Shiva Sankalpa Upanishad (Shiva Sankalpamastu)

shivasaNkalpopaniShat (shiva saNkalpamastu)

shloka 1

yenedaM bhUtaM bhuvanaM bhaviShyat parigRRihItamamRRitena sarvam |

yena yajnastAyate saptahotA tanme manaH shivasaNkalpamastu || 1||

yena karmANi pracharanti dhIrA yato vAchA manasA chAru yanti |

yatsammitamanu saMyanti prANinastanme manaH shivasa~Nkalpamastu || 2||

yena karmANyapaso manIShiNo yaj~ne kRRiNvanti vidatheShu dhIrAH |

yadapUrvaM yakShamantaH prajAnAM tanme manaH shivasa~Nkalpamastu || 3||

yatpraj~nAnamuta cheto dhRRitishcha yajjyotirantaramRRitaM prajAsu |

yasmAnna RRite kinchana karma kriyate tanme manaH shivasaNkalpamastu || 4||

suShArathirashvAniva yanmanuShyAnnenIyate.abhIshubhirvAjina iva |

hRRitpratiShThaM yadajiraM javiShThaM tanme manaH shivasa~Nkalpamastu || 5||

yasminnRRichaH sAma yajUShi yasmin pratiShThitA rathanAbhAvivArAH |

yasmiMshchittaM sarvamotaM prajAnAM tanme manaH shivasa~Nkalpamastu || 6||

yadatra ShaShThaM trishataM suvIraM yaj~nasya guhyaM navanAvamAyyaM (?) |

dasha pancha triMshataM yatparaM cha tanme manaH shivasaNkalpamastu || 7||

yajjAgrato dUramudaiti daivaM tadu suptasya tathaivaiti |

dUraNgamaM jyotiShAM jyotirekaM tanme manaH shivasaNkalpamastu || 8||

yena dyauH pRRithivI chAntarikShaM cha ye parvatAH pradisho dishashcha |

yenedaM jagadvyAptaM prajAnAM tanme manaH shivasa~Nkalpamastu || 9||

yenedaM vishvaM jagato babhUva ye devA api mahato jAtavedAH |

tadevAgnistamaso jyotirekaM tanme manaH shivasa~Nkalpamastu || 10||

ye mano hRRidayaM ye cha devA ye divyA Apo ye sUryarashmiH |

te shrotre chakShuShI sancharantaM tanme manaH shivasaNkalpamastu || 11||

achintyaM chAprameyaM cha vyaktAvyaktaparaM cha yata |

sUkShmAtsUkShmataraM jneyaM tanme manaH shivasaNkalpamastu || 12||

ekA cha dasha shataM cha sahasraM chAyutaM cha

niyutaM cha prayutaM chArbudaM cha nyarbudaM cha |

samudrashcha madhyaM chAntashcha parArdhashcha

tanme manaH shivasa~Nkalpamastu || 13||

ye pancha panchadasha shataM sahasramayutaM nyarbudaM cha |

te.agnichityeShTakAstaM sharIraM tanme manaH shivasa~Nkalpamastu || 14||

vedAhametaM puruShaM mahAntamAdityavarNaM tamasaH parastAt |

yasya yoniM paripashyanti dhIrAstanme manaH shivasa~Nkalpamastu ||

yasyedaM dhIrAH punanti kavayo brahmANametaM tvA vRRiNuta indum |

sthAvaraM jaNgamaM dyaurAkAshaM tanme manaH shivasaNkalpamastu || 16||

parAt parataraM chaiva yatparAchchaiva yatparam |

yatparAt parato jneyaM tanme manaH shivasaNkalpamastu || 17||

parAt parataro brahmA tatparAt parato hariH |

tatparAt parato.adhIshastanme manaH shivasa~Nkalpamastu || 18||

yA vedAdiShu gAyatrI sarvavyApI maheshvarI |

RRigyajussAmAtharvaishcha tanme manaH shivasa~Nkalpamastu || 19||

