Krishna Ashtakam
కృష్ణాష్టకమ్
Krishna Ashtakam
కృష్ణాష్టకమ్
శ్లోక 1
వసుదేవ సుతం దేవం కంస చాణూర మర్దనమ్ ।
దేవకీ పరమానన్దం కృష్ణం వన్దే జగద్గురుమ్ ॥
అతసీ పుష్ప సఙ్కాశం హార నూపుర శోభితమ్ ।
రత్న కఙ్కణ కేయూరం కృష్ణం వన్దే జగద్గురుమ్ ॥
కుటిలాలక సంయుక్తం పూర్ణచన్ద్ర నిభాననమ్ ।
విలసత్ కుణ్డలధరం కృష్ణం వన్దే జగద్గురమ్ ॥
మన్దార గన్ధ సంయుక్తం చారుహాసం చతుర్భుజమ్ ।
బర్హి పిఞ్ఛావ చూడాఙ్గం కృష్ణం వన్దే జగద్గురుమ్ ॥
ఉత్ఫుల్ల పద్మపత్రాక్షం నీల జీమూత సన్నిభమ్ ।
యాదవానాం శిరోరత్నం కృష్ణం వన్దే జగద్గురుమ్ ॥
రుక్మిణీ కేలి సంయుక్తం పీతామ్బర సుశోభితమ్ ।
అవాప్త తులసీ గన్ధం కృష్ణం వన్దే జగద్గురుమ్ ॥
గోపికానాం కుచద్వన్ద కుఙ్కుమాఙ్కిత వక్షసమ్ ।
శ్రీనికేతం మహేష్వాసం కృష్ణం వన్దే జగద్గురుమ్ ॥
శ్రీవత్సాఙ్కం మహోరస్కం వనమాలా విరాజితమ్ ।
శఙ్ఖచక్ర ధరం దేవం కృష్ణం వన్దే జగద్గురుమ్ ॥
కృష్ణాష్టక మిదం పుణ్యం ప్రాతరుత్థాయ యః పఠేత్ ।
కోటిజన్మ కృతం పాపం స్మరణేన వినశ్యతి ॥