Shiva Sankalpa Upanishad (Shiva Sankalpamastu)

zivasaGkalpopaniSat (ziva saGkalpamastu)

zloka 1

yenedaM bhUtaM bhuvanaM bhaviSyat parigRhItamamRtena sarvam |

yena yajJastAyate saptahotA tanme manaH zivasaGkalpamastu || 1||

yena karmANi pracaranti dhIrA yato vAcA manasA cAru yanti |

yatsammitamanu saMyanti prANinastanme manaH zivasaGkalpamastu || 2||

yena karmANyapaso manISiNo yajJe kRNvanti vidatheSu dhIrAH |

yadapUrvaM yakSamantaH prajAnAM tanme manaH zivasaGkalpamastu || 3||

yatprajJAnamuta ceto dhRtizca yajjyotirantaramRtaM prajAsu |

yasmAnna Rte kiJcana karma kriyate tanme manaH zivasaGkalpamastu || 4||

suSArathirazvAniva yanmanuSyAnnenIyate'bhIzubhirvAjina iva |

hRtpratiSThaM yadajiraM javiSThaM tanme manaH zivasaGkalpamastu || 5||

yasminnRcaH sAma yajUSi yasmin pratiSThitA rathanAbhAvivArAH |

yasmiMzcittaM sarvamotaM prajAnAM tanme manaH zivasaGkalpamastu || 6||

yadatra SaSThaM trizataM suvIraM yajJasya guhyaM navanAvamAyyaM (?) |

daza paJca triMzataM yatparaM ca tanme manaH zivasaGkalpamastu || 7||

yajjAgrato dUramudaiti daivaM tadu suptasya tathaivaiti |

dUraGgamaM jyotiSAM jyotirekaM tanme manaH zivasaGkalpamastu || 8||

yena dyauH pRthivI cAntarikSaM ca ye parvatAH pradizo dizazca |

yenedaM jagadvyAptaM prajAnAM tanme manaH zivasaGkalpamastu || 9||

yenedaM vizvaM jagato babhUva ye devA api mahato jAtavedAH |

tadevAgnistamaso jyotirekaM tanme manaH zivasaGkalpamastu || 10||

ye mano hRdayaM ye ca devA ye divyA Apo ye sUryarazmiH |

te zrotre cakSuSI saJcarantaM tanme manaH zivasaGkalpamastu || 11||

acintyaM cAprameyaM ca vyaktAvyaktaparaM ca yata |

sUkSmAtsUkSmataraM jJeyaM tanme manaH zivasaGkalpamastu || 12||

ekA ca daza zataM ca sahasraM cAyutaM ca

niyutaM ca prayutaM cArbudaM ca nyarbudaM ca |

samudrazca madhyaM cAntazca parArdhazca

tanme manaH zivasaGkalpamastu || 13||

ye paJca paJcadaza zataM sahasramayutaM nyarbudaM ca |

te'gnicityeSTakAstaM zarIraM tanme manaH zivasaGkalpamastu || 14||

vedAhametaM puruSaM mahAntamAdityavarNaM tamasaH parastAt |

yasya yoniM paripazyanti dhIrAstanme manaH zivasaGkalpamastu ||

yasyedaM dhIrAH punanti kavayo brahmANametaM tvA vRNuta indum |

sthAvaraM jaGgamaM dyaurAkAzaM tanme manaH zivasaGkalpamastu || 16||

parAt parataraM caiva yatparAccaiva yatparam |

yatparAt parato jJeyaM tanme manaH zivasaGkalpamastu || 17||

parAt parataro brahmA tatparAt parato hariH |

tatparAt parato'dhIzastanme manaH zivasaGkalpamastu || 18||

yA vedAdiSu gAyatrI sarvavyApI mahezvarI |

RgyajussAmAtharvaizca tanme manaH zivasaGkalpamastu || 19||

yo vai devaM mahAdevaM praNavaM puruSottamam |

yaH sarve sarvavedaizca tanme manaH zivasaGkalpamastu || 20||

prayataH praNavoGkAraM praNavaM puruSottamam |

oGkAraM praNavAtmAnaM tanme manaH zivasaGkalpamastu || 21||

yo'sau sarveSu vedeSu paThyate hyaja izvaraH |

akAyo nirguNo hyAtmA tanme manaH zivasaGkalpamastu || 22||

gobhirjuSTaM dhanena hyAyuSA ca balena ca |

prajayA pazubhiH puSkarAkSaM tanme manaH zivasaGkalpamastu || 23||

triyambakaM yajAmahe sugandhiM puSTivardhanam |

urvArukamiva bandhanAnmRtyormukSIya

mA'mRtAttanme manaH zivasaGkalpamastu || 24||

kailAsazikhare ramye zaGkarasya zivAlaye |

devatAstatra modante tanme manaH zivasaGkalpamastu || 25||

vizvatazcakSuruta vizvatomukho vizvatohasta uta vizvataspAt |

sambAhubhyAM namati sampatatrairdyAvApRthivI

janayan deva ekastanme manaH zivasaGkalpamastu || 26||

caturo vedAnadhIyIta sarvazAsyamayaM viduH |

itihAsapurANAnAM tanme mana zivasaGkanlpamastu || 27||

mA no mahAntamuta mA no arbhakaM mA na ukSantamuta mA na ukSitam |

mA no vadhIH pitaraM mota mAtaraM priyA mA naH

tanuvo rudra rIriSastanme manaH zivasaGkalpamastu || 28||

mA nastoke tanaye mA na AyuSi mA no goSu mA no azveSu rIriSaH |

vIrAnmA no rudra bhAmito vadhIrhaviSmantaH

namasA vidhema te tanme manaH zivasaGkalpamastu || 29||

RtaM satyaM paraM brahma puruSaM kRSNapiGgalam |

UrdhvaretaM virUpAkSaM vizvarUpAya vai namo namaH

tanme manaH zivasaGkalpamastu || 30||

kadrudrAya pracetase mIDhuSTamAya tavyase |

vocema zantamaM hRde | sarvo hyeSa rudrastasmai rudrAya

namo astu tanme manaH zivasaGkalpamastu || 31||

brahma jajJAnaM prathamaM purastAt vi sImataH suruco vena AvaH |

sa budhniyA upamA asya viSThAH satazca yoniM

asatazca vivastanme manaH zivasaGkalpamastu || 32||

yaH prANato nimiSato mahitvaika idrAjA jagato babhUva |

ya Ize asya dvipadazcatuSpadaH kasmai devAya

haviSA vidhema tanme manaH zivasaGkalpamastu || 33||

ya AtmadA baladA yasya vizve upAsate praziSaM yasya devAH |

yasya chAyA'mRtaM yasya mRtyuH kasmai devAya

haviSA vidhema tanme manaH zivasaGkalpamastu || 34||

yo rudro agnau yo apsu ya oSadhISu yo rudro vizvA bhuvanA''viveza |

tasmai rudrAya namo astu tanme manaH zivasaGkalpamastu || 35||

gandhadvArAM durAdharSAM nityapuSTAM karISiNIm |

IzvarIM sarvabhUtAnAM tAmihopahvaye zriyaM

tanme manaH zivasaGkalpamastu || 36||

ya idaM zivasaGkalpaM sadA dhyAyanti brAhmaNAH |

te paraM mokSaM gamiSyanti tanme manaH zivasaGkalpamastu || 37||

iti zivasaGkalpamantrAH samAptAH |

(zaiva-upaniSadaH)

iti zivasaGkalpopaniSat samApta |