KYTS 4.5 Namaste Rudra Manyava

4.5 - ନମସ୍ତେ ରୁଦ୍ର ମନ୍ଯଵ - କୃଷ୍ଣ ଯଜୁର୍ଵେଦ ତୈତ୍ତିରୀଯ ସଂହିତା ପାଠଃ

ଶ୍ଲୋକ 1

କୃଷ୍ଣ ଯଜୁର୍ଵେଦୀଯ ତୈତ୍ତିରୀଯ ସଂହିତାଯା-ଞ୍ଚତୁର୍ଥକାଣ୍ଡେ ପଞ୍ଚମଃ ପ୍ରଶ୍ନଃ - ହୋମଵିଧିନିରୂପଣଂ

ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତଯେ ନମଃ,

ଶ୍ରୀ ଗୁରୁଭ୍ଯୋ ନମଃ । ହ॒ରିଃ॒ ଓମ୍ ॥

ନମ॑ସ୍ତେ ରୁଦ୍ର ମ॒ନ୍ଯଵ॑ ଉ॒ତୋତ॒ ଇଷ॑ଵେ॒ ନମଃ॑ । ନମ॑ସ୍ତେ ଅସ୍ତୁ॒ ଧନ୍ଵ॑ନେ ବା॒ହୁଭ୍ଯା॑ମୁ॒ତ ତେ॒ ନମଃ॑ ॥ ଯା ତ॒ ଇଷୁଃ॑ ଶି॒ଵତ॑ମା ଶି॒ଵ-ମ୍ବ॒ଭୂଵ॑ ତେ॒ ଧନୁଃ॑ । ଶି॒ଵା ଶ॑ର॒ଵ୍ଯା॑ ଯା ତଵ॒ ତଯା॑ ନୋ ରୁଦ୍ର ମୃଡଯ ॥ ଯା ତେ॑ ରୁଦ୍ର ଶି॒ଵା ତ॒ନୂରଘୋ॒ରା ଽପା॑ପକାଶିନୀ । ତଯା॑ ନସ୍ତ॒ନୁଵା॒ ଶନ୍ତ॑ମଯା॒ ଗିରି॑ଶନ୍ତା॒ଭି ଚା॑କଶୀହି ॥ ଯାମିଷୁ॑-ଙ୍ଗିରିଶନ୍ତ॒ ହସ୍ତେ॒ [ହସ୍ତେ᳚, ବିଭ॒ର୍​ଷ୍ଯସ୍ତ॑ଵେ ।] 1

ବିଭ॒ର୍​ଷ୍ଯସ୍ତ॑ଵେ । ଶି॒ଵା-ଙ୍ଗି॑ରିତ୍ର॒ ତା-ଙ୍କୁ॑ରୁ॒ ମା ହିଗ୍ଂ॑ସୀଃ॒ ପୁରୁ॑ଷ॒-ଞ୍ଜଗ॑ତ୍ ॥ ଶି॒ଵେନ॒ ଵଚ॑ସା ତ୍ଵା॒ ଗିରି॒ଶାଚ୍ଛା॑ ଵଦାମସି । ଯଥା॑ ନ॒-ସ୍ସର୍ଵ॒ମି-ଜ୍ଜଗ॑ଦଯ॒କ୍ଷ୍ମଗ୍ଂ ସୁ॒ମନା॒ ଅସ॑ତ୍ ॥ ଅଦ୍ଧ୍ଯ॑ଵୋଚଦଧିଵ॒କ୍ତା ପ୍ର॑ଥ॒ମୋ ଦୈଵ୍ଯୋ॑ ଭି॒ଷକ୍ । ଅହୀଗ୍॑ଶ୍ଚ॒ ସର୍ଵା᳚ନ୍ ଜ॒ଭଂ​ଯଁ॒ନ୍-ଥ୍ସର୍ଵା᳚ଶ୍ଚ ଯାତୁ ଧା॒ନ୍ଯଃ॑ ॥ ଅ॒ସୌ ଯସ୍ତା॒ମ୍ରୋ ଅ॑ରୁ॒ଣ ଉ॒ତ ବ॒ଭ୍ରୁ-ସ୍ସୁ॑ମ॒ଙ୍ଗଲଃ॑ । ଯେ ଚେ॒ମାଗ୍ଂ ରୁ॒ଦ୍ରା ଅ॒ଭିତୋ॑ ଦି॒କ୍ଷୁ [ ] 2

ଶ୍ରି॒ତା-ସ୍ସ॑ହସ୍ର॒ଶୋ ଽଵୈ॑ଷା॒ଗ୍ଂ॒ ହେଡ॑ ଈମହେ ॥ ଅ॒ସୌ ଯୋ॑ ଽଵ॒ସର୍ପ॑ତି॒ ନୀଲ॑ଗ୍ରୀଵୋ॒ ଵିଲୋ॑ହିତଃ । ଉ॒ତୈନ॑-ଙ୍ଗୋ॒ପା ଅ॑ଦୃଶ॒-ନ୍ନଦୃ॑ଶ-ନ୍ନୁଦହା॒ର୍ଯଃ॑ । ଉ॒ତୈନଂ॒-ଵିଁଶ୍ଵା॑ ଭୂ॒ତାନି॒ ସ ଦୃ॒ଷ୍ଟୋ ମୃ॑ଡଯାତି ନଃ ॥ ନମୋ॑ ଅସ୍ତୁ॒ ନୀଲ॑ଗ୍ରୀଵାଯ ସହସ୍ରା॒କ୍ଷାଯ॑ ମୀ॒ଢୁଷେ᳚ । ଅଥୋ॒ ଯେ ଅ॑ସ୍ଯ॒ ସତ୍ଵା॑ନୋ॒-ଽହ-ନ୍ତେଭ୍ଯୋ॑ ଽକର॒ନ୍ନମଃ॑ ॥ ପ୍ରମୁ॑ଞ୍ଚ॒ ଧନ୍ଵ॑ନ॒ସ୍ତ୍ଵ ମୁ॒ଭଯୋ॒-ରାର୍ତ୍ନି॑ଯୋ॒ର୍ଜ୍ଯାମ୍ । ଯାଶ୍ଚ॑ ତେ॒ ହସ୍ତ॒ ଇଷ॑ଵଃ॒ [ଇଷ॑ଵଃ, ପରା॒ ତା ଭ॑ଗଵୋ ଵପ ।] 3

