Sri Krishna Sahasra Nama Stotram

shrI kRRiShNa sahasra nAma stotram

shloka 1

OM asya shrIkRRiShNasahasranAmastotramantrasya parAshara RRiShiH, anuShTup ChandaH, shrIkRRiShNaH paramAtmA devatA, shrIkRRiShNeti bIjam, shrIvallabheti shaktiH, shAr~NgIti kIlakaM, shrIkRRiShNaprItyarthe jape viniyogaH ||

nyAsaH

parAsharAya RRiShaye namaH iti shirasi,

anuShTup Chandase namaH iti mukhe,

gopAlakRRiShNadevatAyai namaH iti hRRidaye,

shrIkRRiShNAya bIjAya namaH iti guhye,

shrIvallabhAya shaktyai namaH iti pAdayoH,

shArNgadharAya kIlakAya namaH iti sarvANge ||

karanyAsaH

shrIkRRiShNa ityArabhya shUravaMshaikadhIrityantAni a~NguShThAbhyAM namaH |

shaurirityArabhya svabhAsodbhAsitavraja ityantAni tarjanIbhyAM namaH |

kRRitAtmavidyAvinyAsa ityArabhya prasthAnashakaTArUDha iti madhyamAbhyAM namaH,

bRRindAvanakRRitAlaya ityArabhya madhurAjanavIkShita ityanAmikAbhyAM namaH,

rajakapratighAtaka ityArabhya dvArakApurakalpana iti kaniShThikAbhyAM namaH

dvArakAnilaya ityArabhya parAshara iti karatalakarapRRiShThAbhyAM namaH,

evaM hRRidayAdinyAsaH ||

dhyAnam

keShA~nchitpremapuMsAM vigalitamanasAM bAlalIlAvilAsaM

keShAM gopAlalIlA~NkitarasikatanurveNuvAdyena devam |

keShAM vAmAsamAje janitamanasijo daityadarpApahaivaM

j~nAtvA bhinnAbhilAShaM sa jayati jagatAmIshvarastAdRRisho.abhUt || 1 ||

kShIrAbdhau kRRitasaMstavassuragaNairbrahmAdibhiH paNDitaiH

prodbhUto vasudevasadmani mudA chikrIDa yo gokule |

kaMsadhvaMsakRRite jagAma madhurAM sArAmasadvArakAM

gopAlo.akhilagopikAjanasakhaH pAyAdapAyAt sa naH || 2 ||

phullendIvarakAntiminduvadanaM barhAvataMsapriyaM

shrIvatsA~NkamudArakaustubhadharaM pItAmbaraM sundaram |

gopInAM nayanotpalArchitatanuM gogopasa~NghAvRRitaM

govindaM kalaveNuvAdanarataM divyA~NgabhUShaM bhaje || 3 ||

om |

kRRiShNaH shrIvallabhaH shAr~NgI viShvaksenaH svasiddhidaH |

kShIrodadhAmA vyUheshaH sheShashAyI jaganmayaH || 1 ||

bhaktigamyastrayImUrtirbhArArtavasudhAstutaH |

devadevo dayAsindhurdevadevashikhAmaNiH || 2 ||

sukhabhAvassukhAdhAro mukundo muditAshayaH |

avikriyaH kriyAmUrtiradhyAtmasvasvarUpavAn || 3 ||

shiShTAbhilakShyo bhUtAtmA dharmatrANArthacheShTitaH |

antaryAmI kalArUpaH kAlAvayavasAkShikaH || 4 ||

vasudhAyAsaharaNo nAradapreraNonmukhaH |

prabhUShNurnAradodgIto lokarakShAparAyaNaH || 5 ||

rauhiNeyakRRitAnando yogaj~nAnaniyojakaH |

mahAguhAntarnikShiptaH purANavapurAtmavAn || 6 ||

shUravaMshaikadhIshshauriH kaMsasha~NkAviShAdakRRit |

vasudevollasachChaktirdevakyaShTamagarbhagaH || 7 ||

vasudevasutaH shrImAndevakInandano hariH |

AshcharyabAlaH shrIvatsalakShmavakShAshchaturbhujaH || 8 ||

svabhAvotkRRiShTasadbhAvaH kRRiShNAShTamyantasambhavaH |

prAjApatyarkShasambhUto nishIthasamayoditaH || 9 ||

sha~NkhachakragadApadmapANiH padmanibhekShaNaH |

kirITI kaustubhoraskaH sphuranmakarakuNDalaH || 10 ||

pItavAsA ghanashyAmaH kunchitAnchitakuntalaH |

suvyaktavyaktAbharaNaH sUtikAgRRihabhUShaNaH || 11 ||

