KYTS 4.5 Namaste Rudra Manyava

4.5 - namaste rudra manyava - kRSNa yajurveda taittirIya saMhitA pAThaH

zloka 1

kRSNa yajurvedIya taittirIya saMhitAyA-JcaturthakANDe paJcamaH praznaH - homavidhinirUpaNaM

o-nnamaH paramAtmane, zrI mahAgaNapataye namaH,

zrI gurubhyo namaH | ha॒riH॒ om ||

nama॑ste rudra ma॒nyava॑ u॒tota॒ iSa॑ve॒ namaH॑ | nama॑ste astu॒ dhanva॑ne bA॒hubhyA॑mu॒ta te॒ namaH॑ || yA ta॒ iSuH॑ zi॒vata॑mA zi॒va-mba॒bhUva॑ te॒ dhanuH॑ | zi॒vA za॑ra॒vyA॑ yA tava॒ tayA॑ no rudra mRDaya || yA te॑ rudra zi॒vA ta॒nUragho॒rA 'pA॑pakAzinI | tayA॑ nasta॒nuvA॒ zanta॑mayA॒ giri॑zantA॒bhi cA॑kazIhi || yAmiSu॑-Ggirizanta॒ haste॒ [haste᳚, bibha॒r​Syasta॑ve |] 1

bibha॒r​Syasta॑ve | zi॒vA-Ggi॑ritra॒ tA-Gku॑ru॒ mA higM॑sIH॒ puru॑Sa॒-Jjaga॑t || zi॒vena॒ vaca॑sA tvA॒ giri॒zAcchA॑ vadAmasi | yathA॑ na॒-ssarva॒mi-jjaga॑daya॒kSmagM su॒manA॒ asa॑t || addhya॑vocadadhiva॒ktA pra॑tha॒mo daivyo॑ bhi॒Sak | ahIg॑zca॒ sarvA᳚n ja॒bhaM​ya~॒n-thsarvA᳚zca yAtu dhA॒nyaH॑ || a॒sau yastA॒mro a॑ru॒Na u॒ta ba॒bhru-ssu॑ma॒GgalaH॑ | ye ce॒mAgM ru॒drA a॒bhito॑ di॒kSu [ ] 2

zri॒tA-ssa॑hasra॒zo 'vai॑SA॒gM॒ heDa॑ Imahe || a॒sau yo॑ 'va॒sarpa॑ti॒ nIla॑grIvo॒ vilo॑hitaH | u॒taina॑-Ggo॒pA a॑dRza॒-nnadR॑za-nnudahA॒ryaH॑ | u॒tainaM॒-vi~zvA॑ bhU॒tAni॒ sa dR॒STo mR॑DayAti naH || namo॑ astu॒ nIla॑grIvAya sahasrA॒kSAya॑ mI॒DhuSe᳚ | atho॒ ye a॑sya॒ satvA॑no॒-'ha-ntebhyo॑ 'kara॒nnamaH॑ || pramu॑Jca॒ dhanva॑na॒stva mu॒bhayo॒-rArtni॑yo॒rjyAm | yAzca॑ te॒ hasta॒ iSa॑vaH॒ [iSa॑vaH, parA॒ tA bha॑gavo vapa |] 3

parA॒ tA bha॑gavo vapa || a॒va॒tatya॒ dhanu॒stvagM saha॑srAkSa॒ zate॑Sudhe | ni॒zIrya॑ za॒lyAnA॒-mmukhA॑ zi॒vo naH॑ su॒manA॑ bhava || vijya॒-ndhanuH॑ kapa॒rdino॒ viza॑lyo॒ bANa॑vAgM u॒ta | ane॑zanna॒syeSa॑va A॒bhura॑sya niSa॒GgathiH॑ || yA te॑ he॒ti-rmI॑DhuSTama॒ haste॑ ba॒bhUva॑ te॒ dhanuH॑ | tayA॒-'smAn. vi॒zvata॒ stvama॑ya॒kSmayA॒ pari॑bbhuja || nama॑ste a॒stvAyu॑dhA॒yA-nA॑tatAya dhR॒SNave᳚ | u॒bhAbhyA॑ mu॒ta te॒ namo॑ bA॒hubhyA॒-ntava॒ dhanva॑ne || pari॑ te॒ dhanva॑no he॒tira॒smAn-vR॑Naktu vi॒zvataH॑ | atho॒ ya i॑Su॒dhistavA॒re a॒sma-nnidhe॑hi॒ tam || 4 ||

