Ganesha Ashtakam
Ganesha Ashtakam
গণেশ অষ্টকম্
সর্বে উচুঃ ।
যতোঽনন্তশক্তেরনন্তাশ্চ জীবা
যতো নির্গুণাদপ্রমেযা গুণাস্তে ।
যতো ভাতি সর্বং ত্রিধা ভেদভিন্নং
সদা তং গণেশং নমামো ভজামঃ ॥ 1 ॥
যতশ্চাবিরাসীজ্জগত্সর্বমেত-
-ত্তথাব্জাসনো বিশ্বগো বিশ্বগোপ্তা ।
তথেন্দ্রাদযো দেবসঙ্ঘা মনুষ্যাঃ
সদা তং গণেশং নমামো ভজামঃ ॥ 2 ॥
যতো বহ্নিভানূ ভবো ভূর্জলং চ
যতঃ সাগরাশ্চন্দ্রমা ব্যোম বাযুঃ ।
যতঃ স্থাবরা জঙ্গমা বৃক্ষসঙ্ঘাঃ
সদা তং গণেশং নমামো ভজামঃ ॥ 3 ॥
যতো দানবাঃ কিন্নরা যক্ষসঙ্ঘা
যতশ্চারণা বারণাঃ শ্বাপদাশ্চ ।
যতঃ পক্ষিকীটা যতো বীরুধশ্চ
সদা তং গণেশং নমামো ভজামঃ ॥ 4 ॥
যতো বুদ্ধিরজ্ঞাননাশো মুমুক্ষো-
-র্যতঃ সম্পদো ভক্তসন্তোষদাঃ স্যুঃ ।
যতো বিঘ্ননাশো যতঃ কার্যসিদ্ধিঃ
সদা তং গণেশং নমামো ভজামঃ ॥ 5 ॥
যতঃ পুত্রসম্পদ্যতো বাঞ্ছিতার্থো
যতোঽভক্তবিঘ্নাস্তথাঽনেকরূপাঃ ।
যতঃ শোকমোহৌ যতঃ কাম এব
সদা তং গণেশং নমামো ভজামঃ ॥ 6 ॥
যতোঽনন্তশক্তিঃ স শেষো বভূব
ধরাধারণেঽনেকরূপে চ শক্তঃ ।
যতোঽনেকধা স্বর্গলোকা হি নানা
সদা তং গণেশং নমামো ভজামঃ ॥ 7 ॥
যতো বেদবাচো বিকুণ্ঠা মনোভিঃ
সদা নেতি নেতীতি যত্তা গৃণন্তি ।
পরব্রহ্মরূপং চিদানন্দভূতং
সদা তং গণেশং নমামো ভজামঃ ॥ 8 ॥
শ্রীগণেশ উবাচ ।
পুনরূচে গণাধীশঃ স্তোত্রমেতত্পঠেন্নরঃ ।
ত্রিসন্ধ্যং ত্রিদিনং তস্য সর্বকার্যং ভবিষ্যতি ॥ 9 ॥
যো জপেদষ্টদিবসং শ্লোকাষ্টকমিদং শুভম্ ।
অষ্টবারং চতুর্থ্যাং তু সোঽষ্টসিদ্ধীরবাপ্নুযাত্ ॥ 10 ॥
যঃ পঠেন্মাসমাত্রং তু দশবারং দিনে দিনে ।
স মোচযেদ্বন্ধগতং রাজবধ্যং ন সংশযঃ ॥ 11 ॥
বিদ্যাকামো লভেদ্বিদ্যাং পুত্রার্থী পুত্রমাপ্নুযাত্ ।
বাঞ্ছিতাঁল্লভতে সর্বানেকবিংশতিবারতঃ ॥ 12 ॥
যো জপেত্পরযা ভক্ত্যা গজাননপরো নরঃ ।
এবমুক্ত্বা ততো দেবশ্চান্তর্ধানং গতঃ প্রভুঃ ॥ 13 ॥
ইতি শ্রীগণেশপুরাণে উপাসনাখণ্ডে শ্রীগণেশাষ্টকম্ ।
Related Scriptures
About This Stotram
Overview
The Ganesha Ashtakam is a Sanskrit devotional hymn dedicated to Lord Ganesha, the remover of obstacles and the deity of beginnings. Composed in the ashtakam format of eight primary verses, it praises Ganesha's divine attributes, his role as the source of wisdom, and his function as the lord of cosmic energies. The text belongs to the Ganapatya tradition of devotional Sanskrit poetry.
What are the benefits of chanting Ganesha Ashtakam?
- Removal of obstacles (Vighna Nivarana)
- Cultivation of wisdom and intelligence (Buddhi Prada)
- Success and prosperity in endeavors (Siddhi Prada)
- Spiritual merit and protection through devotional recitation
When is the best time to recite this?
Morning and evening recitation is standard. The ashtakam is especially recited on Ganesh Chaturthi and Sankashti Chaturthi. It is also appropriate before new undertakings and on occasions when obstacles need to be addressed.
What is the historical and traditional background?
Ashtakams — eight-verse devotional poems — are a common genre in classical Sanskrit hymnology, composed by scholars and saints dedicated to specific deities. Multiple Ganesha ashtakams exist in the tradition; some are attributed to known figures such as Adi Shankaracharya, while the authorship of others, including this text, remains unknown. The genre developed over the Puranic and medieval periods as a concise vehicle for devotional praise. This particular ashtakam is preserved in devotional anthologies and recited across different regional traditions.
Available scripts
This text is available in 14 scripts: devanagari, tamil, telugu, kannada, malayalam, gujarati, bengali, iast, gurmukhi, oriya, assamese, sinhala, itrans, hk. Use the script selector above to switch between them.
Related Texts
- Ganesha Bhujanga Stotram — a Ganesha hymn composed in the Bhujanga Prayata meter, related by genre
- Ganesha Mangalashtakam — another ashtakam format hymn dedicated to Ganesha