kArAgArAndhakAraghnaH pitRRiprAgjanmasUchakaH |

vasudevastutaH stotraM tApatrayanivAraNaH || 12 ||

niravadyaH kriyAmUrtirnyAyavAkyaniyojakaH |

adRRiShTacheShTaH kUTastho dhRRitalaukikavigrahaH || 13 ||

maharShimAnasollAso mahIma~NgaladAyakaH |

santoShitasuravrAtaH sAdhuchittaprasAdakaH || 14 ||

janakopAyanirdeShTA devakInayanotsavaH |

pitRRipANipariShkAro mohitAgArarakShakaH || 15 ||

svashaktyuddhATitAsheShakapATaH pitRRivAhakaH |

sheShoragaphaNAchChatrashsheShoktAkhyAsahasrakaH || 16 ||

yamunApUravidhvaMsI svabhAsodbhAsitavrajaH |

kRRitAtmavidyAvinyAso yogamAyAgrasambhavaH || 17 ||

durgAniveditodbhAvo yashodAtalpashAyakaH |

nandagopotsavasphUrtirvrajAnandakarodayaH || 18 ||

sujAtajAtakarma shrIrgopIbhadroktinirvRRitaH |

alIkanidropagamaH pUtanAstanapIDanaH || 19 ||

stanyAttapUtanAprANaH pUtanAkroshakArakaH |

vinyastarakShAgodhUliryashodAkaralAlitaH || 20 ||

nandAghrAtashiromadhyaH pUtanAsugatipradaH |

bAlaH paryaNkanidrAlurmukhArpitapadANguliH || 21 ||

anjanasnigdhanayanaH paryAyANkuritasmitaH |

lIlAkShastaralAlokashshakaTAsurabha~njanaH || 22 ||

dvijoditasvastyayano mantrapUtajalAplutaH |

yashodotsaNgaparyaNko yashodAmukhavIkShakaH || 23 ||

yashodAstanyamuditastRRiNAvartAdidussahaH |

tRRiNAvartAsuradhvaMsI mAtRRivismayakArakaH || 24 ||

prashastanAmakaraNo jAnucha~NkramaNotsukaH |

vyAlambichUlikAratno ghoShagopapraharShaNaH || 25 ||

svamukhapratibimbArthI grIvAvyAghranakhojjvalaH |

pa~NkAnuleparuchiro mAMsalorukaTItaTaH || 26 ||

ghRRiShTajAnukaradvandvaH pratibimbAnukArakRRit |

avyaktavarNavAgvRRittiH smitalakShyaradodgamaH || 27 ||

dhAtrIkarasamAlambI praskhalachchitracha~NkramaH |

anurUpavayasyADhyashchArukaumArachApalaH || 28 ||

vatsapuchChasamAkRRiShTo vatsapuchChavikarShaNaH |

vismAritAnyavyApAro gopagopImudAvahaH || 29 ||

akAlavatsanirmoktA vrajavyAkroshasusmitaH |

navanItamahAchoro dArakAhAradAyakaH || 30 ||

pITholUkhalasopAnaH kShIrabhANDavibhedanaH |

shikyabhANDasamAkarShI dhvAntAgArapraveshakRRit || 31 ||

bhUShAratnaprakAshADhyo gopyupAlambhabhartsitaH |

parAgadhUsarAkAro mRRidbhakShaNakRRitekShaNaH || 32 ||

bAloktamRRitkathArambho mitrAntargUDhavigrahaH |

kRRitasantrAsalolAkSho jananIpratyayAvahaH || 33||

mAtRRidRRishyAttavadano vaktralakShyacharAcharaH |

yashodAlAlitasvAtmA svayaM svAchChandyamohanaH || 34 ||

savitrIsnehasaMshliShTaH savitrIstanalolupaH |

navanItArthanAprahvo navanItamahAshanaH || 35 ||

mRRiShAkopaprakampoShTho goShThA~NgaNavilokanaH |

dadhimanthaghaTIbhettA ki~NkiNIkvANasUchitaH || 36 ||

haiyaNgavInarasiko mRRiShAshrushchauryashaNkitaH |

jananIshramavij~nAtA dAmabandhaniyantritaH || 37 ||

dAmAkalpashchalApA~Ngo gADholUkhalabandhanaH |

AkRRiShTolUkhalo.anantaH kuberasutashApavit || | 38 ||

nAradoktiparAmarshI yamalArjunabha~njanaH |

dhanadAtmajasa~NghuShTo nandamochitabandhanaH || 39 ||

bAlakodgItanirato bAhukShepoditapriyaH |

Atmaj~no mitravashago gopIgItaguNodayaH || 40 ||

