Daridrya Dahana Shiva Stotram

dAridrya dahana shiva stotram

shloka 1

vishveshvarAya narakArNava tAraNAya

karNAmRRitAya shashishekhara dhAraNAya |

karpUrakAnti dhavalAya jaTAdharAya

dAridryaduHkha dahanAya namashshivAya || 1 ||

gaurIpriyAya rajanIsha kalAdharAya

kAlAntakAya bhujagAdhipa ka~NkaNAya |

ga~NgAdharAya gajarAja vimardhanAya

dAridryaduHkha dahanAya namashshivAya || 2 ||

bhaktapriyAya [bhaktipriyAya] bhavaroga bhayApahAya

ugrAya duHkha [durga] bhavasAgara tAraNAya |

jyotirmayAya guNanAma sunRRityakAya

dAridryaduHkha dahanAya namashshivAya || 3 ||

charmAmbarAya shavabhasma vilepanAya

phAlekShaNAya maNikuNDala maNDitAya |

ma~njIrapAdayugalAya jaTAdharAya

dAridryaduHkha dahanAya namashshivAya || 4 ||

pa~nchAnanAya phaNirAja vibhUShaNAya

hemA~NkushAya bhuvanatraya maNDitAya

Ananda bhUmi varadAya tamopayAya [tamomayAya] |

dAridryaduHkha dahanAya namashshivAya || 5 ||

bhAnupriyAya bhavasAgara tAraNAya

kAlAntakAya kamalAsana pUjitAya |

netratrayAya shubhalakShaNa lakShitAya

dAridryaduHkha dahanAya namashshivAya || 6 ||

rAmapriyAya raghunAtha varapradAya

nAgapriyAya narakArNava tAraNAya |

puNyAya [puNyeShu] puNyabharitAya surArchitAya

dAridryaduHkha dahanAya namashshivAya || 7 ||

mukteshvarAya phaladAya gaNeshvarAya

gItApriyAya vRRiShabheshvara vAhanAya |

mAta~Ngacharma vasanAya maheshvarAya

dAridryaduHkha dahanAya namashshivAya || 8 ||

vasiShThena kRRitaM stotraM sarvaroga nivAraNam |

sarvasampatkaraM shIghraM putrapautrAdi vardhanam |

trisandhyaM yaH paThennityaM sa hi svarga mavApnuyAt || 9 ||

|| iti shrI vasiShTha virachitaM dAridryadahana shivastotraM sampUrNam ||

alternate first verse

gaurIvilAsa bhuvanAya maheshvarAya

pa~nchAnanAya sharaNAgata kalpadAya |

sharvAya sarvajagatAmadhipAya

tasmai dAridrya duHkhadahanAya namaH shivAya ||