Sri Krishna Ashtottara Sata Nama Stotram

zrIkRSNASTottarazata nAmastotraM

zloka 1

zrIgopAlakRSNAya namaH ||

zrIzeSa uvAca ||

OM asya zrIkRSNASTottarazatanAmastotrasya|

zrIzeSa RSiH || anuSTup chandaH || zrIkRSNodevatA ||

zrIkRSNASTottarazatanAmajape viniyogaH ||

OM zrIkRSNaH kamalAnAtho vAsudevaH sanAtanaH |

vasudevAtmajaH puNyo lIlAmAnuSavigrahaH || 1 ||

zrIvatsakaustubhadharo yazodAvatsalo hariH |

caturbhujAttacakrAsigadA zaGkhAdyudAyudhaH || 2 ||

devakInandanaH zrIzo nandagopapriyAtmajaH |

yamunAvegasaMhArI balabhadrapriyAnujaH || 3 ||

pUtanAjIvitaharaH zakaTAsurabhaJjanaH |

nandavrajajanAnandI saccidAnandavigrahaH || 4 ||

navanItaviliptAGgo navanItanaTo'naghaH |

navanItanavAhAro mucukundaprasAdakaH || 5 ||

SoDazastrI sahasreza sribhaGgi madhurAkRtiH |

zukavAgamRtAbdhIndurgovindo govidAmpatiH || 6 ||

vatsavATacaro'nanto dhenukAsurabhaJjanaH |

tRNIkRtatRNAvarto yamalArjunabhaJjanaH || 7 ||

uttAnatAlabhettA ca tamAlazyAmalAkRtiH |

gopagopIzvaro yogI sUryakoTisamaprabhaH || 8 ||

ilApatiH paraJjyotiryAdavendro yadUdvahaH |

vanamAlI pItavAsAH pArijAtApahArakaH || 9 ||

govardhanAcaloddhartA gopAlaH sarvapAlakaH |

ajo niraJjanaH kAmajanakaH kaJjalocanaH || 10 ||

madhuhA mathurAnAtho dvArakAnAyako balI |

vRndAvanAntasaJcArI tulasIdAmabhUSaNaH || 11 ||

zyamantakamaNerhartA naranArAyaNAtmakaH |

kubjAkRSNAmbaradharo mAyI paramapUruSaH || 12 ||

muSTikAsuracANUramahAyuddhavizAradaH |

saMsAravairI kaMsArirmurArirnarakAntakaH || 13 ||

anAdibrahmacArI ca kRSNAvyasanakarSakaH |

zizupAlazirazchettA duryodhanakulAntakaH || 14 ||

vidurAkrUravarado vizvarUpapradarzakaH |

satyavAk satyasaGkalpaH satyabhAmArato jayI || 15 ||

subhadrApUrvajo viSNurbhISmamuktipradAyakaH |

jagadgururjagannAtho veNunAdavizAradaH || 16 ||

vRSabhAsuravidhvaMsI bANAsurabalAntakaH |

yudhiSThirapratiSThAtA barhibarhAvataMsakaH || 17 ||

pArthasArathiravyakto gItAmRtamahodadhiH |

kAlIyaphaNimANikyaraJjitazrIpadAmbujaH || 18 ||

dAmodaro yajJabhoktA dAnavendravinAzakaH |

nArAyaNaH parambrahma pannagAzanavAhanaH || 19 ||

jalakrIDAsamAsakta gopIvastrApahArakaH |

puNyazlokastIrthapAdo vedavedyo dayAnidhiH || 20 ||

sarvatIrthAtmakaH sarvagraharupI parAtparaH |

evaM zrIkRSNadevasya nAmnAmaSTottaraM zatam || 21 ||

kRSNanAmAmRtaM nAma paramAnandakArakam |

atyupadravadoSaghnaM paramAyuSyavardhanam || 22 ||

|| iti zrInAradapaJcarAtre jJAnAmRtasAre caturtharAtre umAmahezvarasaMvAde

dharaNIzeSasaMvAde zrIkRSNASTottarazatanAmastotraM sampUrNam ||