Ganesha Ashtakam
Ganesha Ashtakam
Ganesha Ashtakam
gaNesha aShTakam
shloka 1
sarve uchuH |
yato.anantashakteranantAshcha jIvA
yato nirguNAdaprameyA guNAste |
yato bhAti sarvaM tridhA bhedabhinnaM
sadA taM gaNeshaM namAmo bhajAmaH || 1 ||
yatashchAvirAsIjjagatsarvameta-
-ttathAbjAsano vishvago vishvagoptA |
tathendrAdayo devasa~NghA manuShyAH
sadA taM gaNeshaM namAmo bhajAmaH || 2 ||
yato vahnibhAnU bhavo bhUrjalaM cha
yataH sAgarAshchandramA vyoma vAyuH |
yataH sthAvarA jaNgamA vRRikShasaNghAH
sadA taM gaNeshaM namAmo bhajAmaH || 3 ||
yato dAnavAH kinnarA yakShasa~NghA
yatashchAraNA vAraNAH shvApadAshcha |
yataH pakShikITA yato vIrudhashcha
sadA taM gaNeshaM namAmo bhajAmaH || 4 ||
yato buddhiraj~nAnanAsho mumukSho-
-ryataH sampado bhaktasantoShadAH syuH |
yato vighnanAsho yataH kAryasiddhiH
sadA taM gaNeshaM namAmo bhajAmaH || 5 ||
yataH putrasampadyato vA~nChitArtho
yato.abhaktavighnAstathA.anekarUpAH |
yataH shokamohau yataH kAma eva
sadA taM gaNeshaM namAmo bhajAmaH || 6 ||
yato.anantashaktiH sa sheSho babhUva
dharAdhAraNe.anekarUpe cha shaktaH |
yato.anekadhA svargalokA hi nAnA
sadA taM gaNeshaM namAmo bhajAmaH || 7 ||
yato vedavAcho vikuNThA manobhiH
sadA neti netIti yattA gRRiNanti |
parabrahmarUpaM chidAnandabhUtaM
sadA taM gaNeshaM namAmo bhajAmaH || 8 ||
shrIgaNesha uvAcha |
punarUche gaNAdhIshaH stotrametatpaThennaraH |
trisandhyaM tridinaM tasya sarvakAryaM bhaviShyati || 9 ||
yo japedaShTadivasaM shlokAShTakamidaM shubham |
aShTavAraM chaturthyAM tu so.aShTasiddhIravApnuyAt || 10 ||
yaH paThenmAsamAtraM tu dashavAraM dine dine |
sa mochayedbandhagataM rAjavadhyaM na saMshayaH || 11 ||
vidyAkAmo labhedvidyAM putrArthI putramApnuyAt |
vA~nChitA.Nllabhate sarvAnekaviMshativArataH || 12 ||
yo japetparayA bhaktyA gajAnanaparo naraH |
evamuktvA tato devashchAntardhAnaM gataH prabhuH || 13 ||
iti shrIgaNeshapurANe upAsanAkhaNDe shrIgaNeshAShTakam |