Ganesha Ashtakam

ଗଣେଶ ଅଷ୍ଟକମ୍

ଶ୍ଲୋକ 1

ସର୍ଵେ ଉଚୁଃ ।

ଯତୋଽନନ୍ତଶକ୍ତେରନନ୍ତାଶ୍ଚ ଜୀଵା

ଯତୋ ନିର୍ଗୁଣାଦପ୍ରମେଯା ଗୁଣାସ୍ତେ ।

ଯତୋ ଭାତି ସର୍ଵଂ ତ୍ରିଧା ଭେଦଭିନ୍ନଂ

ସଦା ତଂ ଗଣେଶଂ ନମାମୋ ଭଜାମଃ

ଶ୍ଲୋକ 2

ଯତଶ୍ଚାଵିରାସୀଜ୍ଜଗତ୍ସର୍ଵମେତ-

-ତ୍ତଥାବ୍ଜାସନୋ ଵିଶ୍ଵଗୋ ଵିଶ୍ଵଗୋପ୍ତା ।

ତଥେନ୍ଦ୍ରାଦଯୋ ଦେଵସଙ୍ଘା ମନୁଷ୍ଯାଃ

ସଦା ତଂ ଗଣେଶଂ ନମାମୋ ଭଜାମଃ

॥ 1 ॥

ଶ୍ଲୋକ 3

ଯତୋ ଵହ୍ନିଭାନୂ ଭଵୋ ଭୂର୍ଜଲଂ ଚ

ଯତଃ ସାଗରାଶ୍ଚନ୍ଦ୍ରମା ଵ୍ଯୋମ ଵାଯୁଃ ।

ଯତଃ ସ୍ଥାଵରା ଜଙ୍ଗମା ଵୃକ୍ଷସଙ୍ଘାଃ

ସଦା ତଂ ଗଣେଶଂ ନମାମୋ ଭଜାମଃ

॥ 2 ॥

ଶ୍ଲୋକ 4

ଯତୋ ଦାନଵାଃ କିନ୍ନରା ଯକ୍ଷସଙ୍ଘା

ଯତଶ୍ଚାରଣା ଵାରଣାଃ ଶ୍ଵାପଦାଶ୍ଚ ।

ଯତଃ ପକ୍ଷିକୀଟା ଯତୋ ଵୀରୁଧଶ୍ଚ

ସଦା ତଂ ଗଣେଶଂ ନମାମୋ ଭଜାମଃ

॥ 3 ॥

ଶ୍ଲୋକ 5

ଯତୋ ବୁଦ୍ଧିରଜ୍ଞାନନାଶୋ ମୁମୁକ୍ଷୋ-

-ର୍ଯତଃ ସମ୍ପଦୋ ଭକ୍ତସନ୍ତୋଷଦାଃ ସ୍ଯୁଃ ।

ଯତୋ ଵିଘ୍ନନାଶୋ ଯତଃ କାର୍ଯସିଦ୍ଧିଃ

ସଦା ତଂ ଗଣେଶଂ ନମାମୋ ଭଜାମଃ

॥ 4 ॥

ଶ୍ଲୋକ 6

ଯତଃ ପୁତ୍ରସମ୍ପଦ୍ଯତୋ ଵାଞ୍ଛିତାର୍ଥୋ

ଯତୋଽଭକ୍ତଵିଘ୍ନାସ୍ତଥାଽନେକରୂପାଃ ।

ଯତଃ ଶୋକମୋହୌ ଯତଃ କାମ ଏଵ

ସଦା ତଂ ଗଣେଶଂ ନମାମୋ ଭଜାମଃ

॥ 5 ॥

ଶ୍ଲୋକ 7

ଯତୋଽନନ୍ତଶକ୍ତିଃ ସ ଶେଷୋ ବଭୂଵ

ଧରାଧାରଣେଽନେକରୂପେ ଚ ଶକ୍ତଃ ।

ଯତୋଽନେକଧା ସ୍ଵର୍ଗଲୋକା ହି ନାନା

ସଦା ତଂ ଗଣେଶଂ ନମାମୋ ଭଜାମଃ

॥ 6 ॥

ଶ୍ଲୋକ 8

ଯତୋ ଵେଦଵାଚୋ ଵିକୁଣ୍ଠା ମନୋଭିଃ

ସଦା ନେତି ନେତୀତି ଯତ୍ତା ଗୃଣନ୍ତି ।

ପରବ୍ରହ୍ମରୂପଂ ଚିଦାନନ୍ଦଭୂତଂ

ସଦା ତଂ ଗଣେଶଂ ନମାମୋ ଭଜାମଃ

॥ 7 ॥

ଶ୍ଲୋକ 9

ଶ୍ରୀଗଣେଶ ଉଵାଚ ।

ପୁନରୂଚେ ଗଣାଧୀଶଃ ସ୍ତୋତ୍ରମେତତ୍ପଠେନ୍ନରଃ ।

ତ୍ରିସନ୍ଧ୍ଯଂ ତ୍ରିଦିନଂ ତସ୍ଯ ସର୍ଵକାର୍ଯଂ ଭଵିଷ୍ଯତି

॥ 8 ॥

ଶ୍ଲୋକ 10

ଯୋ ଜପେଦଷ୍ଟଦିଵସଂ ଶ୍ଲୋକାଷ୍ଟକମିଦଂ ଶୁଭମ୍ ।

ଅଷ୍ଟଵାରଂ ଚତୁର୍ଥ୍ଯାଂ ତୁ ସୋଽଷ୍ଟସିଦ୍ଧୀରଵାପ୍ନୁଯାତ୍

॥ 9 ॥

ଶ୍ଲୋକ 11

ଯଃ ପଠେନ୍ମାସମାତ୍ରଂ ତୁ ଦଶଵାରଂ ଦିନେ ଦିନେ ।

ସ ମୋଚଯେଦ୍ବନ୍ଧଗତଂ ରାଜଵଧ୍ଯଂ ନ ସଂଶଯଃ

॥ 10 ॥

ଶ୍ଲୋକ 12

ଵିଦ୍ଯାକାମୋ ଲଭେଦ୍ଵିଦ୍ଯାଂ ପୁତ୍ରାର୍ଥୀ ପୁତ୍ରମାପ୍ନୁଯାତ୍ ।

ଵାଞ୍ଛିତାଁଲ୍ଲଭତେ ସର୍ଵାନେକଵିଂଶତିଵାରତଃ

॥ 11 ॥

ଶ୍ଲୋକ 13

ଯୋ ଜପେତ୍ପରଯା ଭକ୍ତ୍ଯା ଗଜାନନପରୋ ନରଃ ।

ଏଵମୁକ୍ତ୍ଵା ତତୋ ଦେଵଶ୍ଚାନ୍ତର୍ଧାନଂ ଗତଃ ପ୍ରଭୁଃ

॥ 12 ॥

ଶ୍ଲୋକ 14

ଇତି ଶ୍ରୀଗଣେଶପୁରାଣେ ଉପାସନାଖଣ୍ଡେ ଶ୍ରୀଗଣେଶାଷ୍ଟକମ୍ ।