Ganesha Ashtakam

ගණේශ අෂ්ටකම්

ශ්ලොක 1

සර්වේ උචුඃ .

යතෝ(අ)නන්තශක්තේරනන්තාශ්ච ජීවා

යතෝ නිර්ගුණාදප්රමේයා ගුණාස්තේ .

යතෝ භාති සර්වං ත්රිධා භේදභින්නං

සදා තං ගණේශං නමාමෝ භජාමඃ .. 1 ..

යතශ්චාවිරාසීජ්ජගත්සර්වමේත-

-ත්තථාබ්ජාසනෝ විශ්වගෝ විශ්වගෝප්තා .

තථේන්ද්රාදයෝ දේවසඞ්ඝා මනුෂ්යාඃ

සදා තං ගණේශං නමාමෝ භජාමඃ .. 2 ..

යතෝ වහ්නිභානූ භවෝ භූර්ජලං ච

යතඃ සාගරාශ්චන්ද්රමා ව්යෝම වායුඃ .

යතඃ ස්ථාවරා ජඞ්ගමා වෘක්ෂසඞ්ඝාඃ

සදා තං ගණේශං නමාමෝ භජාමඃ .. 3 ..

යතෝ දානවාඃ කින්නරා යක්ෂසඞ්ඝා

යතශ්චාරණා වාරණාඃ ශ්වාපදාශ්ච .

යතඃ පක්ෂිකීටා යතෝ වීරුධශ්ච

සදා තං ගණේශං නමාමෝ භජාමඃ .. 4 ..

යතෝ බුද්ධිරජ්ඤානනාශෝ මුමුක්ෂෝ-

-ර්යතඃ සම්පදෝ භක්තසන්තෝෂදාඃ ස්යුඃ .

යතෝ විඝ්නනාශෝ යතඃ කාර්යසිද්ධිඃ

සදා තං ගණේශං නමාමෝ භජාමඃ .. 5 ..

යතඃ පුත්රසම්පද්යතෝ වාඤ්ඡිතාර්ථෝ

යතෝ(අ)භක්තවිඝ්නාස්තථා(අ)නේකරූපාඃ .

යතඃ ශෝකමෝහෞ යතඃ කාම ඒව

සදා තං ගණේශං නමාමෝ භජාමඃ .. 6 ..

යතෝ(අ)නන්තශක්තිඃ ස ශේෂෝ බභූව

ධරාධාරණේ(අ)නේකරූපේ ච ශක්තඃ .

යතෝ(අ)නේකධා ස්වර්ගලෝකා හි නානා

සදා තං ගණේශං නමාමෝ භජාමඃ .. 7 ..

යතෝ වේදවාචෝ විකුණ්ඨා මනෝභිඃ

සදා නේති නේතීති යත්තා ගෘණන්ති .

පරබ්රහ්මරූපං චිදානන්දභූතං

සදා තං ගණේශං නමාමෝ භජාමඃ .. 8 ..

ශ්රීගණේශ උවාච .

පුනරූචේ ගණාධීශඃ ස්තෝත්රමේතත්පඨේන්නරඃ .

ත්රිසන්ධ්යං ත්රිදිනං තස්ය සර්වකාර්යං භවිෂ්යති .. 9 ..

යෝ ජපේදෂ්ටදිවසං ශ්ලෝකාෂ්ටකමිදං ශුභම් .

අෂ්ටවාරං චතුර්ථ්යාං තු සෝ(අ)ෂ්ටසිද්ධීරවාප්නුයාත් .. 10 ..

යඃ පඨේන්මාසමාත්රං තු දශවාරං දිනේ දිනේ .

ස මෝචයේද්බන්ධගතං රාජවධ්යං න සංශයඃ .. 11 ..

විද්යාකාමෝ ලභේද්විද්යාං පුත්රාර්ථී පුත්රමාප්නුයාත් .

වාඤ්ඡිතාँල්ලභතේ සර්වානේකවිංශතිවාරතඃ .. 12 ..

යෝ ජපේත්පරයා භක්ත්යා ගජානනපරෝ නරඃ .

ඒවමුක්ත්වා තතෝ දේවශ්චාන්තර්ධානං ගතඃ ප්රභුඃ .. 13 ..

ඉති ශ්රීගණේශපුරාණේ උපාසනාඛණ්ඩේ ශ්රීගණේශාෂ්ටකම් .