ପରା॒ ତା ଭ॑ଗଵୋ ଵପ ॥ ଅ॒ଵ॒ତତ୍ଯ॒ ଧନୁ॒ସ୍ତ୍ଵଗ୍ଂ ସହ॑ସ୍ରାକ୍ଷ॒ ଶତେ॑ଷୁଧେ । ନି॒ଶୀର୍ଯ॑ ଶ॒ଲ୍ଯାନା॒-ମ୍ମୁଖା॑ ଶି॒ଵୋ ନଃ॑ ସୁ॒ମନା॑ ଭଵ ॥ ଵିଜ୍ଯ॒-ନ୍ଧନୁଃ॑ କପ॒ର୍ଦିନୋ॒ ଵିଶ॑ଲ୍ଯୋ॒ ବାଣ॑ଵାଗ୍ଂ ଉ॒ତ । ଅନେ॑ଶନ୍ନ॒ସ୍ଯେଷ॑ଵ ଆ॒ଭୁର॑ସ୍ଯ ନିଷ॒ଙ୍ଗଥିଃ॑ ॥ ଯା ତେ॑ ହେ॒ତି-ର୍ମୀ॑ଢୁଷ୍ଟମ॒ ହସ୍ତେ॑ ବ॒ଭୂଵ॑ ତେ॒ ଧନୁଃ॑ । ତଯା॒-ଽସ୍ମାନ୍. ଵି॒ଶ୍ଵତ॒ ସ୍ତ୍ଵମ॑ଯ॒କ୍ଷ୍ମଯା॒ ପରି॑ବ୍ଭୁଜ ॥ ନମ॑ସ୍ତେ ଅ॒ସ୍ତ୍ଵାଯୁ॑ଧା॒ଯା-ନା॑ତତାଯ ଧୃ॒ଷ୍ଣଵେ᳚ । ଉ॒ଭାଭ୍ଯା॑ ମୁ॒ତ ତେ॒ ନମୋ॑ ବା॒ହୁଭ୍ଯା॒-ନ୍ତଵ॒ ଧନ୍ଵ॑ନେ ॥ ପରି॑ ତେ॒ ଧନ୍ଵ॑ନୋ ହେ॒ତିର॒ସ୍ମାନ୍-ଵୃ॑ଣକ୍ତୁ ଵି॒ଶ୍ଵତଃ॑ । ଅଥୋ॒ ଯ ଇ॑ଷୁ॒ଧିସ୍ତଵା॒ରେ ଅ॒ସ୍ମ-ନ୍ନିଧେ॑ହି॒ ତମ୍

ଶ୍ଲୋକ 2

(ହସ୍ତେ॑ - ଦି॒କ୍ଷ୍ଵି - ଷ॑ଵ - ଉ॒ଭାଭ୍ଯାଂ॒ - ଦ୍ଵାଵିଗ୍ଂ॑ଶତିଶ୍ଚ) (ଅ. 1)

ନମୋ॒ ହିର॑ଣ୍ଯ ବାହଵେ ସେନା॒ନ୍ଯେ॑ ଦି॒ଶାଞ୍ଚ॒ ପତ॑ଯେ॒ ନମୋ॒ ନମୋ॑ ଵୃ॒କ୍ଷେଭ୍ଯୋ॒ ହରି॑କେଶେଭ୍ଯଃ ପଶୂ॒ନା-ମ୍ପତ॑ଯେ॒ ନମୋ॒ ନମଃ॑ ସ॒ସ୍ପିଞ୍ଜ॑ରାଯ॒ ତ୍ଵିଷୀ॑ମତେ ପଥୀ॒ନା-ମ୍ପତ॑ଯେ॒ ନମୋ॒ ନମୋ॑ ବଭ୍ଲୁ॒ଶାଯ॑ ଵିଵ୍ଯା॒ଧିନେ-ଽନ୍ନା॑ନା॒-ମ୍ପତ॑ଯେ॒ ନମୋ॒ ନମୋ॒ ହରି॑କେଶାଯୋ-ପଵୀ॒ତିନେ॑ ପୁ॒ଷ୍ଟାନା॒-ମ୍ପତ॑ଯେ॒ ନମୋ॒ ନମୋ॑ ଭ॒ଵସ୍ଯ॑ ହେ॒ତ୍ଯୈ ଜଗ॑ତା॒-ମ୍ପତ॑ଯେ॒ ନମୋ॒ ନମୋ॑ ରୁ॒ଦ୍ରାଯା॑-ତତା॒ଵିନେ॒ କ୍ଷେତ୍ରା॑ଣା॒-ମ୍ପତ॑ଯେ॒ ନମୋ॒ ନମଃ॑ ସୂ॒ତାଯା-ହ॑ନ୍ତ୍ଯାଯ॒ ଵନା॑ନା॒-ମ୍ପତ॑ଯେ॒ ନମୋ॒ ନମୋ॒ [ନମଃ॑, ରୋହି॑ତାଯ] 5

ରୋହି॑ତାଯ ସ୍ଥ॒ପତ॑ଯେ ଵୃ॒କ୍ଷାଣା॒-ମ୍ପତ॑ଯେ॒ ନମୋ॒ ନମୋ॑ ମ॒ନ୍ତ୍ରିଣେ॑ ଵାଣି॒ଜାଯ॒ କକ୍ଷା॑ଣା॒-ମ୍ପତ॑ଯେ॒ ନମୋ॒ ନମୋ॑ ଭୁଵ॒ନ୍ତଯେ॑ ଵାରିଵସ୍କୃ॒ତା-ଯୌଷ॑ଧୀନା॒-ମ୍ପତ॑ଯେ॒ ନମୋ॒ ନମ॑ ଉ॒ଚ୍ଚୈ-ର୍ଘୋ॑ଷାଯା କ୍ର॒ନ୍ଦଯ॑ତେ ପତ୍ତୀ॒ନା-ମ୍ପତ॑ଯେ॒ ନମୋ॒ ନମଃ॑ କୃଥ୍ସ୍ନଵୀ॒ତାଯ॒ ଧାଵ॑ତେ॒ ସତ୍ତ୍ଵ॑ନା॒-ମ୍ପତ॑ଯେ॒ ନମଃ॑

॥ 4 ॥

ଶ୍ଲୋକ 3

(ଵନା॑ନା॒-ମ୍ପତ॑ଯେ॒ ନମୋ॒ ନମ॒ - ଏକା॒ନ୍ନତ୍ରି॒ଗ୍ଂ॒ଶଚ୍ଚ॑ ) (ଅ. 2)