(haste॑ - di॒kSvi - Sa॑va - u॒bhAbhyAM॒ - dvAvigM॑zatizca) (a. 1)

namo॒ hira॑Nya bAhave senA॒nye॑ di॒zAJca॒ pata॑ye॒ namo॒ namo॑ vR॒kSebhyo॒ hari॑kezebhyaH pazU॒nA-mpata॑ye॒ namo॒ namaH॑ sa॒spiJja॑rAya॒ tviSI॑mate pathI॒nA-mpata॑ye॒ namo॒ namo॑ babhlu॒zAya॑ vivyA॒dhine-'nnA॑nA॒-mpata॑ye॒ namo॒ namo॒ hari॑kezAyo-pavI॒tine॑ pu॒STAnA॒-mpata॑ye॒ namo॒ namo॑ bha॒vasya॑ he॒tyai jaga॑tA॒-mpata॑ye॒ namo॒ namo॑ ru॒drAyA॑-tatA॒vine॒ kSetrA॑NA॒-mpata॑ye॒ namo॒ namaH॑ sU॒tAyA-ha॑ntyAya॒ vanA॑nA॒-mpata॑ye॒ namo॒ namo॒ [namaH॑, rohi॑tAya] 5

rohi॑tAya stha॒pata॑ye vR॒kSANA॒-mpata॑ye॒ namo॒ namo॑ ma॒ntriNe॑ vANi॒jAya॒ kakSA॑NA॒-mpata॑ye॒ namo॒ namo॑ bhuva॒ntaye॑ vArivaskR॒tA-yauSa॑dhInA॒-mpata॑ye॒ namo॒ nama॑ u॒ccai-rgho॑SAyA kra॒ndaya॑te pattI॒nA-mpata॑ye॒ namo॒ namaH॑ kRthsnavI॒tAya॒ dhAva॑te॒ sattva॑nA॒-mpata॑ye॒ namaH॑ || 6 ||

(vanA॑nA॒-mpata॑ye॒ namo॒ nama॒ - ekA॒nnatri॒gM॒zacca॑ ) (a. 2)

nama॒-ssaha॑mAnAya nivyA॒dhina॑ AvyA॒dhinI॑nA॒-mpata॑ye॒ namo॒ namaH॑ kaku॒bhAya॑ niSa॒GgiNe᳚ ste॒nAnA॒-mpata॑ye॒ namo॒ namo॑ niSa॒GgiNa॑ iSudhi॒mate॒ taska॑rANA॒-mpata॑ye॒ namo॒ namo॒ vaJca॑te pari॒vaJca॑te stAyU॒nA-mpata॑ye॒ namo॒ namo॑ nice॒rave॑ parica॒rAyAra॑NyAnA॒-mpata॑ye॒ namo॒ namaH॑ sRkA॒vibhyo॒ jighAgM॑sadbhyo muSNa॒tA-mpata॑ye॒ namo॒ namo॑ 'si॒madbhyo॒ nakta॒-Jcara॑dbhyaH prakR॒ntAnA॒-mpata॑ye॒ namo॒ nama॑ uSNI॒SiNe॑ girica॒rAya॑ kulu॒JcAnA॒-mpata॑ye॒ namo॒ nama॒ [namaH॑, iSu॑madbhyo] 7

iSu॑madbhyo dhanvA॒vibhya॑zca vo॒ namo॒ nama॑ AtanvA॒nebhyaH॑ prati॒dadhA॑nebhyazca vo॒ namo॒ nama॑ A॒yaccha॑dbhyo visR॒jadbhya॑zca vo॒ namo॒ namo-'sya॑dbhyo॒ viddhya॑dbhyazca vo॒ namo॒ nama॒ AsI॑nebhya॒-zzayA॑nebhyazca vo॒ namo॒ namaH॑ sva॒padbhyo॒ jAgra॑dbhyazca vo॒ namo॒ nama॒stiSTha॑dbhyo॒ dhAva॑dbhyazca vo॒ namo॒ namaH॑ sa॒bhAbhyaH॑ sa॒bhApa॑tibhyazca vo॒ namo॒ namo॒ azve॒bhyo 'zva॑patibhya zca vo॒ namaH॑ || 8 ||