prasthAnashakaTArUDho bRRindAvanakRRitAlayaH |

govatsapAlanaikAgro nAnAkrIDAparichChadaH || 41 ||

kShepaNIkShepaNaprIto veNuvAdyavishAradaH |

vRRiShavatsAnukaraNo vRRiShadhvAnaviDambanaH || 42 ||

niyuddhalIlAsaMhRRiShTaH kUjAnukRRitakokilaH |

upAttahaMsagamanassarvajanturutAnukRRit || 43 ||

bhRRi~NgAnukArI dadhyannachoro vatsapurassaraH |

balI bakAsuragrAhI bakatAlupradAhakaH || 44 ||

bhItagopArbhakAhUto bakacha~nchuvidAraNaH |

bakAsurArirgopAlo bAlo bAlAdbhutAvahaH || 45 ||

balabhadrasamAshliShTaH kRRitakrIDAnilAyanaH |

krIDAsetunidhAnajnaH plavaNgotplavano.adbhutaH || 46 ||

kandukakrIDano luptanandAdibhavavedanaH |

sumano.ala~NkRRitashirAH svAdusnigdhAnnashikyabhRRit || 47 ||

gunjAprAlambanachChannaH pinChairalakaveShakRRit |

vanyAshanapriyaH shRRi~NgaravAkAritavatsakaH || 48 ||

manoj~napallavottaMsapuShpasvechChAttaShaTpadaH |

manjushinjitamanjIracharaNaH karakaNkaNaH || 49 ||

anyonyashAsanaH krIDApaTuH paramakaitavaH |

pratidhvAnapramuditaH shAkhAchaturacha~NkramaH || 50 ||

aghadAnavasaMhartA vrajavighnavinAshanaH |

vrajasa~njIvanaH shreyonidhirdAnavamuktidaH || 51 ||

kAlindIpulinAsInassahabhuktavrajArbhakaH |

kakShAjaTharavinyastaveNurvallavacheShTitaH || 52 ||

bhujasandhyantaranyastashRRi~NgavetraH shuchismitaH |

vAmapANisthadadhyannakabalaH kalabhAShaNaH || 53 ||

a~NgulyantaravinyastaphalaH paramapAvanaH |

adRRishyatarNakAnveShI vallavArbhakabhItihA || 54 ||

adRRiShTavatsapavrAto brahmavij~nAtavaibhavaH |

govatsavatsapAnveShI virAT-puruShavigrahaH || 55 ||

svasa~NkalpAnurUpArtho vatsavatsaparUpadhRRik |

yathAvatsakriyArUpo yathAsthAnaniveshanaH || 56 ||

yathAvrajArbhakAkAro gogopIstanyapassukhI |

chirAdvalohito dAnto brahmavij~nAtavaibhavaH || 57 ||

vichitrashaktirvyAlInasRRiShTagovatsavatsapaH |

brahmatrapAkaro dhAtRRistutassarvArthasAdhakaH || 58 ||

brahma brahmamayo.avyaktastejorUpassukhAtmakaH |

niruktaM vyAkRRitirvyakto nirAlambanabhAvanaH || 59 ||

prabhaviShNuratantrIko devapakShArtharUpadhRRik |

akAmassarvavedAdiraNIyasthUlarUpavAn || 60 ||

vyApI vyApyaH kRRipAkartA vichitrAchArasammataH |

ChandomayaH pradhAnAtmA mUrtAmUrtidvayAkRRitiH || 61 ||

anekamUrtirakrodhaH paraH prakRRitirakramaH |

sakalAvaraNopetassarvadevo maheshvaraH || 62 ||

mahAprabhAvanaH pUrvavatsavatsapadarshakaH |

kRRiShNayAdavagopAlo gopAlokanaharShitaH || 63 ||

smitekShAharShitabrahmA bhaktavatsalavAkpriyaH |

brahmAnandAshrudhautA~NghrirlIlAvaichitryakovidaH || 64 ||

balabhadraikahRRidayo nAmAkAritagokulaH |

gopAlabAlako bhavyo rajjuyaj~nopavItavAn || 65 ||

vRRikShachChAyAhatAshAntirgopotsa~NgopabarhaNaH |

gopasaMvAhitapado gopavyajanavIjitaH || 66|

gopagAnasukhonnidraH shrIdAmArjitasauhRRidaH |

sunandasuhRRidekAtmA subalaprANara~njanaH || 67 ||

tAlIvanakRRitakrIDo balapAtitadhenukaH |

gopIsaubhAgyasambhAvyo godhUlichChuritAlakaH || 68 ||

gopIvirahasantapto gopikAkRRitamajjanaH |

pralambabAhurutphullapuNDarIkAvataMsakaH || 69 ||