ନମ॒-ସ୍ସହ॑ମାନାଯ ନିଵ୍ଯା॒ଧିନ॑ ଆଵ୍ଯା॒ଧିନୀ॑ନା॒-ମ୍ପତ॑ଯେ॒ ନମୋ॒ ନମଃ॑ କକୁ॒ଭାଯ॑ ନିଷ॒ଙ୍ଗିଣେ᳚ ସ୍ତେ॒ନାନା॒-ମ୍ପତ॑ଯେ॒ ନମୋ॒ ନମୋ॑ ନିଷ॒ଙ୍ଗିଣ॑ ଇଷୁଧି॒ମତେ॒ ତସ୍କ॑ରାଣା॒-ମ୍ପତ॑ଯେ॒ ନମୋ॒ ନମୋ॒ ଵଞ୍ଚ॑ତେ ପରି॒ଵଞ୍ଚ॑ତେ ସ୍ତାଯୂ॒ନା-ମ୍ପତ॑ଯେ॒ ନମୋ॒ ନମୋ॑ ନିଚେ॒ରଵେ॑ ପରିଚ॒ରାଯାର॑ଣ୍ଯାନା॒-ମ୍ପତ॑ଯେ॒ ନମୋ॒ ନମଃ॑ ସୃକା॒ଵିଭ୍ଯୋ॒ ଜିଘାଗ୍ଂ॑ସଦ୍ଭ୍ଯୋ ମୁଷ୍ଣ॒ତା-ମ୍ପତ॑ଯେ॒ ନମୋ॒ ନମୋ॑ ଽସି॒ମଦ୍ଭ୍ଯୋ॒ ନକ୍ତ॒-ଞ୍ଚର॑ଦ୍ଭ୍ଯଃ ପ୍ରକୃ॒ନ୍ତାନା॒-ମ୍ପତ॑ଯେ॒ ନମୋ॒ ନମ॑ ଉଷ୍ଣୀ॒ଷିଣେ॑ ଗିରିଚ॒ରାଯ॑ କୁଲୁ॒ଞ୍ଚାନା॒-ମ୍ପତ॑ଯେ॒ ନମୋ॒ ନମ॒ [ନମଃ॑, ଇଷୁ॑ମଦ୍ଭ୍ଯୋ] 7

ଇଷୁ॑ମଦ୍ଭ୍ଯୋ ଧନ୍ଵା॒ଵିଭ୍ଯ॑ଶ୍ଚ ଵୋ॒ ନମୋ॒ ନମ॑ ଆତନ୍ଵା॒ନେଭ୍ଯଃ॑ ପ୍ରତି॒ଦଧା॑ନେଭ୍ଯଶ୍ଚ ଵୋ॒ ନମୋ॒ ନମ॑ ଆ॒ଯଚ୍ଛ॑ଦ୍ଭ୍ଯୋ ଵିସୃ॒ଜଦ୍ଭ୍ଯ॑ଶ୍ଚ ଵୋ॒ ନମୋ॒ ନମୋ-ଽସ୍ଯ॑ଦ୍ଭ୍ଯୋ॒ ଵିଦ୍ଧ୍ଯ॑ଦ୍ଭ୍ଯଶ୍ଚ ଵୋ॒ ନମୋ॒ ନମ॒ ଆସୀ॑ନେଭ୍ଯ॒-ଶ୍ଶଯା॑ନେଭ୍ଯଶ୍ଚ ଵୋ॒ ନମୋ॒ ନମଃ॑ ସ୍ଵ॒ପଦ୍ଭ୍ଯୋ॒ ଜାଗ୍ର॑ଦ୍ଭ୍ଯଶ୍ଚ ଵୋ॒ ନମୋ॒ ନମ॒ସ୍ତିଷ୍ଠ॑ଦ୍ଭ୍ଯୋ॒ ଧାଵ॑ଦ୍ଭ୍ଯଶ୍ଚ ଵୋ॒ ନମୋ॒ ନମଃ॑ ସ॒ଭାଭ୍ଯଃ॑ ସ॒ଭାପ॑ତିଭ୍ଯଶ୍ଚ ଵୋ॒ ନମୋ॒ ନମୋ॒ ଅଶ୍ଵେ॒ଭ୍ଯୋ ଽଶ୍ଵ॑ପତିଭ୍ଯ ଶ୍ଚ ଵୋ॒ ନମଃ॑

॥ 6 ॥

ଶ୍ଲୋକ 4

(କୁ॒ଲୁ॒ଞ୍ଚାନା॒-ମ୍ପତ॑ଯେ॒ ନମୋ॒ ନମୋ - ଽଶ୍ଵ॑ପତିଭ୍ଯ॒ - ସ୍ତ୍ରୀଣି॑ ଚ) (ଅ. 3)

ନମ॑ ଆଵ୍ଯା॒ଧିନୀ᳚ଭ୍ଯୋ ଵି॒ଵିଦ୍ଧ୍ଯ॑ନ୍ତୀଭ୍ଯଶ୍ଚ ଵୋ॒ ନମୋ॒ ନମ॒ ଉଗ॑ଣାଭ୍ଯ-ସ୍ତୃଗ୍ଂହ॒ତୀଭ୍ଯ॑ଶ୍ଚ ଵୋ॒ ନମୋ॒ ନମୋ॑ ଗୃ॒ଥ୍ସେଭ୍ଯୋ॑ ଗୃ॒ଥ୍ସପ॑ତିଭ୍ଯଶ୍ଚ ଵୋ॒ ନମୋ॒ ନମୋ॒ ଵ୍ରାତେ᳚ଭ୍ଯୋ॒ ଵ୍ରାତ॑ପତିଭ୍ଯଶ୍ଚ ଵୋ॒ ନମୋ॒ ନମୋ॑ ଗ॒ଣେଭ୍ଯୋ॑ ଗ॒ଣପ॑ତିଭ୍ଯଶ୍ଚ ଵୋ॒ ନମୋ॒ ନମୋ॒ ଵିରୂ॑ପେଭ୍ଯୋ ଵି॒ଶ୍ଵରୂ॑ପେଭ୍ଯଶ୍ଚ ଵୋ॒ ନମୋ॒ ନମୋ॑ ମ॒ହଦ୍ଭ୍ଯଃ॑ କ୍ଷୁଲ୍ଲ॒କେଭ୍ଯ॑ଶ୍ଚ ଵୋ॒ ନମୋ॒ ନମୋ॑ ର॒ଥିଭ୍ଯୋ॑-ଽର॒ଥେଭ୍ଯ॑ଶ୍ଚ ଵୋ॒ ନମୋ॒ ନମୋ॒ ରଥେ᳚ଭ୍ଯୋ॒ [ନମୋ॒ ରଥେ᳚ଭ୍ଯଃ, ରଥ॑ପତିଭ୍ଯଶ୍ଚ] 9