(ku॒lu॒JcAnA॒-mpata॑ye॒ namo॒ namo - 'zva॑patibhya॒ - strINi॑ ca) (a. 3)

nama॑ AvyA॒dhinI᳚bhyo vi॒viddhya॑ntIbhyazca vo॒ namo॒ nama॒ uga॑NAbhya-stRgMha॒tIbhya॑zca vo॒ namo॒ namo॑ gR॒thsebhyo॑ gR॒thsapa॑tibhyazca vo॒ namo॒ namo॒ vrAte᳚bhyo॒ vrAta॑patibhyazca vo॒ namo॒ namo॑ ga॒Nebhyo॑ ga॒Napa॑tibhyazca vo॒ namo॒ namo॒ virU॑pebhyo vi॒zvarU॑pebhyazca vo॒ namo॒ namo॑ ma॒hadbhyaH॑ kSulla॒kebhya॑zca vo॒ namo॒ namo॑ ra॒thibhyo॑-'ra॒thebhya॑zca vo॒ namo॒ namo॒ rathe᳚bhyo॒ [namo॒ rathe᳚bhyaH, ratha॑patibhyazca] 9

ratha॑patibhyazca vo॒ namo॒ nama॒-ssenA᳚bhya-ssenA॒nibhya॑zca vo॒ namo॒ namaH॑ kSa॒ttRbhyaH॑ saGgrahI॒tRbhya॑zca vo॒ namo॒ nama॒stakSa॑bhyo rathakA॒rebhya॑zca vo॒ namo॒ namaH॒ kulA॑lebhyaH ka॒rmAre᳚bhyazca vo॒ namo॒ namaH॑ pu॒JjiSTe᳚bhyo niSA॒debhya॑zca vo॒ namo॒ nama॑ iSu॒kRdbhyo॑ dhanva॒kRdbhya॑zca vo॒ namo॒ namo॑ mRga॒yubhyaH॑ zva॒nibhya॑zca vo॒ namo॒ nama॒-zzvabhya॒-zzvapa॑tibhyazca vo॒ namaH॑ || 10 ||

(rathe᳚bhyaH॒ - zvapa॑tibhyazca॒ - dve ca॑ ) (a. 4)

namo॑ bha॒vAya॑ ca ru॒drAya॑ ca॒ namaH॑ za॒rvAya॑ ca pazu॒pata॑ye ca॒ namo॒ nIla॑grIvAya ca ziti॒kaNThA॑ya ca॒ namaH॑ kapa॒rdine॑ ca॒ vyu॑ptakezAya ca॒ namaH॑ sahasrA॒kSAya॑ ca za॒tadha॑nvane ca॒ namo॑ giri॒zAya॑ ca zipivi॒STAya॑ ca॒ namo॑ mI॒DhuSTa॑mAya॒ ceSu॑mate ca॒ namo᳚ hra॒svAya॑ ca vAma॒nAya॑ ca॒ namo॑ bRha॒te ca॒ var​SI॑yase ca॒ namo॑ vR॒ddhAya॑ ca saM॒​vRddhva॑ne ca॒ [saM॒​vRddhva॑ne ca, namo॒ agri॑yAya ca] 11

namo॒ agri॑yAya ca pratha॒mAya॑ ca॒ nama॑ A॒zave॑ cAji॒rAya॑ ca॒ namaQszIghri॑yAya ca॒ zIbhyA॑ya ca॒ nama॑ U॒rmyA॑ya cAvasva॒nyA॑ya ca॒ namaH॑ srota॒syA॑ya ca॒ dvIpyA॑ya ca || 12 ||

(saM॒​vR~ddhva॑ne ca॒ - paJca॑vigMzatizca) (a. 5)

namo᳚ jye॒SThAya॑ ca kani॒SThAya॑ ca॒ namaH॑ pUrva॒jAya॑ cApara॒jAya॑ ca॒ namo॑ maddhya॒mAya॑ cApaga॒lbhAya॑ ca॒ namo॑ jagha॒nyA॑ya ca॒ buddhni॑yAya ca॒ namaH॑ so॒bhyA॑ya ca pratisa॒ryA॑ya ca॒ namo॒ yAmyA॑ya ca॒ kSemyA॑ya ca॒ nama॑ urva॒ryA॑ya ca॒ khalyA॑ya ca॒ nama॒-zzlokyA॑ya cAvasA॒nyA॑ya ca॒ namo॒ vanyA॑ya ca॒ kakSyA॑ya ca॒ namaH॑ zra॒vAya॑ ca pratizra॒vAya॑ ca॒ [pratizra॒vAya॑ ca, nama॑ A॒zuSe॑NAya] 13

