Sri Krishna Krupa Kataksha Stotram

শ্রী কৃষ্ণ কৃপা কটাক্ষ স্তোত্রং

শ্লোক 1

শ্রীকৃষ্ণ প্রার্থনা

মূকং করোতি বাচালং পঙ্গু লঙ্ঘযতে গিরিম্।

যত্কৃপা তমহং বন্দে পরমানন্দ মাধবম্॥

নাহং বসামি বৈকুণ্ঠে যোগিনাং হৃদযে ন চ।

মদ্ভক্তা যত্র গাযন্তি তত্র তিষ্ঠামি নারদ॥

অথ শ্রী কৃষ্ণ কৃপা কটাক্ষ স্তোত্র ॥

ভজে ব্রজৈকমণ্ডনং সমস্তপাপখণ্ডনং

স্বভক্তচিত্তরঞ্জনং সদৈব নন্দনন্দনম্ ।

সুপিচ্ছগুচ্ছমস্তকং সুনাদবেণুহস্তকং

অনঙ্গরঙ্গসাগরং নমামি কৃষ্ণনাগরম্ ॥

মনোজগর্বমোচনং বিশাললোললোচনং

বিধূতগোপশোচনং নমামি পদ্মলোচনম্ ।

করারবিন্দভূধরং স্মিতাবলোকসুন্দরং

মহেন্দ্রমানদারণং নমামি কৃষ্ণ বারণম্ ॥

কদম্বসূনকুণ্ডলং সুচারুগণ্ডমণ্ডলং

ব্রজাঙ্গনৈকবল্লভং নমামি কৃষ্ণদুর্লভম্ ।

যশোদযা সমোদযা সগোপযা সনন্দযা

যুতং সুখৈকদাযকং নমামি গোপনাযকম্ ॥

সদৈব পাদপঙ্কজং মদীয মানসে নিজং

দধানমুক্তমালকং নমামি নন্দবালকম্ ।

সমস্তদোষশোষণং সমস্তলোকপোষণং

সমস্তগোপমানসং নমামি নন্দলালসম্ ॥

ভুবো ভরাবতারকং ভবাব্ধিকর্ণধারকং

যশোমতীকিশোরকং নমামি চিত্তচোরকম্ ।

দৃগন্তকান্তভঙ্গিনং সদা সদালিসঙ্গিনং

দিনে-দিনে নবং-নবং নমামি নন্দসম্ভবম্ ॥

গুণাকরং সুখাকরং কৃপাকরং কৃপাপরং

সুরদ্বিষন্নিকন্দনং নমামি গোপনন্দনম্ ।

নবীন গোপনাগরং নবীনকেলি-লম্পটং

নমামি মেঘসুন্দরং তডিত্প্রভালসত্পটম্ ॥

সমস্ত গোপ মোহনং, হৃদম্বুজৈক মোদনং

নমামিকুঞ্জমধ্যগং প্রসন্ন ভানুশোভনম্ ।

নিকামকামদাযকং দৃগন্তচারুসাযকং

রসালবেণুগাযকং নমামিকুঞ্জনাযকম্ ॥

বিদগ্ধ গোপিকামনো মনোজ্ঞতল্পশাযিনং

নমামি কুঞ্জকাননে প্রবৃদ্ধবহ্নিপাযিনম্ ।

কিশোরকান্তি রঞ্জিতং দৃগঞ্জনং সুশোভিতং

গজেন্দ্রমোক্ষকারিণং নমামি শ্রীবিহারিণম্ ॥

ফলশৃতি

যদা তদা যথা তথা তথৈব কৃষ্ণসত্কথা

মযা সদৈব গীযতাং তথা কৃপা বিধীযতাম্ ।

প্রমাণিকাষ্টকদ্বযং জপত্যধীত্য যঃ পুমান্

ভবেত্স নন্দনন্দনে ভবে ভবে সুভক্তিমান ॥