Krishna Ashtakam

kRRiShNAShTakam

shloka 1

vasudeva sutaM devaM kaMsa chANUra mardanam |

devakI paramAnandaM kRRiShNaM vande jagadgurum ||

atasI puShpa sa~NkAshaM hAra nUpura shobhitam |

ratna ka~NkaNa keyUraM kRRiShNaM vande jagadgurum ||

kuTilAlaka saMyuktaM pUrNachandra nibhAnanam |

vilasat kuNDaladharaM kRRiShNaM vande jagadguram ||

mandAra gandha saMyuktaM chAruhAsaM chaturbhujam |

barhi pinChAva chUDANgaM kRRiShNaM vande jagadgurum ||

utphulla padmapatrAkShaM nIla jImUta sannibham |

yAdavAnAM shiroratnaM kRRiShNaM vande jagadgurum ||

rukmiNI keli saMyuktaM pItAmbara sushobhitam |

avApta tulasI gandhaM kRRiShNaM vande jagadgurum ||

gopikAnAM kuchadvanda kuNkumANkita vakShasam |

shrIniketaM maheShvAsaM kRRiShNaM vande jagadgurum ||

shrIvatsA~NkaM mahoraskaM vanamAlA virAjitam |

sha~Nkhachakra dharaM devaM kRRiShNaM vande jagadgurum ||

kRRiShNAShTaka midaM puNyaM prAtarutthAya yaH paThet |

koTijanma kRRitaM pApaM smaraNena vinashyati ||