vilAsalalitasmeragarbhalIlAvalokanaH |

sragbhUShaNAnulepADhyo jananyupahRRitAnnabhuk || 70 ||

varashayyAshayo rAdhApremasallApanirvRRitaH |

yamunAtaTasa~nchArI viShArtavrajaharShadaH || 71 ||

kAliyakrodhajanakaH vRRiddhAhikulaveShTitaH |

kAliyAhiphaNAra~NganaTaH kAliyamardanaH || 72 ||

nAgapatnIstutiprIto nAnAveShasamRRiddhikRRit |

aviShvaktadRRigAtmeshaH svadRRigAtmastutipriyaH || 73 ||

sarveshvarassarvaguNaH prasiddhassarvasAtvataH |

akuNThadhAmA chandrArkadRRiShTirAkAshanirmalaH || 74 ||

anirdeshyagatirnAgavanitApatibhaikShadaH |

svANghrimudrANkanAgendramUrdhA kAliyasaMstutaH || 75 ||

abhayo vishvatashchakShuH stutottamaguNaH prabhuH |

ahamAtmA marutprANaH paramAtmA dyushIrShavAn || 76 ||

nAgopAyanahRRiShTAtmA hradotsAritakAliyaH |

balabhadrasukhAlApo gopAli~NgananirvRRitaH || 77 ||

dAvAgnibhItagopAlagoptA dAvAgninAshanaH |

nayanAchChAdanakrIDAlampaTo nRRipacheShTitaH || 78 ||

kAkapakShadharassaumyo balavAhakakelimAn |

balaghAtitadurdharShapralambo balavatsalaH || 79 ||

mu~njATavyagnishamanaH prAvRRiTkAlavinodavAn |

shilAnyastAnnabhRRiddaityasaMhartA shAdvalAsanaH || 80 ||

sadAptagopikodgItaH karNikArAvataMsakaH |

naTaveShadharaH padmamAlA~Nko gopikAvRRitaH || 81 ||

gopImanoharApA~Ngo veNuvAdanatatparaH |

vinyastavadanAmbhojashchArushabdakRRitAnanaH || 82 ||

bimbAdharArpitodAraveNurvishvavimohanaH |

vrajasaMvarNitashrAvyaveNunAdaH shrutipriyaH || 83 ||

gogopagopIjanmepsurbrahmendrAdyabhivanditaH |

gItasnutisaritpUro nAdanartitabarhiNaH || 84 ||

rAgapallavitasthANurgItAnamitapAdapaH |

vismAritatRRiNagrAsamRRigo mRRigavilobhitaH || 85 ||

vyAghrAdihiMsrasahajavairahartA sugAyanaH |

gADhodIritagobRRindapremotkarNitatarNakaH || 86 ||

niShpandayAnabrahmAdivIkShito vishvavanditaH |

shAkhotkarNashakuntaughashChatrAyitabalAhakaH || 87 ||

prasannaH paramAnandashchitrAyitacharAcharaH |

gopikAmadano gopIkuchaku~NkumamudritaH || 88 ||

gopikanyAjalakrIDAhRRiShTo gopyaMshukApahRRit |

skandhAropitagopastrIvAsAH kundanibhasmitaH || 89 ||

gopInetrotpalashashI gopikAyAchitAMshukaH |

gopInamaskriyAdeShTA gopyekakaravanditaH || 90 ||

gopya~njalivisheShArthI gopakrIDAvilobhitaH |

shAntavAsasphuradgopIkRRitA~njaliraghApahaH || 91 ||

gopIkelivilAsArthI gopIsampUrNakAmadaH |

gopastrIvastrado gopIchittachoraH kutUhalI || 92 ||

bRRindAvanapriyo gopabandhuryajvAnnayAchitA |

yajnesho yajnabhAvajno yajnapatnyabhivA~nChitaH || 93 ||

munipatnIvitIrNAnnatRRipto munivadhUpriyaH |

dvijapatnyabhibhAvaj~no dvijapatnIvarapradaH || 94 ||

pratiruddhasatImokShaprado dvijavimohitA |

munij~nAnaprado yajvastuto vAsavayAgavit || 95 ||

pitRRiproktakriyArUpashakrayAganivAraNaH |

shakrA.amarShakarashshakravRRiShTiprashamanonmukhaH || 96 ||

govardhanadharo gopagobRRindatrANatatparaH |

govardhanagirichChatrachaNDadaNDabhujArgalaH || 97 ||

saptAhavidhRRitAdrIndro meghavAhanagarvahA |

bhujAgroparivinyastakShmAdharakShmAbhRRidachyutaH || 98 ||

