ୍ରୀକୃଷ୍ଣାଷ୍ଟୋତ୍ତରଶତ ନାମସ୍ତୋତ୍ରଂ

ଶ୍ଲୋକ 1

ଶ୍ରୀଗୋପାଲକୃଷ୍ଣାଯ ନମଃ ॥

ଶ୍ରୀଶେଷ ଉଵାଚ ॥

ଓଁ ଅସ୍ଯ ଶ୍ରୀକୃଷ୍ଣାଷ୍ଟୋତ୍ତରଶତନାମସ୍ତୋତ୍ରସ୍ଯ।

ଶ୍ରୀଶେଷ ଋଷିଃ ॥ ଅନୁଷ୍ଟୁପ୍ ଛନ୍ଦଃ ॥ ଶ୍ରୀକୃଷ୍ଣୋଦେଵତା ॥

ଶ୍ରୀକୃଷ୍ଣାଷ୍ଟୋତ୍ତରଶତନାମଜପେ ଵିନିଯୋଗଃ ॥

ଓଁ ଶ୍ରୀକୃଷ୍ଣଃ କମଲାନାଥୋ ଵାସୁଦେଵଃ ସନାତନଃ ।

ଵସୁଦେଵାତ୍ମଜଃ ପୁଣ୍ଯୋ ଲୀଲାମାନୁଷଵିଗ୍ରହଃ

ଶ୍ଲୋକ 2

ଶ୍ରୀଵତ୍ସକୌସ୍ତୁଭଧରୋ ଯଶୋଦାଵତ୍ସଲୋ ହରିଃ ।

ଚତୁର୍ଭୁଜାତ୍ତଚକ୍ରାସିଗଦା ଶଙ୍ଖାଦ୍ଯୁଦାଯୁଧଃ

॥ 1 ॥

ଶ୍ଲୋକ 3

ଦେଵକୀନନ୍ଦନଃ ଶ୍ରୀଶୋ ନନ୍ଦଗୋପପ୍ରିଯାତ୍ମଜଃ ।

ଯମୁନାଵେଗସଂହାରୀ ବଲଭଦ୍ରପ୍ରିଯାନୁଜଃ

॥ 2 ॥

ଶ୍ଲୋକ 4

ପୂତନାଜୀଵିତହରଃ ଶକଟାସୁରଭଞ୍ଜନଃ ।

ନନ୍ଦଵ୍ରଜଜନାନନ୍ଦୀ ସଚ୍ଚିଦାନନ୍ଦଵିଗ୍ରହଃ

॥ 3 ॥

ଶ୍ଲୋକ 5

ନଵନୀତଵିଲିପ୍ତାଙ୍ଗୋ ନଵନୀତନଟୋଽନଘଃ ।

ନଵନୀତନଵାହାରୋ ମୁଚୁକୁନ୍ଦପ୍ରସାଦକଃ

॥ 4 ॥

ଶ୍ଲୋକ 6

ଷୋଡଶସ୍ତ୍ରୀ ସହସ୍ରେଶ ସ୍ରିଭଙ୍ଗି ମଧୁରାକୃତିଃ ।

ଶୁକଵାଗମୃତାବ୍ଧୀନ୍ଦୁର୍ଗୋଵିନ୍ଦୋ ଗୋଵିଦାମ୍ପତିଃ

॥ 5 ॥

ଶ୍ଲୋକ 7

ଵତ୍ସଵାଟଚରୋଽନନ୍ତୋ ଧେନୁକାସୁରଭଞ୍ଜନଃ ।

ତୃଣୀକୃତତୃଣାଵର୍ତୋ ଯମଲାର୍ଜୁନଭଞ୍ଜନଃ

॥ 6 ॥

ଶ୍ଲୋକ 8

ଉତ୍ତାନତାଲଭେତ୍ତା ଚ ତମାଲଶ୍ଯାମଲାକୃତିଃ ।

ଗୋପଗୋପୀଶ୍ଵରୋ ଯୋଗୀ ସୂର୍ଯକୋଟିସମପ୍ରଭଃ

॥ 7 ॥

ଶ୍ଲୋକ 9

ଇଲାପତିଃ ପରଞ୍ଜ୍ଯୋତିର୍ଯାଦଵେନ୍ଦ୍ରୋ ଯଦୂଦ୍ଵହଃ ।

ଵନମାଲୀ ପୀତଵାସାଃ ପାରିଜାତାପହାରକଃ

॥ 8 ॥

ଶ୍ଲୋକ 10

ଗୋଵର୍ଧନାଚଲୋଦ୍ଧର୍ତା ଗୋପାଲଃ ସର୍ଵପାଲକଃ ।

ଅଜୋ ନିରଞ୍ଜନଃ କାମଜନକଃ କଞ୍ଜଲୋଚନଃ

॥ 9 ॥

ଶ୍ଲୋକ 11

ମଧୁହା ମଥୁରାନାଥୋ ଦ୍ଵାରକାନାଯକୋ ବଲୀ ।

ଵୃନ୍ଦାଵନାନ୍ତସଞ୍ଚାରୀ ତୁଲସୀଦାମଭୂଷଣଃ