ରଥ॑ପତିଭ୍ଯଶ୍ଚ ଵୋ॒ ନମୋ॒ ନମ॒-ସ୍ସେନା᳚ଭ୍ଯ-ସ୍ସେନା॒ନିଭ୍ଯ॑ଶ୍ଚ ଵୋ॒ ନମୋ॒ ନମଃ॑ କ୍ଷ॒ତ୍ତୃଭ୍ଯଃ॑ ସଙ୍ଗ୍ରହୀ॒ତୃଭ୍ଯ॑ଶ୍ଚ ଵୋ॒ ନମୋ॒ ନମ॒ସ୍ତକ୍ଷ॑ଭ୍ଯୋ ରଥକା॒ରେଭ୍ଯ॑ଶ୍ଚ ଵୋ॒ ନମୋ॒ ନମଃ॒ କୁଲା॑ଲେଭ୍ଯଃ କ॒ର୍ମାରେ᳚ଭ୍ଯଶ୍ଚ ଵୋ॒ ନମୋ॒ ନମଃ॑ ପୁ॒ଞ୍ଜିଷ୍ଟେ᳚ଭ୍ଯୋ ନିଷା॒ଦେଭ୍ଯ॑ଶ୍ଚ ଵୋ॒ ନମୋ॒ ନମ॑ ଇଷୁ॒କୃଦ୍ଭ୍ଯୋ॑ ଧନ୍ଵ॒କୃଦ୍ଭ୍ଯ॑ଶ୍ଚ ଵୋ॒ ନମୋ॒ ନମୋ॑ ମୃଗ॒ଯୁଭ୍ଯଃ॑ ଶ୍ଵ॒ନିଭ୍ଯ॑ଶ୍ଚ ଵୋ॒ ନମୋ॒ ନମ॒-ଶ୍ଶ୍ଵଭ୍ଯ॒-ଶ୍ଶ୍ଵପ॑ତିଭ୍ଯଶ୍ଚ ଵୋ॒ ନମଃ॑

॥ 8 ॥

ଶ୍ଲୋକ 5

(ରଥେ᳚ଭ୍ଯଃ॒ - ଶ୍ଵପ॑ତିଭ୍ଯଶ୍ଚ॒ - ଦ୍ଵେ ଚ॑ ) (ଅ. 4)

ନମୋ॑ ଭ॒ଵାଯ॑ ଚ ରୁ॒ଦ୍ରାଯ॑ ଚ॒ ନମଃ॑ ଶ॒ର୍ଵାଯ॑ ଚ ପଶୁ॒ପତ॑ଯେ ଚ॒ ନମୋ॒ ନୀଲ॑ଗ୍ରୀଵାଯ ଚ ଶିତି॒କଣ୍ଠା॑ଯ ଚ॒ ନମଃ॑ କପ॒ର୍ଦିନେ॑ ଚ॒ ଵ୍ଯୁ॑ପ୍ତକେଶାଯ ଚ॒ ନମଃ॑ ସହସ୍ରା॒କ୍ଷାଯ॑ ଚ ଶ॒ତଧ॑ନ୍ଵନେ ଚ॒ ନମୋ॑ ଗିରି॒ଶାଯ॑ ଚ ଶିପିଵି॒ଷ୍ଟାଯ॑ ଚ॒ ନମୋ॑ ମୀ॒ଢୁଷ୍ଟ॑ମାଯ॒ ଚେଷୁ॑ମତେ ଚ॒ ନମୋ᳚ ହ୍ର॒ସ୍ଵାଯ॑ ଚ ଵାମ॒ନାଯ॑ ଚ॒ ନମୋ॑ ବୃହ॒ତେ ଚ॒ ଵର୍​ଷୀ॑ଯସେ ଚ॒ ନମୋ॑ ଵୃ॒ଦ୍ଧାଯ॑ ଚ ସଂ॒​ଵୃଁଦ୍ଧ୍ଵ॑ନେ ଚ॒ [ସଂ॒​ଵୃଁଦ୍ଧ୍ଵ॑ନେ ଚ, ନମୋ॒ ଅଗ୍ରି॑ଯାଯ ଚ] 11

ନମୋ॒ ଅଗ୍ରି॑ଯାଯ ଚ ପ୍ରଥ॒ମାଯ॑ ଚ॒ ନମ॑ ଆ॒ଶଵେ॑ ଚାଜି॒ରାଯ॑ ଚ॒ ନମQସ୍ଶୀଘ୍ରି॑ଯାଯ ଚ॒ ଶୀଭ୍ଯା॑ଯ ଚ॒ ନମ॑ ଊ॒ର୍ମ୍ଯା॑ଯ ଚାଵସ୍ଵ॒ନ୍ଯା॑ଯ ଚ॒ ନମଃ॑ ସ୍ରୋତ॒ସ୍ଯା॑ଯ ଚ॒ ଦ୍ଵୀପ୍ଯା॑ଯ ଚ

॥ 10 ॥

ଶ୍ଲୋକ 6

(ସଂ॒​ଵୃଁଦ୍ଧ୍ଵ॑ନେ ଚ॒ - ପଞ୍ଚ॑ଵିଗ୍ଂଶତିଶ୍ଚ) (ଅ. 5)

ନମୋ᳚ ଜ୍ଯେ॒ଷ୍ଠାଯ॑ ଚ କନି॒ଷ୍ଠାଯ॑ ଚ॒ ନମଃ॑ ପୂର୍ଵ॒ଜାଯ॑ ଚାପର॒ଜାଯ॑ ଚ॒ ନମୋ॑ ମଦ୍ଧ୍ଯ॒ମାଯ॑ ଚାପଗ॒ଲ୍ଭାଯ॑ ଚ॒ ନମୋ॑ ଜଘ॒ନ୍ଯା॑ଯ ଚ॒ ବୁଦ୍ଧ୍ନି॑ଯାଯ ଚ॒ ନମଃ॑ ସୋ॒ଭ୍ଯା॑ଯ ଚ ପ୍ରତିସ॒ର୍ଯା॑ଯ ଚ॒ ନମୋ॒ ଯାମ୍ଯା॑ଯ ଚ॒ କ୍ଷେମ୍ଯା॑ଯ ଚ॒ ନମ॑ ଉର୍ଵ॒ର୍ଯା॑ଯ ଚ॒ ଖଲ୍ଯା॑ଯ ଚ॒ ନମ॒-ଶ୍ଶ୍ଲୋକ୍ଯା॑ଯ ଚାଵସା॒ନ୍ଯା॑ଯ ଚ॒ ନମୋ॒ ଵନ୍ଯା॑ଯ ଚ॒ କକ୍ଷ୍ଯା॑ଯ ଚ॒ ନମଃ॑ ଶ୍ର॒ଵାଯ॑ ଚ ପ୍ରତିଶ୍ର॒ଵାଯ॑ ଚ॒ [ପ୍ରତିଶ୍ର॒ଵାଯ॑ ଚ, ନମ॑ ଆ॒ଶୁଷେ॑ଣାଯ] 13