svasthAnasthApitagirirgopIdadhyakShatArchitaH |

sumanassumanovRRiShTihRRiShTo vAsavavanditaH || 99 ||

kAmadhenupayaHpUrAbhiShiktassurabhistutaH |

dharA~NghriroShadhIromA dharmagoptA manomayaH || 100 ||

jnAnayajnapriyashshAstranetrassarvArthasArathiH |

airAvatakarAnItaviyadga~NgApluto vibhuH || 101 ||

brahmAbhiShikto gogoptA sarvalokashubha~NkaraH |

sarvavedamayo magnanandAnveShipitRRipriyaH || 102 ||

varuNodIritAtmekShAkautuko varuNArchitaH |

varuNAnItajanako gopaj~nAtAtmavaibhavaH || 103 ||

svarlokAlokasaMhRRiShTagopavargatrivargadaH |

brahmahRRidgopito gopadraShTA brahmapadapradaH || 104 ||

sharachchandravihArotkaH shrIpatirvashako kShamaH |

bhayApaho bhartRRiruddhagopikAdhyAnagocharaH || 105 ||

gopikAnayanAsvAdyo gopInarmoktinirvRRitaH |

gopikAmAnaharaNo gopikAshatayUthapaH || 106 ||

vaijayantIsragAkalpo gopikAmAnavardhanaH |

gopakAntAsunirdeShTA kAnto manmathamanmathaH || 107 ||

svAtmAsyadattatAmbUlaH phalitotkRRiShTayauvanaH |

vallavIstanasaktAkSho vallavIpremachAlitaH || 108 ||

gopIchelA~nchalAsIno gopInetrAbjaShaTpadaH |

rAsakrIDAsamAsakto gopImaNDalamaNDanaH || 109 ||

gopIhemamaNishreNimadhyendramaNirujjvalaH |

vidyAdharendushApaghnashsha~NkhachUDashiroharaH || 110 ||

sha~NkhachUDashiroratnasamprINitabalo.anaghaH |

ariShTAriShTakRRidduShTakeshidaityaniShUdanaH || 111 ||

sarasassasmitamukhassusthiro virahAkulaH |

sa~NkarShaNArpitaprItirakrUradhyAnagocharaH || 112 ||

akrUrasaMstuto gUDho guNavRRityupalakShitaH |

pramANagamyastanmAtrA.avayavI buddhitatparaH || 113 ||

sarvapramANapramadhIssarvapratyayasAdhakaH |

puruShashcha pradhAnAtmA viparyAsavilochanaH || 114 ||

madhurAjanasaMvIkShyo rajakapratighAtakaH |

vichitrAmbarasaMvIto mAlAkAravarapradaH || 115 ||

kubjAvakratvanirmoktA kubjAyauvanadAyakaH |

kubjA~NgarAgasurabhiH kaMsakodaNDakhaNDanaH || 116 ||

dhIraH kuvalayApIDamardanaH kaMsabhItikRRit |

dantidantAyudho ra~NgatrAsako mallayuddhavit || 117 ||

chANUrahantA kaMsArirdevakIharShadAyakaH |

vasudevapadAnamraH pitRRibandhavimochanaH || 118 ||

urvIbhayApaho bhUpa ugrasenAdhipatyadaH |

Aj~nAsthitashachInAthassudharmAnayanakShamaH || 119 ||

Adyo dvijAtisatkartA shiShTAchArapradarshakaH |

sAndIpanikRRitAbhyastavidyAbhyAsaikadhIssudhIH || 120 ||

gurvabhIShTakriyAdakShaH pashchimodadhipUjitaH |

hatapanchajanaprAptapAnchajanyo yamArchitaH || 121 ||

dharmarAjajayAnItaguruputra urukramaH |

guruputrapradashshAstA madhurAjasabhAsadaH || 122 ||

jAmadagnyasamabhyarchyo gomantagirisa~ncharaH |

gomantadAvashamano garuDAnItabhUShaNaH || 123 ||

chakrAdyAyudhasaMshobhI jarAsandhamadApahaH |

sRRigAlAvanipAlaghnassRRigAlAtmajarAjyadaH || 124 ||

vidhvastakAlayavano muchukundavarapradaH |

Aj~nApitamahAmbhodhirdvArakApurakalpanaH || 125 ||

dvArakAnilayo rukmimAnahantA yadUdvahaH |

ruchiro rukmiNIjAniH pradyumnajanakaH prabhuH || 126 ||

apAkRRitatrilokArtiraniruddhapitAmahaH |

aniruddhapadAnveShI chakrI garuDavAhanaH || 127 ||