nama॑ A॒zuSe॑NAya cA॒zura॑thAya ca॒ nama॒-zzUrA॑ya cAvabhinda॒te ca॒ namo॑ va॒rmiNe॑ ca varU॒thine॑ ca॒ namo॑ bi॒lmine॑ ca kava॒cine॑ ca॒ namaH॑ zru॒tAya॑ ca zrutase॒nAya॑ ca || 14 ||

(pra॒ti॒zra॒vAya॑ ca॒ - paJca॑vigMzatizca) (a. 6)

namo॑ dundu॒bhyA॑ya cAhana॒nyA॑ya ca॒ namo॑ dhR॒SNave॑ ca pramR॒zAya॑ ca॒ namo॑ dU॒tAya॑ ca॒ prahi॑tAya ca॒ namo॑ niSa॒GgiNe॑ ceSudhi॒mate॑ ca॒ nama॑ stI॒kSNeSa॑ve cAyu॒dhine॑ ca॒ namaH॑ svAyu॒dhAya॑ ca su॒dhanva॑ne ca॒ nama॒-ssrutyA॑ya ca॒ pathyA॑ya ca॒ namaH॑ kA॒TyA॑ya ca nI॒pyA॑ya ca॒ nama॒-ssUdyA॑ya ca sara॒syA॑ya ca॒ namo॑ nA॒dyAya॑ ca vaiza॒ntAya॑ ca॒ [vaiza॒ntAya॑ ca, namaH॒ kUpyA॑ya] 15

namaH॒ kUpyA॑ya cAva॒TyA॑ya ca॒ namo॒ var​SyA॑ya cAva॒r​SyAya॑ ca॒ namo॑ me॒ghyA॑ya ca vidyu॒tyA॑ya ca॒ nama॑ I॒ddhriyA॑ya cAta॒pyA॑ya ca॒ namo॒ vAtyA॑ya ca॒ reSmi॑yAya ca॒ namo॑ vAsta॒vyA॑ya ca vAstu॒pAya॑ ca || 16 ||

(vai॒za॒ntAya॑ ca - tri॒gM॒zacca॑) (a. 7)

nama॒-ssomA॑ya ca ru॒drAya॑ ca॒ nama॑stA॒mrAya॑ cAru॒NAya॑ ca॒ namaH॑ za॒GgAya॑ ca pazu॒pata॑ye ca॒ nama॑ u॒grAya॑ ca bhI॒mAya॑ ca॒ namo॑ agreva॒dhAya॑ ca dUreva॒dhAya॑ ca॒ namo॑ ha॒ntre ca॒ hanI॑yase ca॒ namo॑ vR॒kSebhyo॒ hari॑kezebhyo॒ nama॑stA॒rAya॒ namaH॑ za॒mbhave॑ ca mayo॒bhave॑ ca॒ namaH॑ zaGka॒rAya॑ ca mayaska॒rAya॑ ca॒ namaH॑ zi॒vAya॑ ca zi॒vata॑rAya ca॒ [zi॒vata॑rAya ca, nama॒stIrthyA॑ya ca॒] 17

nama॒stIrthyA॑ya ca॒ kUlyA॑ya ca॒ namaH॑ pA॒ryA॑ya cAvA॒ryA॑ya ca॒ namaH॑ pra॒tara॑NAya co॒ttara॑NAya ca॒ nama॑ AtA॒ryA॑ya cAlA॒dyA॑ya ca॒ nama॒-zzaSpyA॑ya ca॒ phenyA॑ya ca॒ namaH॑ sika॒tyA॑ya ca pravA॒hyA॑ya ca || 18 ||