ନମ॑ ଆ॒ଶୁଷେ॑ଣାଯ ଚା॒ଶୁର॑ଥାଯ ଚ॒ ନମ॒-ଶ୍ଶୂରା॑ଯ ଚାଵଭିନ୍ଦ॒ତେ ଚ॒ ନମୋ॑ ଵ॒ର୍ମିଣେ॑ ଚ ଵରୂ॒ଥିନେ॑ ଚ॒ ନମୋ॑ ବି॒ଲ୍ମିନେ॑ ଚ କଵ॒ଚିନେ॑ ଚ॒ ନମଃ॑ ଶ୍ରୁ॒ତାଯ॑ ଚ ଶ୍ରୁତସେ॒ନାଯ॑ ଚ

॥ 12 ॥

ଶ୍ଲୋକ 7

(ପ୍ର॒ତି॒ଶ୍ର॒ଵାଯ॑ ଚ॒ - ପଞ୍ଚ॑ଵିଗ୍ଂଶତିଶ୍ଚ) (ଅ. 6)

ନମୋ॑ ଦୁନ୍ଦୁ॒ଭ୍ଯା॑ଯ ଚାହନ॒ନ୍ଯା॑ଯ ଚ॒ ନମୋ॑ ଧୃ॒ଷ୍ଣଵେ॑ ଚ ପ୍ରମୃ॒ଶାଯ॑ ଚ॒ ନମୋ॑ ଦୂ॒ତାଯ॑ ଚ॒ ପ୍ରହି॑ତାଯ ଚ॒ ନମୋ॑ ନିଷ॒ଙ୍ଗିଣେ॑ ଚେଷୁଧି॒ମତେ॑ ଚ॒ ନମ॑ ସ୍ତୀ॒କ୍ଷ୍ଣେଷ॑ଵେ ଚାଯୁ॒ଧିନେ॑ ଚ॒ ନମଃ॑ ସ୍ଵାଯୁ॒ଧାଯ॑ ଚ ସୁ॒ଧନ୍ଵ॑ନେ ଚ॒ ନମ॒-ସ୍ସ୍ରୁତ୍ଯା॑ଯ ଚ॒ ପଥ୍ଯା॑ଯ ଚ॒ ନମଃ॑ କା॒ଟ୍ଯା॑ଯ ଚ ନୀ॒ପ୍ଯା॑ଯ ଚ॒ ନମ॒-ସ୍ସୂଦ୍ଯା॑ଯ ଚ ସର॒ସ୍ଯା॑ଯ ଚ॒ ନମୋ॑ ନା॒ଦ୍ଯାଯ॑ ଚ ଵୈଶ॒ନ୍ତାଯ॑ ଚ॒ [ଵୈଶ॒ନ୍ତାଯ॑ ଚ, ନମଃ॒ କୂପ୍ଯା॑ଯ] 15

ନମଃ॒ କୂପ୍ଯା॑ଯ ଚାଵ॒ଟ୍ଯା॑ଯ ଚ॒ ନମୋ॒ ଵର୍​ଷ୍ଯା॑ଯ ଚାଵ॒ର୍​ଷ୍ଯାଯ॑ ଚ॒ ନମୋ॑ ମେ॒ଘ୍ଯା॑ଯ ଚ ଵିଦ୍ଯୁ॒ତ୍ଯା॑ଯ ଚ॒ ନମ॑ ଈ॒ଦ୍ଧ୍ରିଯା॑ଯ ଚାତ॒ପ୍ଯା॑ଯ ଚ॒ ନମୋ॒ ଵାତ୍ଯା॑ଯ ଚ॒ ରେଷ୍ମି॑ଯାଯ ଚ॒ ନମୋ॑ ଵାସ୍ତ॒ଵ୍ଯା॑ଯ ଚ ଵାସ୍ତୁ॒ପାଯ॑ ଚ

॥ 14 ॥

ଶ୍ଲୋକ 8

(ଵୈ॒ଶ॒ନ୍ତାଯ॑ ଚ - ତ୍ରି॒ଗ୍ଂ॒ଶଚ୍ଚ॑) (ଅ. 7)

ନମ॒-ସ୍ସୋମା॑ଯ ଚ ରୁ॒ଦ୍ରାଯ॑ ଚ॒ ନମ॑ସ୍ତା॒ମ୍ରାଯ॑ ଚାରୁ॒ଣାଯ॑ ଚ॒ ନମଃ॑ ଶ॒ଙ୍ଗାଯ॑ ଚ ପଶୁ॒ପତ॑ଯେ ଚ॒ ନମ॑ ଉ॒ଗ୍ରାଯ॑ ଚ ଭୀ॒ମାଯ॑ ଚ॒ ନମୋ॑ ଅଗ୍ରେଵ॒ଧାଯ॑ ଚ ଦୂରେଵ॒ଧାଯ॑ ଚ॒ ନମୋ॑ ହ॒ନ୍ତ୍ରେ ଚ॒ ହନୀ॑ଯସେ ଚ॒ ନମୋ॑ ଵୃ॒କ୍ଷେଭ୍ଯୋ॒ ହରି॑କେଶେଭ୍ଯୋ॒ ନମ॑ସ୍ତା॒ରାଯ॒ ନମଃ॑ ଶ॒ମ୍ଭଵେ॑ ଚ ମଯୋ॒ଭଵେ॑ ଚ॒ ନମଃ॑ ଶଙ୍କ॒ରାଯ॑ ଚ ମଯସ୍କ॒ରାଯ॑ ଚ॒ ନମଃ॑ ଶି॒ଵାଯ॑ ଚ ଶି॒ଵତ॑ରାଯ ଚ॒ [ଶି॒ଵତ॑ରାଯ ଚ, ନମ॒ସ୍ତୀର୍ଥ୍ଯା॑ଯ ଚ॒] 17