॥ 10 ॥

ଶ୍ଲୋକ 12

ଶ୍ଯମନ୍ତକମଣେର୍ହର୍ତା ନରନାରାଯଣାତ୍ମକଃ ।

କୁବ୍ଜାକୃଷ୍ଣାମ୍ବରଧରୋ ମାଯୀ ପରମପୂରୁଷଃ

॥ 11 ॥

ଶ୍ଲୋକ 13

ମୁଷ୍ଟିକାସୁରଚାଣୂରମହାଯୁଦ୍ଧଵିଶାରଦଃ ।

ସଂସାରଵୈରୀ କଂସାରିର୍ମୁରାରିର୍ନରକାନ୍ତକଃ

॥ 12 ॥

ଶ୍ଲୋକ 14

ଅନାଦିବ୍ରହ୍ମଚାରୀ ଚ କୃଷ୍ଣାଵ୍ଯସନକର୍ଷକଃ ।

ଶିଶୁପାଲଶିରଶ୍ଛେତ୍ତା ଦୁର୍ଯୋଧନକୁଲାନ୍ତକଃ

॥ 13 ॥

ଶ୍ଲୋକ 15

ଵିଦୁରାକ୍ରୂରଵରଦୋ ଵିଶ୍ଵରୂପପ୍ରଦର୍ଶକଃ ।

ସତ୍ଯଵାକ୍ ସତ୍ଯସଙ୍କଲ୍ପଃ ସତ୍ଯଭାମାରତୋ ଜଯୀ

॥ 14 ॥

ଶ୍ଲୋକ 16

ସୁଭଦ୍ରାପୂର୍ଵଜୋ ଵିଷ୍ଣୁର୍ଭୀଷ୍ମମୁକ୍ତିପ୍ରଦାଯକଃ ।

ଜଗଦ୍ଗୁରୁର୍ଜଗନ୍ନାଥୋ ଵେଣୁନାଦଵିଶାରଦଃ

॥ 15 ॥

ଶ୍ଲୋକ 17

ଵୃଷଭାସୁରଵିଧ୍ଵଂସୀ ବାଣାସୁରବଲାନ୍ତକଃ ।

ଯୁଧିଷ୍ଠିରପ୍ରତିଷ୍ଠାତା ବର୍ହିବର୍ହାଵତଂସକଃ

॥ 16 ॥

ଶ୍ଲୋକ 18

ପାର୍ଥସାରଥିରଵ୍ଯକ୍ତୋ ଗୀତାମୃତମହୋଦଧିଃ ।

କାଲୀଯଫଣିମାଣିକ୍ଯରଞ୍ଜିତଶ୍ରୀପଦାମ୍ବୁଜଃ

॥ 17 ॥

ଶ୍ଲୋକ 19

ଦାମୋଦରୋ ଯଜ୍ଞଭୋକ୍ତା ଦାନଵେନ୍ଦ୍ରଵିନାଶକଃ ।

ନାରାଯଣଃ ପରମ୍ବ୍ରହ୍ମ ପନ୍ନଗାଶନଵାହନଃ

॥ 18 ॥

ଶ୍ଲୋକ 20

ଜଲକ୍ରୀଡାସମାସକ୍ତ ଗୋପୀଵସ୍ତ୍ରାପହାରକଃ ।

ପୁଣ୍ଯଶ୍ଲୋକସ୍ତୀର୍ଥପାଦୋ ଵେଦଵେଦ୍ଯୋ ଦଯାନିଧିଃ

॥ 19 ॥

ଶ୍ଲୋକ 21

ସର୍ଵତୀର୍ଥାତ୍ମକଃ ସର୍ଵଗ୍ରହରୁପୀ ପରାତ୍ପରଃ ।

ଏଵଂ ଶ୍ରୀକୃଷ୍ଣଦେଵସ୍ଯ ନାମ୍ନାମଷ୍ଟୋତ୍ତରଂ ଶତମ୍

॥ 20 ॥

ଶ୍ଲୋକ 22

କୃଷ୍ଣନାମାମୃତଂ ନାମ ପରମାନନ୍ଦକାରକମ୍ ।

ଅତ୍ଯୁପଦ୍ରଵଦୋଷଘ୍ନଂ ପରମାଯୁଷ୍ଯଵର୍ଧନମ୍

॥ 21 ॥

ଶ୍ଲୋକ 23

॥ ଇତି ଶ୍ରୀନାରଦପଞ୍ଚରାତ୍ରେ ଜ୍ଞାନାମୃତସାରେ ଚତୁର୍ଥରାତ୍ରେ ଉମାମହେଶ୍ଵରସଂଵାଦେ

ଧରଣୀଶେଷସଂଵାଦେ ଶ୍ରୀକୃଷ୍ଣାଷ୍ଟୋତ୍ତରଶତନାମସ୍ତୋତ୍ରଂ ସମ୍ପୂର୍ଣମ୍ ॥