bANAsurapurIroddhA rakShAjvalanayantrajit |

dhUtapramathasaMrambho jitamAheshvarajvaraH || 128 ||

ShaTchakrashaktinirjetA bhUtavetAlamohakRRit |

shambhutrishUlajichChambhujRRimbhaNashshambhusaMstutaH || 129 ||

indriyAtmenduhRRidayassarvayogeshvareshvaraH |

hiraNyagarbhahRRidayo mohAvartanivartanaH || 130 ||

Atmaj~nAnanidhirmedhA koshastanmAtrarUpavAn |

indro.agnivadanaH kAlanAbhassarvAgamAdhvagaH || 131 ||

turIyasarvadhIsAkShI dvandvArAmAtmadUragaH |

aj~nAtapAro vashyashrIravyAkRRitavihAravAn || 132 ||

AtmapradIpo vij~nAnamAtrAtmA shrIniketanaH |

bANabAhuvanachChettA mahendraprItivardhanaH || 133 ||

aniruddhanirodhaj~no jaleshAhRRitagokulaH |

jaleshavijayI vIrassatrAjidratnayAchakaH || 134 ||

prasenAnveShaNodyukto jAmbavaddhRRitaratnadaH |

jitarkSharAjatanayAhartA jAmbavatIpriyaH || 135 ||

satyabhAmApriyaH kAmashshatadhanvashiroharaH |

kAlindIpatirakrUrabandhurakrUraratnadaH || 136 ||

kaikeyIramaNo bhadrAbhartA nAgnajitIdhavaH |

mAdrImanoharashshaibyAprANabandhururukramaH || 137 ||

sushIlAdayito mitravindAnetramahotsavaH |

lakShmaNAvallabho ruddhaprAgjyotiShamahApuraH || 138 ||

surapAshAvRRitichChedI murAriH krUrayuddhavit |

hayagrIvashirohartA sarvAtmA sarvadarshanaH || 139 ||

narakAsuravichChettA narakAtmajarAjyadaH|

pRRithvIstutaH prakAshAtmA hRRidyo yaj~naphalapradaH || 140 ||

guNagrAhI guNadraShTA gUDhasvAtmA vibhUtimAn |

kavirjagadupadraShTA paramAkSharavigrahaH || 141 ||

prapannapAlano mAlI mahadbrahmavivardhanaH |

vAchyavAchakashaktyarthassarvavyAkRRitasiddhidaH || 142 ||

svayamprabhuranirvedyassvaprakAshashchirantanaH |

nAdAtmA mantrakoTIsho nAnAvAdanirodhakaH || 143 ||

kandarpakoTilAvaNyaH parArthaikaprayojakaH |

amarIkRRitadevaughaH kanyakAbandhamochanaH || 144 ||

ShoDashastrIsahasreshaH kAntaH kAntAmanobhavaH |

krIDAratnAchalAhartA varuNachChatrashobhitaH || 145 ||

shakrAbhivanditashshakrajananIkuNDalapradaH |

aditiprastutastotro brAhmaNodghuShTacheShTanaH || 146 ||

purANassaMyamI janmAliptaH ShaDviMshako.arthadaH |

yashasyanItirAdyantarahitassatkathApriyaH || 147 ||

brahmabodhaH parAnandaH pArijAtApahArakaH |

pauNDrakaprANaharaNaH kAshirAjaniShUdanaH || 148 ||

kRRityAgarvaprashamano vichakravadhadIkShitaH |

kaMsavidhvaMsanassAmbajanako DimbhakArdanaH || 149 ||

munirgoptA pitRRivarapradassavanadIkShitaH |

rathI sArathyanirdeShTA phAlgunaH phAlgunipriyaH || 150 ||

saptAbdhistambhanodbhAto harissaptAbdhibhedanaH |

AtmaprakAshaH pUrNashrIrAdinArAyaNekShitaH || 151 ||

vipraputrapradashchaiva sarvamAtRRisutapradaH |

pArthavismayakRRitpArthapraNavArthaprabodhanaH || 152 ||

kailAsayAtrAsumukho badaryAshramabhUShaNaH |

ghaNTAkarNakriyAmauDhyAttoShito bhaktavatsalaH || 153 ||

munibRRindAdibhirdhyeyo ghaNTAkarNavarapradaH |

tapashcharyAparashchIravAsAH pi~NgajaTAdharaH || 154 ||

pratyakShIkRRitabhUteshashshivastotA shivastutaH |

kRRiShNAsvayaMvarAlokakautukI sarvasammataH || 155 ||

balasaMrambhashamano baladarshitapANDavaH |