ନମ॒ସ୍ତୀର୍ଥ୍ଯା॑ଯ ଚ॒ କୂଲ୍ଯା॑ଯ ଚ॒ ନମଃ॑ ପା॒ର୍ଯା॑ଯ ଚାଵା॒ର୍ଯା॑ଯ ଚ॒ ନମଃ॑ ପ୍ର॒ତର॑ଣାଯ ଚୋ॒ତ୍ତର॑ଣାଯ ଚ॒ ନମ॑ ଆତା॒ର୍ଯା॑ଯ ଚାଲା॒ଦ୍ଯା॑ଯ ଚ॒ ନମ॒-ଶ୍ଶଷ୍ପ୍ଯା॑ଯ ଚ॒ ଫେନ୍ଯା॑ଯ ଚ॒ ନମଃ॑ ସିକ॒ତ୍ଯା॑ଯ ଚ ପ୍ରଵା॒ହ୍ଯା॑ଯ ଚ

॥ 16 ॥

ଶ୍ଲୋକ 9

(ଶି॒ଵତ॑ରାଯ ଚ - ତ୍ରି॒ଗ୍ଂ॒ଶଚ୍ଚ॑) (ଅ. 8)

ନମ॑ ଇରି॒ଣ୍ଯା॑ଯ ଚ ପ୍ରପ॒ଥ୍ଯା॑ଯ ଚ॒ ନମଃ॑ କିଗ୍ଂଶି॒ଲାଯ॑ ଚ॒ କ୍ଷଯ॑ଣାଯ ଚ॒ ନମଃ॑ କପ॒ର୍ଦିନେ॑ ଚ ପୁଲ॒ସ୍ତଯେ॑ ଚ॒ ନମୋ॒ ଗୋଷ୍ଠ୍ଯା॑ଯ ଚ॒ ଗୃହ୍ଯା॑ଯ ଚ॒ ନମ॒ସ୍ତଲ୍ପ୍ଯା॑ଯ ଚ॒ ଗେହ୍ଯା॑ଯ ଚ॒ ନମଃ॑ କା॒ଟ୍ଯା॑ଯ ଚ ଗହ୍ଵରେ॒ଷ୍ଠାଯ॑ ଚ॒ ନମୋ᳚ ହ୍ରଦ॒ଯ୍ଯା॑ଯ ଚ ନିଵେ॒ଷ୍ପ୍ଯା॑ଯ ଚ॒ ନମଃ॑ ପାଗ୍ଂସ॒ଵ୍ଯା॑ଯ ଚ ରଜ॒ସ୍ଯା॑ଯ ଚ॒ ନମ॒-ଶ୍ଶୁଷ୍କ୍ଯା॑ଯ ଚ ହରି॒ତ୍ଯା॑ଯ ଚ॒ ନମୋ॒ ଲୋପ୍ଯା॑ଯ ଚୋଲ॒ପ୍ଯା॑ଯ ଚ॒ [ଚୋଲ॒ପ୍ଯା॑ଯ ଚ, ନମ॑ ଊ॒ର୍ଵ୍ଯା॑ଯ ଚ] 19

ନମ॑ ଊ॒ର୍ଵ୍ଯା॑ଯ ଚ ସୂ॒ର୍ମ୍ଯା॑ଯ ଚ॒ ନମଃ॑ ପ॒ର୍ଣ୍ଯା॑ଯ ଚ ପର୍ଣଶ॒ଦ୍ଯା॑ଯ ଚ॒ ନମୋ॑-ଽପଗୁ॒ରମା॑ଣାଯ ଚାଭିଘ୍ନ॒ତେ ଚ॒ ନମ॑ ଆକ୍ଖିଦ॒ତେ ଚ॑ ପ୍ରକ୍ଖିଦ॒ତେ ଚ॒ ନମୋ॑ ଵଃ କିରି॒କେଭ୍ଯୋ॑ ଦେ॒ଵାନା॒ଗ୍ଂ॒ ହୃଦ॑ଯେଭ୍ଯୋ॒ ନମୋ॑ ଵିକ୍ଷୀଣ॒କେଭ୍ଯୋ॒ ନମୋ॑ ଵିଚିନ୍ଵ॒ତ୍କେଭ୍ଯୋ॒ ନମ॑ ଆନିର୍-ହ॒ତେଭ୍ଯୋ॒ ନମ॑ ଆମୀଵ॒ତ୍କେଭ୍ଯଃ॑

॥ 18 ॥

ଶ୍ଲୋକ 10

(ଉ॒ଲ॒ପ୍ଯା॑ଯ ଚ॒ - ତ୍ରଯ॑ସ୍ତ୍ରିଗ୍ଂଶଚ୍ଚ॑) (ଅ. 9)

ଦ୍ରାପେ॒ ଅନ୍ଧ॑ସସ୍ପତେ॒ ଦରି॑ଦ୍ର॒ନ୍ନୀଲ॑ଲୋହିତ । ଏ॒ଷା-ମ୍ପୁରୁ॑ଷାଣାମେ॒ଷା-ମ୍ପ॑ଶୂ॒ନା-ମ୍ମା ଭେ ର୍ମା-ଽରୋ॒ ମୋ ଏ॑ଷା॒-ଙ୍କିଞ୍ଚ॒ନାମ॑ମତ୍ ॥ ଯା ତେ॑ ରୁଦ୍ର ଶି॒ଵା ତ॒ନୂ-ଶ୍ଶି॒ଵା ଵି॒ଶ୍ଵାହ॑ଭେଷଜୀ । ଶି॒ଵା ରୁ॒ଦ୍ରସ୍ଯ॑ ଭେଷ॒ଜୀ ତଯା॑ ନୋ ମୃଡ ଜୀ॒ଵସେ᳚ ॥ ଇ॒ମାଗ୍ଂ ରୁ॒ଦ୍ରାଯ॑ ତ॒ଵସେ॑ କପ॒ର୍ଦିନେ᳚ କ୍ଷ॒ଯଦ୍ଵୀ॑ରାଯ॒ ପ୍ରଭ॑ରାମହେ ମ॒ତିମ୍ । ଯଥା॑ ନ॒-ଶ୍ଶମସ॑-ଦ୍ଦ୍ଵି॒ପଦେ॒ ଚତୁ॑ଷ୍ପଦେ॒ ଵିଶ୍ଵ॑-ମ୍ପୁ॒ଷ୍ଟ-ଙ୍ଗ୍ରାମେ॑ ଅ॒ସ୍ମି- [ଅ॒ସ୍ମିନ୍ନ୍, ଅନା॑ତୁରମ୍ ।] 21