yo vai devaM mahAdevaM praNavaM puruShottamam |

yaH sarve sarvavedaishcha tanme manaH shivasa~Nkalpamastu || 20||

prayataH praNavo~NkAraM praNavaM puruShottamam |

oNkAraM praNavAtmAnaM tanme manaH shivasaNkalpamastu || 21||

yo.asau sarveShu vedeShu paThyate hyaja ishvaraH |

akAyo nirguNo hyAtmA tanme manaH shivasa~Nkalpamastu || 22||

gobhirjuShTaM dhanena hyAyuShA cha balena cha |

prajayA pashubhiH puShkarAkShaM tanme manaH shivasa~Nkalpamastu || 23||

triyambakaM yajAmahe sugandhiM puShTivardhanam |

urvArukamiva bandhanAnmRRityormukShIya

mA.amRRitAttanme manaH shivasa~Nkalpamastu || 24||

kailAsashikhare ramye sha~Nkarasya shivAlaye |

devatAstatra modante tanme manaH shivasa~Nkalpamastu || 25||

vishvatashchakShuruta vishvatomukho vishvatohasta uta vishvataspAt |

sambAhubhyAM namati sampatatrairdyAvApRRithivI

janayan deva ekastanme manaH shivasa~Nkalpamastu || 26||

chaturo vedAnadhIyIta sarvashAsyamayaM viduH |

itihAsapurANAnAM tanme mana shivasa~Nkanlpamastu || 27||

mA no mahAntamuta mA no arbhakaM mA na ukShantamuta mA na ukShitam |

mA no vadhIH pitaraM mota mAtaraM priyA mA naH

tanuvo rudra rIriShastanme manaH shivasa~Nkalpamastu || 28||

mA nastoke tanaye mA na AyuShi mA no goShu mA no ashveShu rIriShaH |

vIrAnmA no rudra bhAmito vadhIrhaviShmantaH

namasA vidhema te tanme manaH shivasa~Nkalpamastu || 29||

RRitaM satyaM paraM brahma puruShaM kRRiShNapi~Ngalam |

UrdhvaretaM virUpAkShaM vishvarUpAya vai namo namaH

tanme manaH shivasa~Nkalpamastu || 30||

kadrudrAya prachetase mIDhuShTamAya tavyase |

vochema shantamaM hRRide | sarvo hyeSha rudrastasmai rudrAya

namo astu tanme manaH shivasa~Nkalpamastu || 31||

brahma jaj~nAnaM prathamaM purastAt vi sImataH surucho vena AvaH |

sa budhniyA upamA asya viShThAH satashcha yoniM

asatashcha vivastanme manaH shivasa~Nkalpamastu || 32||

yaH prANato nimiShato mahitvaika idrAjA jagato babhUva |

ya Ishe asya dvipadashchatuShpadaH kasmai devAya

haviShA vidhema tanme manaH shivasa~Nkalpamastu || 33||

ya AtmadA baladA yasya vishve upAsate prashiShaM yasya devAH |

yasya ChAyA.amRRitaM yasya mRRityuH kasmai devAya

haviShA vidhema tanme manaH shivasa~Nkalpamastu || 34||

yo rudro agnau yo apsu ya oShadhIShu yo rudro vishvA bhuvanA.a.avivesha |

tasmai rudrAya namo astu tanme manaH shivasa~Nkalpamastu || 35||

gandhadvArAM durAdharShAM nityapuShTAM karIShiNIm |

IshvarIM sarvabhUtAnAM tAmihopahvaye shriyaM

tanme manaH shivasa~Nkalpamastu || 36||

ya idaM shivasa~NkalpaM sadA dhyAyanti brAhmaNAH |

te paraM mokShaM gamiShyanti tanme manaH shivasa~Nkalpamastu || 37||

iti shivasa~NkalpamantrAH samAptAH |

(shaiva-upaniShadaH)

iti shivasa~NkalpopaniShat samApta |