Ganesha Ashtakam

gaNeza aSTakam

zloka 1

sarve ucuH |

yato'nantazakteranantAzca jIvA

yato nirguNAdaprameyA guNAste |

yato bhAti sarvaM tridhA bhedabhinnaM

sadA taM gaNezaM namAmo bhajAmaH || 1 ||

yatazcAvirAsIjjagatsarvameta-

-ttathAbjAsano vizvago vizvagoptA |

tathendrAdayo devasaGghA manuSyAH

sadA taM gaNezaM namAmo bhajAmaH || 2 ||

yato vahnibhAnU bhavo bhUrjalaM ca

yataH sAgarAzcandramA vyoma vAyuH |

yataH sthAvarA jaGgamA vRkSasaGghAH

sadA taM gaNezaM namAmo bhajAmaH || 3 ||

yato dAnavAH kinnarA yakSasaGghA

yatazcAraNA vAraNAH zvApadAzca |

yataH pakSikITA yato vIrudhazca

sadA taM gaNezaM namAmo bhajAmaH || 4 ||

yato buddhirajJAnanAzo mumukSo-

-ryataH sampado bhaktasantoSadAH syuH |

yato vighnanAzo yataH kAryasiddhiH

sadA taM gaNezaM namAmo bhajAmaH || 5 ||

yataH putrasampadyato vAJchitArtho

yato'bhaktavighnAstathA'nekarUpAH |

yataH zokamohau yataH kAma eva

sadA taM gaNezaM namAmo bhajAmaH || 6 ||

yato'nantazaktiH sa zeSo babhUva

dharAdhAraNe'nekarUpe ca zaktaH |

yato'nekadhA svargalokA hi nAnA

sadA taM gaNezaM namAmo bhajAmaH || 7 ||

yato vedavAco vikuNThA manobhiH

sadA neti netIti yattA gRNanti |

parabrahmarUpaM cidAnandabhUtaM

sadA taM gaNezaM namAmo bhajAmaH || 8 ||

zrIgaNeza uvAca |

punarUce gaNAdhIzaH stotrametatpaThennaraH |

trisandhyaM tridinaM tasya sarvakAryaM bhaviSyati || 9 ||

yo japedaSTadivasaM zlokASTakamidaM zubham |

aSTavAraM caturthyAM tu so'STasiddhIravApnuyAt || 10 ||

yaH paThenmAsamAtraM tu dazavAraM dine dine |

sa mocayedbandhagataM rAjavadhyaM na saMzayaH || 11 ||

vidyAkAmo labhedvidyAM putrArthI putramApnuyAt |

vAJchitA~llabhate sarvAnekaviMzativArataH || 12 ||

yo japetparayA bhaktyA gajAnanaparo naraH |

evamuktvA tato devazcAntardhAnaM gataH prabhuH || 13 ||

iti zrIgaNezapurANe upAsanAkhaNDe zrIgaNezASTakam |