-ନ୍ନନା॑ତୁରମ୍ ॥ ମୃ॒ଡା ନୋ॑ ରୁଦ୍ରୋ॒ ତନୋ॒ ମଯ॑ସ୍କୃଧି କ୍ଷ॒ଯଦ୍ଵୀ॑ରାଯ॒ ନମ॑ସା ଵିଧେମ ତେ । ଯଚ୍ଛ-ଞ୍ଚ॒ ଯୋଶ୍ଚ॒ ମନୁ॑ରାଯ॒ଜେ ପି॒ତା ତଦ॑ଶ୍ଯାମ॒ ତଵ॑ ରୁଦ୍ର॒ ପ୍ରଣୀ॑ତୌ ॥ ମା ନୋ॑ ମ॒ହାନ୍ତ॑ମୁ॒ତ ମା ନୋ॑ ଅର୍ଭ॒କ-ମ୍ମା ନ॒ ଉକ୍ଷ॑ନ୍ତମୁ॒ତ ମା ନ॑ ଉକ୍ଷି॒ତମ୍ । ମା ନୋ॑ ଵଧୀଃ ପି॒ତର॒-ମ୍ମୋତ ମା॒ତର॑-ମ୍ପ୍ରି॒ଯା ମା ନ॑ସ୍ତ॒ନୁଵୋ॑ [ମା ନ॑ସ୍ତ॒ନୁଵଃ॑, ରୁ॒ଦ୍ର॒ ରୀ॒ରି॒ଷଃ॒ ।] 22

ରୁଦ୍ର ରୀରିଷଃ ॥ ମା ନ॑ସ୍ତୋ॒କେ ତନ॑ଯେ॒ ମା ନ॒ ଆଯୁ॑ଷି॒ ମା ନୋ॒ ଗୋଷୁ॒ ମା ନୋ॒ ଅଶ୍ଵେ॑ଷୁ ରୀରିଷଃ । ଵୀ॒ରା-ନ୍ମାନୋ॑ ରୁଦ୍ର ଭାମି॒ତୋ ଵ॑ଧୀର୍-ହ॒ଵିଷ୍ମ॑ନ୍ତୋ॒ ନମ॑ସା ଵିଧେମ ତେ ॥ ଆ॒ରାତ୍ତେ॑ ଗୋ॒ଘ୍ନ ଉ॒ତ ପୂ॑ରୁଷ॒ଘ୍ନେ କ୍ଷ॒ଯଦ୍ଵୀ॑ରାଯ ସୁ॒ମ୍ନମ॒ସ୍ମେ ତେ॑ ଅସ୍ତୁ । ରକ୍ଷା॑ ଚ ନୋ॒ ଅଧି॑ ଚ ଦେଵ ବ୍ରୂ॒ହ୍ଯଧା॑ ଚ ନ॒-ଶ୍ଶର୍ମ॑ ଯଚ୍ଛ ଦ୍ଵି॒ବର୍​ହାଃ᳚ ॥ ସ୍ତୁ॒ହି [ ] 23

ଶ୍ରୁ॒ତ-ଙ୍ଗ॑ର୍ତ॒ସଦଂ॒-ଯୁଁଵା॑ନ-ମ୍ମୃ॒ଗ-ନ୍ନ ଭୀ॒ମ-ମୁ॑ପହ॒ତ୍ନୁ-ମୁ॒ଗ୍ରମ୍ । ମୃ॒ଡା ଜ॑ରି॒ତ୍ରେ ରୁ॑ଦ୍ର॒ ସ୍ତଵା॑ନୋ ଅ॒ନ୍ଯନ୍ତେ॑ ଅ॒ସ୍ମନ୍ନିଵ॑ପନ୍ତୁ॒ ସେନାଃ᳚ ॥ ପରି॑ଣୋ ରୁ॒ଦ୍ରସ୍ଯ॑ ହେ॒ତି ର୍ଵୃ॑ଣକ୍ତୁ॒ ପରି॑ତ୍ଵେ॒ଷସ୍ଯ॑ ଦୁର୍ମ॒ତିର॑ଘା॒ଯୋଃ । ଅଵ॑ ସ୍ଥି॒ରା ମ॒ଘଵ॑ଦ୍ଭ୍ଯ-ସ୍ତନୁଷ୍ଵ॒ ମୀଢ୍ଵ॑ସ୍ତୋ॒କାଯ॒ ତନ॑ଯାଯ ମୃଡଯ ॥ ମୀଢୁ॑ଷ୍ଟମ॒ ଶିଵ॑ତମ ଶି॒ଵୋ ନଃ॑ ସୁ॒ମନା॑ ଭଵ । ପ॒ର॒ମେ ଵୃ॒କ୍ଷ ଆଯୁ॑ଧ-ନ୍ନି॒ଧାଯ॒ କୃତ୍ତିଂ॒-ଵଁସା॑ନ॒ ଆଚ॑ର॒ ପିନା॑କ॒- [ଆଚ॑ର॒ ପିନା॑କମ୍, ବିଭ୍ର॒ଦାଗ॑ହି ।] 24

-ମ୍ବିଭ୍ର॒ଦାଗ॑ହି ॥ ଵିକି॑ରିଦ॒ ଵିଲୋ॑ହିତ॒ ନମ॑ସ୍ତେ ଅସ୍ତୁ ଭଗଵଃ । ଯାସ୍ତେ॑ ସ॒ହସ୍ରଗ୍ଂ॑ ହେ॒ତଯୋ॒-ଽନ୍ଯ-ମ॒ସ୍ମନ୍ନି ଵ॑ପନ୍ତୁ॒ ତାଃ ॥ ସ॒ହସ୍ରା॑ଣି ସହସ୍ର॒ଧା ବା॑ହୁ॒ଵୋସ୍ତଵ॑ ହେ॒ତଯଃ॑ । ତାସା॒ମୀଶା॑ନୋ ଭଗଵଃ ପରା॒ଚୀନା॒ ମୁଖା॑ କୃଧି

॥ 20 ॥

ଶ୍ଲୋକ 11

(ଅ॒ସ୍ମିଗ୍ଗ୍​-ସ୍ତ॒ନୁଵଃ॑-ସ୍ତୁ॒ହି-ପିନା॑କ॒-ମେକା॒ନ୍ନତ୍ରି॒ଗ୍ଂ॒ଶଚ୍ଚ॑) (ଅ. 10)