yativeShArjunAbhIShTadAyI sarvAtmagocharaH || 156 ||

subhadrAphAlgunodvAhakartA prINitaphAlgunaH |

khANDavaprINitArchiShmAnmayadAnavamochanaH || 157 ||

sulabho rAjasUyArhayudhiShThiraniyojakaH |

bhImArditajarAsandho mAgadhAtmajarAjyadaH || 158 ||

rAjabandhananirmoktA rAjasUyAgrapUjanaH |

chaidyAdyasahano bhIShmastutassAtvatapUrvajaH || 159 ||

sarvAtmArthasamAhartA mandarAchaladhArakaH |

yajnAvatAraH prahlAdapratijnApratipAlakaH || 160 ||

baliyaj~nasabhAdhvaMsI dRRiptakShatrakulAntakaH |

dashagrIvAntako jetA revatIpremavallabhaH || 161 ||

sarvAvatArAdhiShThAtA vedabAhyavimohanaH |

kalidoShanirAkartA dashanAmA dRRiDhavrataH || 162 ||

ameyAtmA jagatsvAmI vAgmI chaidyashiroharaH |

draupadIrachitastotraH keshavaH puruShottamaH || 163 ||

nArAyaNo madhupatirmAdhavo doShavarjitaH |

govindaH puNDarIkAkSho viShNushcha madhusUdanaH || 164 ||

trivikramastrilokesho vAmanaH shrIdharaH pumAn |

hRRiShIkesho vAsudevaH padmanAbho mahAhradaH || 165 ||

dAmodarashchaturvyUhaH pA~nchAlImAnarakShaNaH |

sAlvaghnassamarashlAghI dantavaktranibarhaNaH || 166 ||

dAmodarapriyasakhA pRRithukAsvAdanapriyaH ||

ghRRiNI dAmodaraH shrIdo gopIpunaravekShakaH || 167 ||

gopikAmuktido yogI durvAsastRRiptikArakaH |

avij~nAtavrajAkIrNapANDavAlokano jayI || 168 ||

pArthasArathyanirataH prAj~naH pANDavadUtyakRRit |

vidurAtithyasantuShTaH kuntIsantoShadAyakaH || 169 ||

suyodhanatiraskartA duryodhanavikAravit |

vidurAbhiShThuto nityo vArShNeyo ma~NgalAtmakaH || 170 ||

pa~nchaviMshatitattveshashchaturviMshatidehabhAk |

sarvAnugrAhakassarvadAshArhasatatArchitaH || 171 ||

achintyo madhurAlApassAdhudarshI durAsadaH |

manuShyadharmAnugataH kauravendrakShayekShitA || 172 ||

upendro dAnavArAtirurugIto mahAdyutiH |

brahmaNyadevaH shrutimAn gobrAhmaNahitAshayaH || 173 ||

varashIlashshivArambhassuvij~nAnavimUrtimAn |

svabhAvashuddhassanmitrassusharaNyassulakShaNaH || 174 ||

dhRRitarAShTragataudRRiShTipradaH karNavibhedanaH |

pratodadhRRigvishvarUpavismAritadhana~njayaH || 175 ||

sAmagAnapriyo dharmadhenurvarNottamo.avyayaH |

chaturyugakriyAkartA vishvarUpapradarshakaH || 176 ||

brahmabodhaparitrAtapArtho bhIShmArthachakrabhRRit |

arjunAyAsavidhvaMsI kAladaMShTrAvibhUShaNaH || 177 ||

sujAtAnantamahimA svapnavyApAritArjunaH |

akAlasandhyAghaTanashchakrAntaritabhAskaraH || 178 ||

duShTapramathanaH pArthapratij~nAparipAlakaH |

sindhurAjashiraHpAtasthAnavaktA vivekadRRik || 179 ||

subhadrAshokaharaNo droNotsekAdivismitaH |

pArthamanyunirAkartA pANDavotsavadAyakaH || 180 ||

a~NguShThAkrAntakaunteyarathashshakto.ahishIrShajit |

kAlakopaprashamano bhImasenajayapradaH || 181 ||

ashvatthAmavadhAyAsatrAtapANDusutaH kRRitI |

iShIkAstraprashamano drauNirakShAvichakShaNaH || 182 ||

pArthApahAritadrauNichUDAmaNirabha~NguraH |

dhRRitarAShTraparAmRRiShTabhImapratikRRitismayaH || 183 ||

bhIShmabuddhipradashshAntashsharachchandranibhAnanaH |