(zi॒vata॑rAya ca - tri॒gM॒zacca॑) (a. 8)

nama॑ iri॒NyA॑ya ca prapa॒thyA॑ya ca॒ namaH॑ kigMzi॒lAya॑ ca॒ kSaya॑NAya ca॒ namaH॑ kapa॒rdine॑ ca pula॒staye॑ ca॒ namo॒ goSThyA॑ya ca॒ gRhyA॑ya ca॒ nama॒stalpyA॑ya ca॒ gehyA॑ya ca॒ namaH॑ kA॒TyA॑ya ca gahvare॒SThAya॑ ca॒ namo᳚ hrada॒yyA॑ya ca nive॒SpyA॑ya ca॒ namaH॑ pAgMsa॒vyA॑ya ca raja॒syA॑ya ca॒ nama॒-zzuSkyA॑ya ca hari॒tyA॑ya ca॒ namo॒ lopyA॑ya cola॒pyA॑ya ca॒ [cola॒pyA॑ya ca, nama॑ U॒rvyA॑ya ca] 19

nama॑ U॒rvyA॑ya ca sU॒rmyA॑ya ca॒ namaH॑ pa॒rNyA॑ya ca parNaza॒dyA॑ya ca॒ namo॑-'pagu॒ramA॑NAya cAbhighna॒te ca॒ nama॑ Akkhida॒te ca॑ prakkhida॒te ca॒ namo॑ vaH kiri॒kebhyo॑ de॒vAnA॒gM॒ hRda॑yebhyo॒ namo॑ vikSINa॒kebhyo॒ namo॑ vicinva॒tkebhyo॒ nama॑ Anir-ha॒tebhyo॒ nama॑ AmIva॒tkebhyaH॑ || 20 ||

(u॒la॒pyA॑ya ca॒ - traya॑strigMzacca॑) (a. 9)

drApe॒ andha॑saspate॒ dari॑dra॒nnIla॑lohita | e॒SA-mpuru॑SANAme॒SA-mpa॑zU॒nA-mmA bhe rmA-'ro॒ mo e॑SA॒-GkiJca॒nAma॑mat || yA te॑ rudra zi॒vA ta॒nU-zzi॒vA vi॒zvAha॑bheSajI | zi॒vA ru॒drasya॑ bheSa॒jI tayA॑ no mRDa jI॒vase᳚ || i॒mAgM ru॒drAya॑ ta॒vase॑ kapa॒rdine᳚ kSa॒yadvI॑rAya॒ prabha॑rAmahe ma॒tim | yathA॑ na॒-zzamasa॑-ddvi॒pade॒ catu॑Spade॒ vizva॑-mpu॒STa-GgrAme॑ a॒smi- [a॒sminn, anA॑turam |] 21

-nnanA॑turam || mR॒DA no॑ rudro॒ tano॒ maya॑skRdhi kSa॒yadvI॑rAya॒ nama॑sA vidhema te | yaccha-Jca॒ yozca॒ manu॑rAya॒je pi॒tA tada॑zyAma॒ tava॑ rudra॒ praNI॑tau || mA no॑ ma॒hAnta॑mu॒ta mA no॑ arbha॒ka-mmA na॒ ukSa॑ntamu॒ta mA na॑ ukSi॒tam | mA no॑ vadhIH pi॒tara॒-mmota mA॒tara॑-mpri॒yA mA na॑sta॒nuvo॑ [mA na॑sta॒nuvaH॑, ru॒dra॒ rI॒ri॒SaH॒ |] 22

rudra rIriSaH || mA na॑sto॒ke tana॑ye॒ mA na॒ Ayu॑Si॒ mA no॒ goSu॒ mA no॒ azve॑Su rIriSaH | vI॒rA-nmAno॑ rudra bhAmi॒to va॑dhIr-ha॒viSma॑nto॒ nama॑sA vidhema te || A॒rAtte॑ go॒ghna u॒ta pU॑ruSa॒ghne kSa॒yadvI॑rAya su॒mnama॒sme te॑ astu | rakSA॑ ca no॒ adhi॑ ca deva brU॒hyadhA॑ ca na॒-zzarma॑ yaccha dvi॒bar​hAH᳚ || stu॒hi [ ] 23

zru॒ta-Gga॑rta॒sadaM॒-yuvA॑na-mmR॒ga-nna bhI॒ma-mu॑paha॒tnu-mu॒gram | mR॒DA ja॑ri॒tre ru॑dra॒ stavA॑no a॒nyante॑ a॒smanniva॑pantu॒ senAH᳚ || pari॑No ru॒drasya॑ he॒ti rvR॑Naktu॒ pari॑tve॒Sasya॑ durma॒tira॑ghA॒yoH | ava॑ sthi॒rA ma॒ghava॑dbhya-stanuSva॒ mIDhva॑sto॒kAya॒ tana॑yAya mRDaya || mIDhu॑STama॒ ziva॑tama zi॒vo naH॑ su॒manA॑ bhava | pa॒ra॒me vR॒kSa Ayu॑dha-nni॒dhAya॒ kRttiM॒-vasA॑na॒ Aca॑ra॒ pinA॑ka॒- [Aca॑ra॒ pinA॑kam, bibhra॒dAga॑hi |] 24

