Sri Krishna Ashtottara Sata Nama Stotram

shrIkRRiShNAShTottarashata nAmastotraM

shloka 1

shrIgopAlakRRiShNAya namaH ||

shrIsheSha uvAcha ||

OM asya shrIkRRiShNAShTottarashatanAmastotrasya|

shrIsheSha RRiShiH || anuShTup ChandaH || shrIkRRiShNodevatA ||

shrIkRRiShNAShTottarashatanAmajape viniyogaH ||

OM shrIkRRiShNaH kamalAnAtho vAsudevaH sanAtanaH |

vasudevAtmajaH puNyo lIlAmAnuShavigrahaH || 1 ||

shrIvatsakaustubhadharo yashodAvatsalo hariH |

chaturbhujAttachakrAsigadA sha~NkhAdyudAyudhaH || 2 ||

devakInandanaH shrIsho nandagopapriyAtmajaH |

yamunAvegasaMhArI balabhadrapriyAnujaH || 3 ||

pUtanAjIvitaharaH shakaTAsurabha~njanaH |

nandavrajajanAnandI sachchidAnandavigrahaH || 4 ||

navanItaviliptA~Ngo navanItanaTo.anaghaH |

navanItanavAhAro muchukundaprasAdakaH || 5 ||

ShoDashastrI sahasresha sribha~Ngi madhurAkRRitiH |

shukavAgamRRitAbdhIndurgovindo govidAmpatiH || 6 ||

vatsavATacharo.ananto dhenukAsurabha~njanaH |

tRRiNIkRRitatRRiNAvarto yamalArjunabha~njanaH || 7 ||

uttAnatAlabhettA cha tamAlashyAmalAkRRitiH |

gopagopIshvaro yogI sUryakoTisamaprabhaH || 8 ||

ilApatiH para~njyotiryAdavendro yadUdvahaH |

vanamAlI pItavAsAH pArijAtApahArakaH || 9 ||

govardhanAchaloddhartA gopAlaH sarvapAlakaH |

ajo niranjanaH kAmajanakaH kanjalochanaH || 10 ||

madhuhA mathurAnAtho dvArakAnAyako balI |

vRRindAvanAntasa~nchArI tulasIdAmabhUShaNaH || 11 ||

shyamantakamaNerhartA naranArAyaNAtmakaH |

kubjAkRRiShNAmbaradharo mAyI paramapUruShaH || 12 ||

muShTikAsurachANUramahAyuddhavishAradaH |

saMsAravairI kaMsArirmurArirnarakAntakaH || 13 ||

anAdibrahmachArI cha kRRiShNAvyasanakarShakaH |

shishupAlashirashChettA duryodhanakulAntakaH || 14 ||

vidurAkrUravarado vishvarUpapradarshakaH |

satyavAk satyasa~NkalpaH satyabhAmArato jayI || 15 ||

subhadrApUrvajo viShNurbhIShmamuktipradAyakaH |

jagadgururjagannAtho veNunAdavishAradaH || 16 ||

vRRiShabhAsuravidhvaMsI bANAsurabalAntakaH |

yudhiShThirapratiShThAtA barhibarhAvataMsakaH || 17 ||

pArthasArathiravyakto gItAmRRitamahodadhiH |

kAlIyaphaNimANikyara~njitashrIpadAmbujaH || 18 ||

dAmodaro yaj~nabhoktA dAnavendravinAshakaH |

nArAyaNaH parambrahma pannagAshanavAhanaH || 19 ||

jalakrIDAsamAsakta gopIvastrApahArakaH |

puNyashlokastIrthapAdo vedavedyo dayAnidhiH || 20 ||

sarvatIrthAtmakaH sarvagraharupI parAtparaH |

evaM shrIkRRiShNadevasya nAmnAmaShTottaraM shatam || 21 ||

kRRiShNanAmAmRRitaM nAma paramAnandakArakam |

atyupadravadoShaghnaM paramAyuShyavardhanam || 22 ||

|| iti shrInAradapancharAtre jnAnAmRRitasAre chaturtharAtre umAmaheshvarasaMvAde

dharaNIsheShasaMvAde shrIkRRiShNAShTottarashatanAmastotraM sampUrNam ||