gadAgrajanmA pAnchAlIpratijnAparipAlakaH || 184 ||

gAndhArIkopadRRigguptadharmasUnuranAmayaH |

prapannArtibhayachChettA bhIShmashalyavyadhAvahaH || 185 ||

shAntashshAntanavodIrNasarvadharmasamAhitaH |

smAritabrahmavidyArthaprItapArtho mahAstravit || 186 ||

prasAdaparamodAro gA~NgeyasugatipradaH |

vipakShapakShakShayakRRitparIkShitprANarakShaNaH || 187 ||

jagadgururdharmasUnorvAjimedhapravartakaH |

vihitArthAptasatkAro mAsakAtparivartadaH || 188 ||

utta~NkaharShadAtmIyadivyarUpapradarshakaH |

janakAvagatasvoktabhAratassarvabhAvanaH || 189 ||

asoDhayAdavodreko vihitAptAdipUjanaH ||

samudrasthApitAshcharyamusalo vRRiShNivAhakaH || 190 ||

munishApAyudhaH padmAsanAditridashArthitaH |

vRRiShTipratyavahArotkassvadhAmagamanotsukaH || 191 ||

prabhAsAlokanodyukto nAnAvidhanimittakRRit |

sarvayAdavasaMsevyassarvotkRRiShTaparichChadaH || 192 ||

velAkAnanasa~nchArI velAnilahRRitashramaH |

kAlAtmA yAdavo.anantasstutisantuShTamAnasaH || 193 ||

dvijAlokanasantuShTaH puNyatIrthamahotsavaH |

satkArAhlAditAsheShabhUsurassuravallabhaH || 194 ||

puNyatIrthAplutaH puNyaH puNyadastIrthapAvanaH |

viprasAtkRRitagokoTishshatakoTisuvarNadaH || 195 ||

svamAyAmohitA.asheShavRRiShNivIro visheShavit |

jalajAyudhanirdeShTA svAtmAveshitayAdavaH || 196 ||

devatAbhIShTavaradaH kRRitakRRityaH prasannadhIH |

sthirasheShAyutabalassahasraphaNivIkShaNaH || 197 ||

brahmavRRikShavarachChAyAsInaH padmAsanasthitaH |

pratyagAtmA svabhAvArthaH praNidhAnaparAyaNaH || 198 ||

vyAdheShuviddhapUjyA~NghrirniShAdabhayamochanaH |

pulindastutisantuShTaH pulindasugatipradaH || 199 ||

dArukArpitapArthAdikaraNIyoktirIshitA |

divyadundubhisaMyuktaH puShpavRRiShTiprapUjitaH || 200 ||

purANaH parameshAnaH pUrNabhUmA pariShTutaH |

patirAdyaH paraM brahma paramAtmA parAtparaH || 201 ||

shrIparamAtmA parAtparaH OM namaH iti |

phalashrutiH –

idaM sahasraM kRRiShNasya nAmnAM sarvArthadAyakam |

anantarUpI bhagavAn vyAkhyAtAdau svayambhuve || 202 ||

tena proktaM vasiShThAya tato labdhvA parAsharaH |

vyAsAya tena samproktaM shuko vyAsAdavAptavAn || 203 ||

tachChiShyairbahubhirbhUmau khyApitaM dvApare yuge |

kRRiShNAj~nayA hariharaH kalau prakhyApayadvibhuH || 204 ||

idaM paThati bhaktyA yaH shRRiNoti cha samAhitaH |

svasiddhyai prArthayantyenaM tIrthakShetrAdidevatAH || 205 ||

prAyashchittAnyasheShANi nAlaM yAni vyapohitum |

tAni pApAni nashyanti sakRRidasya prashaMsanAt || 206 ||

RRiNatrayavimuktasya shrautasmArtAnuvartinaH |

RRiShestrimUrtirUpasya phalaM vindedidaM paThan || 207 ||

idaM nAmasahasraM yaH paThatyetachChRRiNoti cha |

shivali~Ngasahasrasya sa pratiShThAphalaM labhet || 208 ||

idaM kirITI sa~njapya jayI pAshupatAstrabhAk |

kRRiShNasya prANabhUtassan kRRiShNaM sArathimAptavAn || 209 ||

draupadyA damayantyA cha sAvitryA cha sushIlayA |

duritAni jitAnyetajjapAdAptaM cha vA~nChitam || 210 ||

kimidaM bahunA shaMsanmAnavo modanirbharaH |

brahmAnandamavApyAnte kRRiShNasAyUjyamApnuyAt || 211 ||