Ganesha Bhujanga Stotram

ගණේශ භුජඞ්ගම්

ශ්ලොක 1

රණත්ක්ෂුද්රඝණ්ටානිනාදාභිරාමං

චලත්තාණ්ඩවෝද්දණ්ඩවත්පද්මතාලම් .

ලසත්තුන්දිලාඞ්ගෝපරිව්යාලහාරං

ගණාධීශමීශානසූනුං තමීඩේ .. 1 ..

ධ්වනිධ්වංසවීණාලයෝල්ලාසිවක්ත්රං

ස්ඵුරච්ඡුණ්ඩදණ්ඩෝල්ලසද්බීජපූරම් .

ගලද්දර්පසෞගන්ධ්යලෝලාලිමාලං

ගණාධීශමීශානසූනුං තමීඩේ .. 2 ..

ප්රකාශජ්ජපාරක්තරත්නප්රසූන-

ප්රවාලප්රභාතාරුණජ්යෝතිරේකම් .

ප්රලම්බෝදරං වක්රතුණ්ඩෛකදන්තං

ගණාධීශමීශානසූනුං තමීඩේ .. 3 ..

විචිත්රස්ඵුරද්රත්නමාලාකිරීටං

කිරීටෝල්ලසච්චන්ද්රරේඛාවිභූෂම් .

විභූෂෛකභූෂං භවධ්වංසහේතුං

ගණාධීශමීශානසූනුං තමීඩේ .. 4 ..

උදඤ්චද්භුජාවල්ලරීදෘශ්යමූලෝ-

ච්චලද්භ්රූලතාවිභ්රමභ්රාජදක්ෂම් .

මරුත්සුන්දරීචාමරෛඃ සේව්යමානං

ගණාධීශමීශානසූනුං තමීඩේ .. 5 ..

ස්ඵුරන්නිෂ්ඨුරාලෝලපිඞ්ගාක්ෂිතාරං

කෘපාකෝමලෝදාරලීලාවතාරම් .

කලාබින්දුගං ගීයතේ යෝගිවර්යෛ-

ර්ගණාධීශමීශානසූනුං තමීඩේ .. 6 ..

යමේකාක්ෂරං නිර්මලං නිර්විකල්පං

ගුණාතීතමානන්දමාකාරශූන්යම් .

පරං පාරමෝඞ්කාරමාම්නායගර්භං

වදන්ති ප්රගල්භං පුරාණං තමීඩේ .. 7 ..

චිදානන්දසාන්ද්රාය ශාන්තාය තුභ්යං

නමෝ විශ්වකර්ත්රේ ච හර්ත්රේ ච තුභ්යම් .

නමෝ(අ)නන්තලීලාය කෛවල්යභාසේ

නමෝ විශ්වබීජ ප්රසීදේශසූනෝ .. 8 ..

ඉමං සුස්තවං ප්රාතරුත්ථාය භක්ත්යා

පඨේද්යස්තු මර්ත්යෝ ලභේත්සර්වකාමාන් .

ගණේශප්රසාදේන සිද්ධ්යන්ති වාචෝ

ගණේශේ විභෞ දුර්ලභං කිං ප්රසන්නේ .. 9 ..