Shiva Aparadha Kshamapana Stotram

shivAparAdha kShamApaNa stotram

shloka 1

Adau karmaprasa~NgAtkalayati kaluShaM mAtRRikukShau sthitaM mAM

viNmUtrAmedhyamadhye kvathayati nitarAM jATharo jAtavedAH |

yadyadvai tatra duHkhaM vyathayati nitarAM shakyate kena vaktuM

kShantavyo me.aparAdhaH shiva shiva shiva bho shrImahAdeva shambho || 1||

bAlye duHkhAtireko malalulitavapuH stanyapAne pipAsA

no shaktashchendriyebhyo bhavaguNajanitAH jantavo mAM tudanti |

nAnArogAdiduHkhAdrudanaparavashaH sha~NkaraM na smarAmi

kShantavyo me.aparAdhaH shiva shiva shiva bho shrImahAdeva shambho || 2||

prauDho.ahaM yauvanastho viShayaviShadharaiH pa~nchabhirmarmasandhau

daShTo naShTo vivekaH sutadhanayuvatisvAdusaukhye niShaNNaH |

shaivIchintAvihInaM mama hRRidayamaho mAnagarvAdhirUDhaM

kShantavyo me.aparAdhaH shiva shiva shiva bho shrImahAdeva shambho || 3||

vArdhakye chendriyANAM vigatagatimatishchAdhidaivAditApaiH

pApai rogairviyogaistvanavasitavapuH prauDhahInaM cha dInam |

mithyAmohAbhilAShairbhramati mama mano dhUrjaTerdhyAnashUnyaM

kShantavyo me.aparAdhaH shiva shiva shiva bho shrImahAdeva shambho || 4||

snAtvA pratyUShakAle snapanavidhividhau nAhRRitaM gA~NgatoyaM

pUjArthaM vA kadAchidbahutaragahanAtkhaNDabilvIdalAni |

nAnItA padmamAlA sarasi vikasitA gandhadhUpaiH tvadarthaM

kShantavyo me.aparAdhaH shiva shiva shiva bho shrImahAdeva shambho || 5||

dugdhairmadhvAjyayuktairdadhisitasahitaiH snApitaM naiva li~NgaM

no liptaM chandanAdyaiH kanakavirachitaiH pUjitaM na prasUnaiH |

dhUpaiH karpUradIpairvividharasayutairnaiva bhakShyopahAraiH

kShantavyo me.aparAdhaH shiva shiva shiva bho shrImahAdeva shambho || 6||

no shakyaM smArtakarma pratipadagahanapratyavAyAkulAkhyaM

shraute vArtA kathaM me dvijakulavihite brahmamArgAnusAre | var brahmamArge susAre

j~nAto dharmo vichAraiH shravaNamananayoH kiM nididhyAsitavyaM

kShantavyo me.aparAdhaH shiva shiva shiva bho shrImahAdeva shambho || 7||

dhyAtvA chitte shivAkhyaM prachurataradhanaM naiva dattaM dvijebhyo

havyaM te lakShasa~Nkhyairhutavahavadane nArpitaM bIjamantraiH |

no taptaM gA~NgAtIre vratajapaniyamaiH rudrajApyairna vedaiH

kShantavyo me.aparAdhaH shiva shiva shiva bho shrImahAdeva shambho || 8||

nagno niHsa~NgashuddhastriguNavirahito dhvastamohAndhakAro

nAsAgre nyastadRRiShTirviditabhavaguNo naiva dRRiShTaH kadAchit |

unmanyA.avasthayA tvAM vigatakalimalaM sha~NkaraM na smarAmi

kShantavyo me.aparAdhaH shiva shiva shiva bho shrImahAdeva shambho || 9||

sthitvA sthAne saroje praNavamayamarutkumbhake (kuNDale) sUkShmamArge

shAnte svAnte pralIne prakaTitavibhave jyotirUpe.aparAkhye |

liNgajne brahmavAkye sakalatanugataM sha~NkaraM na smarAmi

kShantavyo me.aparAdhaH shiva shiva shiva bho shrImahAdeva shambho || 10||

hRRidyaM vedAntavedyaM hRRidayasarasije dIptamudyatprakAshaM

satyaM shAntasvarUpaM sakalamunimanaHpadmaShaNDaikavedyam |

jAgratsvapne suShuptau triguNavirahitaM sha~NkaraM na smarAmi

kShantavyo me.aparAdhaH shiva shiva shiva bho shrImahAdeva shambho || 11||

chandrodbhAsitashekhare smarahare gaNgAdhare shaNkare

sarpairbhUShitakaNThakarNavivare netrotthavaishvAnare | yugale

dantitvakkRRitasundarAmbaradhare trailokyasAre hare

mokShArthaM kuru chittavRRittimachalAmanyaistu kiM karmabhiH || 12||

kiM vA.anena dhanena vAjikaribhiH prAptena rAjyena kiM

kiM vA putrakalatramitrapashubhirdehena gehena kim |

jnAtvaitatkShaNabhaNguraM sapadi re tyAjyaM mano dUrataH

svAtmArthaM guruvAkyato bhaja mana shrIpArvatIvallabham || 13||

paurohityaM rajanicharitaM grAmaNItvaM niyogo

mAThApatyaM hyanRRitavachanaM sAkShivAdaH parAnnam |

brahmadveShaH khalajanaratiH prANinAM nirdayatvaM

mA bhUdevaM mama pashupate janmajanmAntareShu || 14||

Ayurnashyati pashyatAM pratidinaM yAti kShayaM yauvanaM

pratyAyAnti gatAH punarna divasAH kAlo jagadbhakShakaH |

lakShmIstoyataraNgabhaNgachapalA vidyuchchalaM jIvitaM

tasmAttvAM sharaNAgataM sharaNada tvaM rakSha rakShAdhunA || 15|| tasmAnmAM

vande devamumApatiM suraguruM vande jagatkAraNaM

vande pannagabhUShaNaM mRRigadharaM vande pashUnAM patim |

vande sUryashashA~NkavahninayanaM vande mukundapriyaM

vande bhaktajanAshrayaM cha varadaM vande shivaM sha~Nkaram ||16||

gAtraM bhasmasitaM sitaM cha hasitaM haste kapAlaM sitaM var smitaM cha

khaTvA~NgaM cha sitaM sitashcha vRRiShabhaH karNe site kuNDale |

ga~NgA phenasitA jaTA pashupateshchandraH sito mUrdhani

so.ayaM sarvasito dadAtu vibhavaM pApakShayaM sarvadA || 17||

karacharaNakRRitaM vAkkAyajaM karmajaM vA

shravaNanayanajaM vA mAnasaM vA.aparAdham |

vihitamavihitaM vA sarvametatkShmasva

shiva shiva karuNAbdhe shrImahAdeva shambho || 18||

|| iti shrImad sha~NkarAchAryakRRita shivAparAdhakShamApaNastotraM sampUrNam ||