Radha Chalisa, Radha Mata Chalisa

Jai Vrishabhana Kunvari Shri Shyama

Śloka 1

|| dohā ||

śrī rādhe vṛṣabhānujā,

bhaktani prāṇādhāra|

vṛndāvipina vihāriṇi,

praṇavauṃ bāraṃbāra||

jaisau taisau rāvarau,

kṛṣṇa priyā sukhadhāma|

caraṇa śaraṇa nija dījiye,

sundara sukhada lalāma||

|| caupāī ||

jaya vṛṣabhānu ku~vari śrī śyāmā|

kīrati naṃdinī śobhā dhāmā||

nitya vihārini śyāma adhārā|

amita moda maṃgala dātārā||

rāsa vilāsini rasa vistārini|

sahacari subhaga yūtha mana bhāvani||

nitya kiśorī rādhā gorī|

śyāma prāṇadhana ati jiya bhorī||

karuṇā sāgara hiya umaṃginī|

lalitādika sakhiyana kī saṃginī||

dina kara kanyā kūla vihārini|

kṛṣṇa prāṇa priya hiya hulasāvani||

nitya śyāma tumarau guṇa gāvaiṃ|

rādhā rādhā kahi haraṣāvaiṃ||

muralī meṃ nita nāma ucāreṃ|

tuva kāraṇa līlā vapu dhāreṃ||

prema svarūpiṇi ati sukumārī|

śyāma priyā vṛṣabhānu dulārī||

navala kiśorī ati chavi dhāmā|

dyuti laghu lagai koṭi rati kāmā||

gaurāṃgī śaśi niṃdaka badanā|

subhaga capala aniyāre nayanā||

jāvaka yuta yuga paṃkaja caranā|

nūpura dhuni prītama mana haranā||

saṃtata sahacari sevā karahīṃ|

mahā moda maṃgala mana bharahīṃ||

rasikana jīvana prāṇa adhārā|

rādhā nāma sakala sukha sārā||

agama agocara nitya svarūpā|

dhyāna dharata niśidina braja bhūpā||

upajeu jāsu aṃśa guṇa khānī|

koṭina umā ramā brahmānī||

nitya dhāma goloka vihārini|

jana rakṣaka dukha doṣa nasāvani||

śiva aja muni sanakādika nārada|

pāra na pā~i śeṣa aru śārada||

rādhā śubha guṇa rūpa ujārī|

nirakhi prasanna hota banabārī||

braja jīvana dhana rādhā rānī|

mahimā amita na jāya bakhānī||

prītama saṃga dei galabā~hī|

biharata nita vṛndāvana mā~hī||

rādhā kṛṣṇa kṛṣṇa kahaiṃ rādhā|

eka rūpa dou prīti agādhā||

śrī rādhā mohana mana haranī|

jana sukha dāyaka praphulita badanī||

koṭika rūpa dhareṃ naṃda naṃdā|

darśa karana hita gokula candā||

rāsa keli kari tumheṃ rijhāveṃ|

māna karau jaba ati duḥkha pāveṃ||

praphulita hota darśa jaba pāveṃ|

vividha bhāṃti nita vinaya sunāveṃ||

vṛndāraṇya vihārini śyāmā|

nāma leta pūraṇa saba kāmā||

koṭina yajña tapasyā karahū|

vividha nema vrata hiya meṃ dharahū||

taū na śyāma bhaktahiṃ apanāveṃ|

jaba lagi rādhā nāma na gāveṃ||

vṛndāvipina svāminī rādhā|

līlā vapu taba amita agādhā||

svayaṃ kṛṣṇa pāvaiṃ nahiṃ pārā|

aura tumheṃ ko jānana hārā||

śrī rādhā rasa prīti abhedā|

sādara gāna karata nita vedā||

rādhā tyāgi kṛṣṇa ko bhajihaiṃ|

te sapanehu jaga jaladhi na tari haiṃ||

kīrati ku~vari lāḍa़ilī rādhā|

sumirata sakala miṭahiṃ bhavabādhā||

nāma amaṃgala mūla nasāvana|

trividha tāpa hara hari manabhāvana||

rādhā nāma lei jo koī|

sahajahi dāmodara basa hoī||

rādhā nāma parama sukhadāī|

bhajatahiṃ kṛpā karahiṃ yadurāī||

yaśumati nandana pīche phirihaiṃ|

jo koū rādhā nāma sumirihaiṃ||

rāsa vihārini śyāmā pyārī|

karahu kṛpā barasāne vārī||

vṛndāvana hai śaraṇa tihārī|

jaya jaya jaya vṛṣabhānu dulārī||

|| dohā ||

śrīrādhā sarveśvarī,

rasikeśvara ghanaśyāma|

karahu~ niraṃtara bāsa maiṃ,

śrīvṛndāvana dhāma||