-mbibhra॒dAga॑hi || viki॑rida॒ vilo॑hita॒ nama॑ste astu bhagavaH | yAste॑ sa॒hasragM॑ he॒tayo॒-'nya-ma॒smanni va॑pantu॒ tAH || sa॒hasrA॑Ni sahasra॒dhA bA॑hu॒vostava॑ he॒tayaH॑ | tAsA॒mIzA॑no bhagavaH parA॒cInA॒ mukhA॑ kRdhi || 25 ||

(a॒smigg​-sta॒nuvaH॑-stu॒hi-pinA॑ka॒-mekA॒nnatri॒gM॒zacca॑) (a. 10)

sa॒hasrA॑Ni sahasra॒zo ye ru॒drA adhi॒ bhUmyA᳚m | teSAgM॑ sahasrayoja॒ne 'va॒dhanvA॑ni tanmasi || a॒smi-nma॑ha॒tya॑rNa॒ve᳚-'ntari॑kSe bha॒vA adhi॑ || nIla॑grIvA-zziti॒kaNThA᳚-zza॒rvA a॒dhaH, kSa॑mAca॒rAH || nIla॑grIvA-zziti॒kaNThA॒ divagM॑ ru॒drA upa॑zritAH || ye vR॒kSeSu॑ sa॒spiJja॑rA॒ nIla॑grIvA॒ vilo॑hitAH || ye bhU॒tAnA॒-madhi॑patayo vizi॒khAsaH॑ kapa॒rdi॑naH || ye anne॑Su vi॒viddhya॑nti॒ pAtre॑Su॒ piba॑to॒ janAn॑ || ye pa॒thA-mpa॑thi॒rakSa॑ya ailabR॒dA ya॒vyudhaH॑ || ye tI॒rthAni॑ - [ ] 26

pra॒cara॑nti sR॒kAva॑nto niSa॒GgiNaH॑ || ya e॒tAva॑ntazca॒ bhUyAgM॑sazca॒ dizo॑ ru॒drA vi॑tasthi॒re || teSAgM॑ sahasrayoja॒ne 'va॒dhanvA॑ni tanmasi || namo॑ ru॒drebhyo॒ ye pR॑thi॒vyAM-ye᳚-'ntari॑kSe॒ ye di॒vi yeSA॒mannaM॒ ~vAto॑ va॒r॒SamiSa॑va॒stebhyo॒ daza॒ prAcI॒ rdaza॑dakSi॒NA daza॑pra॒tIcI॒ rdazodI॑cI॒ rdazo॒rdhvA-stebhyo॒ nama॒ste no॑ mRDayantu॒ te ya-ndvi॒Smo yazca॑ no॒ dveSTi॒ taM-vo॒ jambhe॑ dadhAmi || 27 ||

(tI॒rthAni॒ - yazca॒ - SaT ca॑ ) (a. 11)

(nama॑ste rudra॒ - namo॒ hira॑NyabAhave॒ - nama॒-ssaha॑mAnAya॒ - nama॑ AvyA॒dhinI᳚bhyo॒ - namo॑ bha॒vAya॒ - namo᳚ jye॒SThAya॒ - namo॑ dundu॒bhyA॑ya॒ - nama॒-ssomA॑ya॒ - nama॑ iri॒NyA॑ya॒ - drApa॑ - sa॒hasrA॒ - NyekA॑daza)

(nama॑ste rudra॒ - namo॑ bha॒vAya॒ - drApe॑ - sa॒ptavigM॑zatiH)

(nama॑ste rudra॒, taM-vo~॒ jambhe॑ dadhAmi)

|| hariH॑ om ||

|| kRSNa yajurvedIya taittirIya saMhitAyA-Jcaturtha kANDe paJcamaH prazna-ssamAptaH ||