ସ॒ହସ୍ରା॑ଣି ସହସ୍ର॒ଶୋ ଯେ ରୁ॒ଦ୍ରା ଅଧି॒ ଭୂମ୍ଯା᳚ମ୍ । ତେଷାଗ୍ଂ॑ ସହସ୍ରଯୋଜ॒ନେ ଽଵ॒ଧନ୍ଵା॑ନି ତନ୍ମସି ॥ ଅ॒ସ୍ମି-ନ୍ମ॑ହ॒ତ୍ଯ॑ର୍ଣ॒ଵେ᳚-ଽନ୍ତରି॑କ୍ଷେ ଭ॒ଵା ଅଧି॑ ॥ ନୀଲ॑ଗ୍ରୀଵା-ଶ୍ଶିତି॒କଣ୍ଠା᳚-ଶ୍ଶ॒ର୍ଵା ଅ॒ଧଃ, କ୍ଷ॑ମାଚ॒ରାଃ ॥ ନୀଲ॑ଗ୍ରୀଵା-ଶ୍ଶିତି॒କଣ୍ଠା॒ ଦିଵଗ୍ଂ॑ ରୁ॒ଦ୍ରା ଉପ॑ଶ୍ରିତାଃ ॥ ଯେ ଵୃ॒କ୍ଷେଷୁ॑ ସ॒ସ୍ପିଞ୍ଜ॑ରା॒ ନୀଲ॑ଗ୍ରୀଵା॒ ଵିଲୋ॑ହିତାଃ ॥ ଯେ ଭୂ॒ତାନା॒-ମଧି॑ପତଯୋ ଵିଶି॒ଖାସଃ॑ କପ॒ର୍ଦି॑ନଃ ॥ ଯେ ଅନ୍ନେ॑ଷୁ ଵି॒ଵିଦ୍ଧ୍ଯ॑ନ୍ତି॒ ପାତ୍ରେ॑ଷୁ॒ ପିବ॑ତୋ॒ ଜନାନ୍॑ ॥ ଯେ ପ॒ଥା-ମ୍ପ॑ଥି॒ରକ୍ଷ॑ଯ ଐଲବୃ॒ଦା ଯ॒ଵ୍ଯୁଧଃ॑ ॥ ଯେ ତୀ॒ର୍ଥାନି॑ - [ ] 26

ପ୍ର॒ଚର॑ନ୍ତି ସୃ॒କାଵ॑ନ୍ତୋ ନିଷ॒ଙ୍ଗିଣଃ॑ ॥ ଯ ଏ॒ତାଵ॑ନ୍ତଶ୍ଚ॒ ଭୂଯାଗ୍ଂ॑ସଶ୍ଚ॒ ଦିଶୋ॑ ରୁ॒ଦ୍ରା ଵି॑ତସ୍ଥି॒ରେ ॥ ତେଷାଗ୍ଂ॑ ସହସ୍ରଯୋଜ॒ନେ ଽଵ॒ଧନ୍ଵା॑ନି ତନ୍ମସି ॥ ନମୋ॑ ରୁ॒ଦ୍ରେଭ୍ଯୋ॒ ଯେ ପୃ॑ଥି॒ଵ୍ଯାଂ-ଯେଁ᳚-ଽନ୍ତରି॑କ୍ଷେ॒ ଯେ ଦି॒ଵି ଯେଷା॒ମନ୍ନଂ॒ ଁଵାତୋ॑ ଵ॒ର୍॒ଷମିଷ॑ଵ॒ସ୍ତେଭ୍ଯୋ॒ ଦଶ॒ ପ୍ରାଚୀ॒ ର୍ଦଶ॑ଦକ୍ଷି॒ଣା ଦଶ॑ପ୍ର॒ତୀଚୀ॒ ର୍ଦଶୋଦୀ॑ଚୀ॒ ର୍ଦଶୋ॒ର୍ଧ୍ଵା-ସ୍ତେଭ୍ଯୋ॒ ନମ॒ସ୍ତେ ନୋ॑ ମୃଡଯନ୍ତୁ॒ ତେ ଯ-ନ୍ଦ୍ଵି॒ଷ୍ମୋ ଯଶ୍ଚ॑ ନୋ॒ ଦ୍ଵେଷ୍ଟି॒ ତଂ-ଵୋଁ॒ ଜମ୍ଭେ॑ ଦଧାମି

॥ 25 ॥

ଶ୍ଲୋକ 12

(ତୀ॒ର୍ଥାନି॒ - ଯଶ୍ଚ॒ - ଷଟ୍ ଚ॑ ) (ଅ. 11)

(ନମ॑ସ୍ତେ ରୁଦ୍ର॒ - ନମୋ॒ ହିର॑ଣ୍ଯବାହଵେ॒ - ନମ॒-ସ୍ସହ॑ମାନାଯ॒ - ନମ॑ ଆଵ୍ଯା॒ଧିନୀ᳚ଭ୍ଯୋ॒ - ନମୋ॑ ଭ॒ଵାଯ॒ - ନମୋ᳚ ଜ୍ଯେ॒ଷ୍ଠାଯ॒ - ନମୋ॑ ଦୁନ୍ଦୁ॒ଭ୍ଯା॑ଯ॒ - ନମ॒-ସ୍ସୋମା॑ଯ॒ - ନମ॑ ଇରି॒ଣ୍ଯା॑ଯ॒ - ଦ୍ରାପ॑ - ସ॒ହସ୍ରା॒ - ଣ୍ଯେକା॑ଦଶ)

(ନମ॑ସ୍ତେ ରୁଦ୍ର॒ - ନମୋ॑ ଭ॒ଵାଯ॒ - ଦ୍ରାପେ॑ - ସ॒ପ୍ତଵିଗ୍ଂ॑ଶତିଃ)

(ନମ॑ସ୍ତେ ରୁଦ୍ର॒, ତଂ-ଵୋଁ॒ ଜମ୍ଭେ॑ ଦଧାମି)

॥ ହରିଃ॑ ଓମ୍ ॥

॥ କୃଷ୍ଣ ଯଜୁର୍ଵେଦୀଯ ତୈତ୍ତିରୀଯ ସଂହିତାଯା-ଞ୍ଚତୁର୍ଥ କାଣ୍ଡେ ପଞ୍ଚମଃ ପ୍ରଶ୍ନ-ସ୍ସମାପ୍ତଃ ॥